Romanus 14:22 - BIBLIA - traduson antigu in Krioulo

²² Fe ku bu ten dentru di bo, guardal entri bo ku Deus. Sortiadu i kil ku ka ta sinti kulpadu si i na fasi un kusa ki oja kuma i dibi di fasi,

Romanus 14:22 ပူးပေါင်းရင်းမြစ်များ

Atus 24:16

E ku manda N ta buska sempri tene un konsiensia limpu dianti di Deus ku dianti di jinti.

Romanus 14:14

Ami N sibi ku tudu sertesa, na ña union ku Siñor Jesus, kuma i ka ten kumida ku Deus misti pa ka no kume, ma, si un algin kuda kuma un kusa ka dibi di kumedu, nta pa ki algin i ka puru.

Romanus 14:2

Utru ta oja kuma tudu kusa pudi kumedu. Utru ki fraku na fe ta kume son ortalisa.

Romanus 14:23

ma kil ku ten duvida, si i kume, i sta kondenadu, pabia i ka na kume ku fe. Tudu ku ka bin di fe i pekadu.

Romanus 14:5

Un ta diferensia dias, ma utru ta oja kuma tudu dia i mesmu. Kada kin dibi di ten sertesa na si kabesa propi.

Romanus 2:1

Abo, omi, kualker ku bu sedu, si bu na julga, bu ka ten diskulpa. Na kil ku bu na julga utru, bu na kondena bu kabesa, pabia bu na fasi suma el.

Romanus 7:15

N ka ta ntindi ke ku N na fasi, pabia kil ku N misti, N ka ta fasil, ma kil ku N ka misti, el ku N ta fasi.

Romanus 7:24

Disgrasadu algin ku N sedu! Kin ku na libran de kurpu ku na leban pa mortu?

1 Koríntius 8:7

I ka tudu ku ten e ntindimentu. Utrus kustuma dimas ku idulu. Te gosi, ora ke na kume, e ta sinti suma ki karni i di idulu. Manera ku se konsiensia i fraku, e ta sinti susu.

2 Koríntius 1:12

Kusa ku no pudi njata nel: no konsiensia ta mostranu klaru kuma no vida na mundu, prinsipalmenti na no tratu ku bos, i sedu na puresa ku bardadi ku bin di Deus. I ka na jiresa di karni, ma i fabur di Deus.

Gálatas 6:1

Ña ermons, si un algin ciga di kai di repenti na un kulpa, abos ku na yanda diritu ku Deus bo dibi di ndirital ku mansesa. Bo jubi pa bo kabesa, pa ka bo bin sedu tentadu tambi.

Tiagu 3:13

I ten na bo metadi algin jiru o ntindidu? I dibi di mostral ku si bon vida, ku kusas ki ta fasi na mansesa ku bin di jiresa.

1 Jon 3:21

Ña kiridu ermons, si no korson ka kondenanu, no fiansa dianti di Deus.