Romanus 14:3 - BIBLIA - traduson antigu in Krioulo

³ Kil ku na kume tudu kusa, ka i njuti kil ku ka na kume. Kil ku na kume son ortalisa pa ka i julga kil ku na kume tudu kusa, pabia Deus setal.

Romanus 14:3 ပူးပေါင်းရင်းမြစ်များ

Zakarias 4:10

Kin ku ta njuti dia di kusas pikininu? Jinti na kontenti ora ke oja prumu na mon di Zorobabel. “Ki seti uju i ujus di SIÑOR ku ta pasa na tudu mundu.”

Mateus 18:10

Bo toma sintidu, ka bo njuti nin un de pikininus, pabia N na konta bos kuma se anjus na seu e ta oja sempri rostu di ña Pape ku sta na seu. [

Mateus 9:14

Disipulus di Jon Batista bai pa Jesus, e puntal: “Pabia di ke ku anos ku fariseus no ta junjuŋa manga di bias, ma bu disipulus ka ta junjuŋa?”

Lukas 18:9

Jesus da tambi e komparason pa kilis ku fiaba na se kabesa, e oja kuma elis i justu; e njuti utru jinti;

Atus 10:34

Pedru toma palabra, i fala: “Agora N rapara kuma, na bardadi, Deus ka ta fasi skuju di jinti,

Atus 10:44

Oca Pedru na papiaba inda, Spiritu Santu ria riba di tudu kilis ku na sukutaba palabra.

Atus 28:2

Jinti di la e tratanu diritu. Suma cuba na cubi, kau staba friu, e sindi fugu garandi, e rukujinu tudu.

Romanus 11:15

Oca Deus nega judeus, i yabri kamiñu pa mundu torna si amigu. Ora ku Deus torna seta judeus, ke ki na sedu? I na sedu vida pa kilis ku sta mortu.

Romanus 14:1

Bo risibi kil ki fraku na fe; ka bo diskuti ku el na sintidu ki ten.

Romanus 14:10

Abo, pa ke ku bu na julga bu ermon? O abo tambi, pa ke ku bu na njuti bu ermon? Anos tudu no ten ku parsi dianti di tribunal di Deus.

Romanus 14:13

Ka no julga mas ŋutru. I minjor bo pui sintidu pa ka pui kusa ku na mbaransa bo ermon, pa pul pa i kai na pekadu.

Romanus 14:15

Si bu na pui bu ermon tristi pabia di kusa di kume, nta bu ka na yanda ja suma ku amor manda. Abo, pabia di kumida ka bu pirdinti bu ermon ku Kristu muri pa el.

Romanus 14:21

I minjor ka bu kume karni, nin bibi biñu, nin fasi utru kusa ku na pui bu ermon pa i kai na pekadu, o pa i fraksi.

Romanus 15:7

Asin, abos fortis ku frakus, bo risibi ŋutru, suma tambi Kristu risibinu, pa gloria di Deus.