Romanus 15:13 - BIBLIA - traduson antigu in Krioulo

¹³ Asin Deus, ku ta da speransa, ta inci bos di kontentamentu ku pas pabia di bo fe, pa bo pudi ten garandi speransa na puder di Spiritu Santu.

Romanus 15:13 ပူးပေါင်းရင်းမြစ်များ

Isaias 55:12

Bo na sai ku kontentamentu, bo na giadu ku pas. Montis ku montisiñus na rebenta ku gritus di alegria bo dianti; tudu arvuris di matu na toka palmu.

Jeremias 14:8

O, Speransa di Israel, si Salbadur na tempu di foronta! Ke ku manda bu sedu suma ospri na tera, suma algin di bias ku na pasa un noti son?

Joel 3:16

SIÑOR na papia risu na Sion, i na yalsa vos forti na Jerusalen; seu ku tera na tirmi, ma SIÑOR na sedu kau suguru pa si pobu, kau forti pa fijus di Israel.

Bon Noba di Jesus Kristu ku Jon 14:1

I kontinua fala elis: “Bo diskansa bo korson tarpajadu. Suma bo fia na Deus, bo fia tambi na mi.

Bon Noba di Jesus Kristu ku Jon 14:27

N na disa bos ku pas; N na da bos ña pas. N ka na da bos el suma ku mundu ta da. Bo diskansa bo korson tarpajadu; ka bo medi.

Romanus 12:12

Bo kontenti na speransa ku bo ten, bo ten pasensa na foronta, bo pega tesu na orason.

Romanus 14:17

Renu di Deus i ka kumida, nin bibida, ma i pa tene vida justu ku pas ku alegria ku Spiritu Santu ta da.

Romanus 15:5

Deus ku ta da pasensa ku koraẑen ta juda bos pa bo sinti mesmu kusa pa ŋutru, pa sigi isemplu di Kristu Jesus,

1 Koríntius 2:4

Ña manera di fala ku kusa ku N ta konta ka seduba palabra di ngoda na jiresa di jinti, ma ku proba firmi di puder di Spiritu,

2 Koríntius 9:8

Deus pudi darma si benson ciu riba di bos, tok bo ka ta ten falta di nada na bo vida; ki ta sobra sempri pa juda utru jinti.

Gálatas 5:22

Spiritu di Deus ta padi frutu di amor, alegria, pas, pasensa, pruntidon pa juda, bondadi, sedu algin di fiansa, mansesa ku puder pa guberna kurpu.

Efésius 1:2

N misti pa Deus no Pape ku Siñor Jesus Kristu da bos fabur ku pas.

1 Tesalonisensis 1:5

Oca ku no leba bos Bon Noba, i ka son ku palabra, ma tambi ku puder na Spiritu Santu, ku garandi sertesa. Bo sibi kuma ku no na viviba na bo metadi, pa ben di bos.

1 Timótiu 1:1

Ami Paulu, apostolu di Jesus Kristu konformi mandadu di Deus no Salbadur, ku Kristu Jesus no speransa, N na skirbi pa Timótiu, ku sedu na bardadi ña fiju na fe.

Ebreus 6:11

I no vontadi pa kada un di bos mostra mesmu interes te na fin, pa bo pudi yangasa kusas ku bo na pera.

1 Pedru 1:8

Bo ka ciga di oja Jesus, ma bo amal. Bo ka na ojal gosi ma bo fia nel. E ku manda bo kontenti ku garandi alegria gloriosu ku ka pudi kontadu,

1 Samuel 1:18

Ana falal: “I bon pa N kontinua oja fabur na bu uju.” Asin i bai si kamiñu, i kume; si rostu ka fika mas tristi.