Romanus 14:15 - BIBLIA - traduson antigu in Krioulo

¹⁵ Si bu na pui bu ermon tristi pabia di kusa di kume, nta bu ka na yanda ja suma ku amor manda. Abo, pabia di kumida ka bu pirdinti bu ermon ku Kristu muri pa el.

Romanus 14:15 ပူးပေါင်းရင်းမြစ်များ

Ezekiel 13:22

Ku mintida bo pui tristesa na korson di bon jinti ku N ka pui tristesa nelis. Bo da koraẑen pa omi mau pa ka i konverti di si mau kamiñu pa salba si vida.

Romanus 13:10

Kil ku ten amor i ka ta fasi si kumpañer mal. E ku manda, kil ku ten amor i ta kumpri tudu lei.

Romanus 14:20

Ka bu dana tarbaju di Deus pabia di kumida. Bardadi, tudu kumida pudi kumedu, ma i mal pa kume un kusa ku na pui utru mbaransa.

Romanus 15:2

ma kada un di nos dibi di agrada si ermon pa ben del, pa i pudi kirsi na fe.

1 Koríntius 13:1

N pudi papia linguas di omis, o te di anjus, ma si N ka ten amor, N ta sedu suma sinu ku na somna, o suma feru ku na majadu.

1 Koríntius 8:1

Gosi N na ruspundi bo purgunta aserka di karni di ronia. I bardadi ku “anos tudu no ten ntindimentu”, suma ku bo fala, ma e ntindimentu i ta pui algin inci ku orgulyu. Amor ta juda.

Gálatas 5:13

Abos, ermons, bo comadu pa liberdadi; ma ka bo usa liberdadi suma diskulpa pa disa vontadi di bo kurpu manda na bos, ma bo sirbi ŋutru ku amor.

Efésius 5:2

Bo yanda ku amor, suma ku Kristu tambi amanu, i da si vida pa nos, suma oferta ku sakrifikadu, ku ta da bon ceru ku Deus ta kontenti ku el.

2 Pedru 2:1

Suma i tenba anunsiaduris falsu antigamenti na metadi di jinti, asin tambi i na ten pursoris falsu na bo metadi. E na miti nsinamentu ki ka bardadi, ku ta dana; e ta nega Mestre ku liberta elis; e ta tisi danu di repenti riba di se kabesa.

1 Jon 2:2

I pabia di sakrifisiu di Kristu ku no pekadu pudi tiradu; i ka son di nos, ma di jinti di tudu mundu.