Romanus 14:1 - BIBLIA - traduson antigu in Krioulo

¹ Bo risibi kil ki fraku na fe; ka bo diskuti ku el na sintidu ki ten.

Romanus 14:1 ပူးပေါင်းရင်းမြစ်များ

Jo 4:3

Abo bu nsinaba manga di jinti, bu da forsa pa kilis ku fraku.

Isaias 40:11

I na toma konta di si karnelis suma bakiadur; i na lambu karnelsiñus, i leba elis na si mon; kilis ku na mamanta, i ta leba elis ku mansesa.

Isaias 42:3

I ka na kabanta kebra kana ku kumsa na kebra, nin i ka na paga paviu ku na fuma. I na tisi justisa na bardadi.

Ezekiel 34:16

N na buska kil ku pirdi, N na tisi kil ku yanda lunju; kil ku kebra pe, N na ligal; kil ku sta duenti, N na kural, ma kil ki gurdu i forti, N na kaba ku el, pabia ami i bakiadur justu.

Ezekiel 34:4

Bo ka juda ki fraku pa i sedu forti, bo ka kura duentis; kil ku kebra pe, bo ka ligal; kil ku yanda lunju, bo ka tisil; bo ka buska kil ku pirdi, ma bo na manda riba delis ku forsa ku duresa.

Zakarias 11:16

Pabia N na lantanda un bakiadur na tera ku ka na toma konta di kilis ku na muri, nin i ka na buska kil ku pirdi, nin pa i kura kil ku molosta, ku fadi pa i bakia kilis ku san; ma i na kume karni di kil ku taka, i rinka si pe.

Mateus 12:20

I ka na kabanta kebra kana ku kumsa na kebra, nin i ka na paga paviu ku na fuma, te tempu ki na pui justisa ngaña vitoria.

Mateus 14:31

Ki ora Jesus distindi mon, i pegal, i falal: “Omi di puku fe, pabia di ke ku bu duvida?”

Mateus 18:10

Bo toma sintidu, ka bo njuti nin un de pikininus, pabia N na konta bos kuma se anjus na seu e ta oja sempri rostu di ña Pape ku sta na seu. [

Markus 7:19

I ka ta yentra na si korson, ma na stomagu; dipus i ta sai pa fora.” Asin Jesus diklara kuma tudu alimentu pudi kumedu.

Lukas 17:2

I minjor pa ki algin maradu pedra garandi na garganti, i botadu na mar, di ki pa i fasi un de pikininus kai na pekadu.

Bon Noba di Jesus Kristu ku Jon 13:20

N na konta bos bardadi kuma, kin ku risibi kil ku N manda, i ami ki risibi. Kin ku risibin ta risibi kil ku mandan.”

Atus 28:2

Jinti di la e tratanu diritu. Suma cuba na cubi, kau staba friu, e sindi fugu garandi, e rukujinu tudu.

Romanus 11:15

Oca Deus nega judeus, i yabri kamiñu pa mundu torna si amigu. Ora ku Deus torna seta judeus, ke ki na sedu? I na sedu vida pa kilis ku sta mortu.

Romanus 14:2

Utru ta oja kuma tudu kusa pudi kumedu. Utru ki fraku na fe ta kume son ortalisa.

Romanus 14:21

I minjor ka bu kume karni, nin bibi biñu, nin fasi utru kusa ku na pui bu ermon pa i kai na pekadu, o pa i fraksi.

Romanus 14:3

Kil ku na kume tudu kusa, ka i njuti kil ku ka na kume. Kil ku na kume son ortalisa pa ka i julga kil ku na kume tudu kusa, pabia Deus setal.

Romanus 15:1

Anos ku sedu forti, no dibi di juda frakus na se frakesa. No ka dibi di fasi no propi vontadi,

Romanus 15:7

Asin, abos fortis ku frakus, bo risibi ŋutru, suma tambi Kristu risibinu, pa gloria di Deus.

Romanus 4:19

I ka fraksi na fe, i ka jubi pa si kurpu sin forsa, manera ki tene kuas sen anu; nin i ka jubi tambi pa bejisa di Sara manera ki ka pudiba ja padi.

1 Koríntius 9:22

Pa kilis ki fraku, N ta bida suma fraku tambi, pa N pudi ngaña elis. Asin N ta sedu tudu kusa pa tudu jinti, pa N salba utrus di kualker manera ku N pudi.

Filipensis 2:29

Asin bo risibil ku garandi kontentamentu, suma un ermon na Siñor. Bo rispita jinti suma el,

1 Tesalonisensis 5:14

Ermons, no roga bos tambi pa bo raprindi risu kilis ku ka ta tarbaja; bo da koraẑen pa kilis ku ta medi; bo juda kilis ku fraku; bo ten pasensa ku tudu jinti.

Ebreus 5:14

ma bianda risu i pa garandi, ku ten manga di spiriensia ku pratika pa ntindi ben ku mal.

2 Jon 1:10

Si algin bin nunde bos, i ka tisi e nsinamentu, ka bo risibil na kasa, nin ka bo falal manteña di ermondadi,