Romanus 13:13 - BIBLIA - traduson antigu in Krioulo

¹³ No yanda onestu, suma kin ku na yanda di dia. Ka no yanda na wukesa, na camidera, na vida susu, na puku borgoña, na jusia, nin na nveẑa,

Romanus 13:13 ပူးပေါင်းရင်းမြစ်များ

Ditus 23:20

Ka bu sta na metadi di bibiduris, nin di kilis ku ta kume karni ciu,

Lukas 1:6

Elis tudu dus e ta yandaba diritu dianti di Deus; e ta guardaba mandamentu ku lei di Siñor; ningin ka pudi culi elis dedu.

Lukas 16:19

“I tenba un omi riku ku ta bisti ropa finu, karu; i ta kume sabi, i ta ronka ben.

Lukas 21:34

“Bo toma sintidu; ka bo diskuda son na wukesa, ku bibidera, ku kudadi de mundu, pa ka ki dia bin paña bos di repenti

Atus 2:15

E omis ka cami suma ku bo na pensa; i son novi ora di parmaña.

1 Koríntius 3:3

pabia bo na yanda inda suma jinti de mundu. Manera ku na bo metadi i ten inda nveẑa ku jus, bo ka sedu nan jinti di mundu? Bo ka na yanda suma utru jinti?

Gálatas 5:19

I klaru kuma ku naturesa di omi ta fasi; i ta mostradu na pekadu seksual, vida susu, puku borgoña,

Gálatas 5:21

nveẑa, bibidera, wukesa, ku utru kusas ku parsi suma es. N na avisa bos, suma ku N tarda avisaba ja, kuma kilis ku ta fasi asin ka na ten parti na renu di Deus.

Efésius 4:1

E ku manda, ami ku sedu katibu pabia N na sirbi Siñor, N roga bos pa bo vivi konformi manera di vida ku bo comadu pa el,

Efésius 4:17

Asin, na nomi di Siñor N na avisa bos. Ka bo yanda mas suma jinti ku ka kunsi Deus, ku tene pensamentu ku ka bali.

Efésius 5:15

Bo toma sintidu kuma ku bo na yanda. Ka bo yanda suma kil ki ka jiru, ma suma algin jiru.

Efésius 5:18

Ka bo cami biñu ku ta dana vida, ma bo inci ku Spiritu Santu.

Efésius 5:8

Purmeru, bo staba na sukuru, ma gosi, suma bo sedu di Siñor, bo sta na lus. Asin bo yanda suma kilis ku pertensi lus.

Filipensis 1:27

Kusa importanti i pa bo manera di vivi sedu dignu di Bon Noba di Kristu, pa nin si N bai jubi bos o nau, N pudi obi kuma bo sta firmi na un sintidu son, bo na geria juntu pa fe di Bon Noba, ku un pensamentu son.

Filipensis 2:3

Ka bo fasi nada ku spiritu di kumbosadia o di garandesa, ma ku umildadi kada kin dibi di oja si kumpañer mas di ki el.

Kolosensis 1:10

pa bo pudi yanda na manera dignu di Siñor, pa i pudi kontenti ku bos na tudu, pa bo vida mostra tudu koldadi frutu na bon kusas ku bo ta fasi, pa bo kirsi na kuñisimentu di Deus.

Kolosensis 3:5

Bo mata ki partis na bos ku sedu di tera, suma pekadu seksual, susidadi, diseẑu mau, vontadi forti pa mal, ku risu mon (ku sedu suma adora idulu).

1 Tesalonisensis 2:12

no ngoda bos pa bo yanda na manera dignu di Deus ku coma bos pa si renu ku si gloria.

1 Tesalonisensis 4:12

Asin, de manera bo pudi ngaña rispitu di kilis di fora, bo ka ta ten falta di nada.

1 Tesalonisensis 5:17

Bo ora sempri.

Tiagu 4:5

Bo kuda kuma Skritura fala amonton kuma, spiritu ku Deus pui na nos i kumboseru?

1 Jon 2:6

Kil ku fala kuma i sta nel, i dibi di yanda suma ku Kristu yanda.

2 Jon 1:4

N kontenti dimas manera ku N oja utru di bo fijus e na yanda na bardadi, suma ku no Pape mandanu.

Judas 1:23

Bo rabata utrus na fugu, bo salba elis. Bo ten pena di utrus, ma ku medu tambi; bo nuju te ropa mancadu ku pekadu ku kurpu ta dija.