Romanus 12:6 - BIBLIA - traduson antigu in Krioulo

⁶ No ten diferenti dons suma ku Deus patinu. Asin si algin ten don di anunsia rekadu di Deus, i ta tarbaja ku el konformi fe ki ten.

Romanus 12:6 ပူးပေါင်းရင်းမြစ်များ

Mateus 23:34

Asin N na manda bos anunsiaduris, jinti jiru ku pursoris. Bo na bin mata utrus, bo prega elis na krus; bo na suta utrus na bo kasas di juntamentu; bo na pirsigi elis na kada prasa,

Mateus 25:22

I bin tambi kil ku risibi dus saku, i falal: ‘Siñor, bu ntregan dus saku di uru; ali mas utru dus ku N ngaña ku elis.’

Lukas 11:49

E ku manda Deus fala na si jiresa: ‘N na manda elis anunsiaduris ku apostolus; e na mata utrus, e na pirsigi utrus.’

Atus 13:1

Na igreẑa di Antiokia i tenba anunsiaduris ku pursoris, ku sedu Barnabé, Simeon ku comadu Negru, Lusiu di Sireni, Manaen ku kriadu juntu ku rei Erodis, ku Saulu.

Atus 15:32

Suma Judas ku Silas seduba anunsiaduris tambi, e konsija ermons ku manga di palabra ku fortifika elis.

Atus 2:17

Deus fala asin: ‘Na ultimu tempu N na darma ña Spiritu riba di tudu jinti. Bo fijus macu ku femia na anunsia rekadu di Deus; bo jovens na oja visons; bo omis garandi na ba ta suña.

Atus 21:9

I teneba kuatru fiju bajuda ku ta anunsia rekadu di Deus.

Romanus 1:11

N misti oja bos, pa N pudi rapati ku bos puder spiritual, pa bo pudi fika mas forti.

Romanus 12:3

Pabia di tarbaju ku Deus dan, N ta konta kada un di bos pa ka i pui si kabesa na lugar ki ka yangasa, ma kada kin ta pensa pa si kabesa pensamentu justu, suma midida di fe ku Deus dal.

1 Koríntius 12:18

Deus pui kada parti di kurpu na si lugar propi, konformi i misti.

1 Koríntius 13:2

N pudi tene don di anunsia rekadu di Deus, N kunsi tudu kusa sukundidu, N sibi tudu kusa; N pudi ten garandi fe pa N mundanta montis, ma si N ka ten amor, N ka na sedu nada.

1 Koríntius 14:1

Bo pui amor na purmeru lugar, ma bo buska ku mpeñu dons di Spiritu, prinsipalmenti puder di anunsia rekadu di Deus.

1 Koríntius 14:24

Ma si tudu na anunsia rekadu di Deus, si un algin ku ka ten ntindimentu o ki ka krenti yentra, palabra di kada un ki na obi i na konvensil, i na julgal;

1 Koríntius 14:29

Pa anunsiaduris, dus o tris pudi fala; restu ta jubi palabra diritu.

1 Koríntius 3:5

Afinal, kin ki Apolu? Kin ki Paulu? Son servus di Deus ku bo konvertiba pabia delis. Kada un tarbaja konformi Siñor dal.

1 Koríntius 7:7

pabia N mistiba pa tudu omi sedu suma mi, ma kada kin tene si don ku Deus dal, un de manera, utru di utru manera.

2 Koríntius 8:12

Si bo sta ku vontadi di da, Deus ta seta kil ku bo tene; i ka na pidi bos kil ku bo ka tene.

Efésius 3:5

Na tempu ku pasa, e sigridu ka diskubridu pa jinti, ma gosi Deus usa si Spiritu pa diskubril pa si santu apostolus ku anunsiaduris.

Efésius 4:11

I el propi ku da es: utru jinti pa e sedu apostolus, utrus pa e sedu anunsiaduris, utrus pa e sedu ivanjelistas, utrus pa e sedu pastoris ku pursoris.

Filipensis 3:15

Anos tudu ku sedu maduru, no dibi di tene un mesmu manera di pensa. Si bo ka tene un mesmu pensamentu na kualker kusa, Deus ta mostra bos el.

1 Tesalonisensis 5:20

Ka bo njuti rekadu ku Deus manda pa bos na boka di algin.

2 Pedru 1:20

Purmeru bo dibi di rapara kuma ningin ka pudi ntindi anunsiu di Skritura son pa si kabesa,