Romanus 12:2 - BIBLIA - traduson antigu in Krioulo

² Ka bo fasi suma ku mundu na fasi, ma bo disa Deus arnoba bo pensamentu, pa rabida bo manera di yanda. Asin bo ta pudi rapara kal ki vontadi di Deus, kil ki bon, i pirfitu, i sabi.

Romanus 12:2 ပူးပေါင်းရင်းမြစ်များ

Esdras 10:11

Gosi bo pudi konfesa bo pekadu pa SIÑOR Deus di bo papes, bo fasi si vontadi, bo separa di pobu de tera ku minjeris stranjeru.”

Salmus 119:103

Bu palabra sabi dimas na ña boka, i mas mela di ki mel.

Salmus 119:128

E ku manda N sibi kuma tudu bu ordis i retu; tambi N nuju tudu kamiñu falsu.

Salmus 119:174

O SIÑOR, N faima pa bu salbason; bu lei i kusa sabi dimas pa mi.

Salmus 119:72

Lei ku sai na bu boka i mas minjor pa mi di ki milyaris di mueda di uru o di prata.

Salmus 119:97

N gosta ciu di bu lei; N ta pensa nel tudu ora.

Salmus 34:8

Bo spurmenta pa bo jubi kuma ku SIÑOR i bon; omi ku fiansa nel i ta sedu sortiadu.

Salmus 51:10

O Deus, kria na mi un korson puru; arnoba dentru di mi un spiritu retu.

Saida 23:2

“Ka bu pega tras di maioria pa fasi mal. Si bu na da tustumuñu na tribunal, ka bu toma parti ku maioria ku na konta mintida, pa justisa pudi sai tortu.

Ezekiel 18:31

Bo tira tudu bo maldadi ku bo ta fasi, bo ranja korson nobu ku nobu spiritu. N punta: Ke ku manda bo misti muri, abos, pobu di Israel?

Ezekiel 36:26

N na da bos un korson nobu, N pui na bos un spiritu nobu. N na tira na bos ki korson di pedra, N da bos korson di karni.

Mateus 13:22

Kil ku sumiadu na metadi di fidida, es i si sintidu: i kil ku ta obi palabra, ma i ta kuda ciu na kusa de mundu; rikesa ta nganal. Tudu e kusas ta perta palabra, e ta tujil padi frutu.

Markus 4:19

ma e ta kuda ciu na kusas de mundu; rikesa ta ngana elis; e ta misti manga di kusa. Tudu e pensamentu ta perta palabra, i ta tujil padi.

Bon Noba di Jesus Kristu ku Jon 14:30

N ka na papia ciu ku bos, pabia ŝef de mundu pertu ja; i ka tene nada riba di mi.

Bon Noba di Jesus Kristu ku Jon 15:19

Si bo seduba di mundu, mundu ta ama kil ki di sil, ma suma abos i ka di mundu, ma ami N kuji bos na mundu, e ku manda jinti di mundu ta nfastia bos.

Bon Noba di Jesus Kristu ku Jon 17:14

N da elis bu palabra; jinti di mundu nfastia elis pabia elis i ka di mundu, suma ku ami i ka di mundu.

Bon Noba di Jesus Kristu ku Jon 7:7

Jinti di mundu ka pudi nfastia bos, ma ami e ta nfastian, pabia N ta konta elis sempri kuma e ta fasi mal.

Romanus 12:1

Asin ermons, pabia di garandi amor di Deus, N na pidi bos pa bo ntrega bo kurpu pa i sedu suma un sakrifisiu bibu, dedikadu son pa el, pa kontental. Es ki adorason ku bo dibi di fasi.

Romanus 13:14

ma bo kubri ku armadura di Siñor Jesus Kristu. Ka bo alimenta mau diseẑu di bo naturesa.

Romanus 7:12

Lei i puru; mandamentu tambi i puru, i justu, i bon.

Romanus 7:14

No sibi kuma lei i spiritual, ma ami i karnal, bindidu suma katibu pa pekadu.

Romanus 7:22

Dentru di mi N gosta di lei di Deus,

1 Koríntius 3:19

pabia jiresa de mundu i tulesa dianti di Deus, suma ki sta skritu: “Deus ta paña jirus na se nturjisa.”

2 Koríntius 4:4

Deus de mundu i sega ntindimentu di kilis ku ka ta fia, pa tuji elis oja lus ku na lampra riba delis, ki lus ku bin di Bon Noba di gloria di Kristu, kil ku, na bardadi, i parsensa di Deus.

2 Koríntius 5:17

Si algin liga ku Kristu, i ta sedu nobu algin. Kusas beju pasa ja; tudu vida bida nobu.

Gálatas 1:4

Pa libertanu de tempu mau ku no sta nel, Kristu da si vida pa no pekadu, suma ku Deus no Pape mistiba,

Efésius 1:18

N pidi pa i yabri bo ntindimentu pa bo oja si lus, pa bo pudi sibi kal ki speransa ku bo comadu pa el, pa bo oja rikesa gloriosu di garandi benson ki fala i na da si pobu;

Efésius 2:2

Na ki tempu bo na sigiba mau kamiñu di mundu; bo ta obdisiba ŝef ku ta manda riba di puderis spiritual di ar, spiritu ku na manda te gosi na jinti ku ta disobdisi Deus.

Efésius 5:17

Pabia des, ka bo sedu tulu, ma bo buska ntindi ke ku Siñor misti pa bo fasi.

Kolosensis 1:9

Pa e roson anos tambi, disna di dia ku no obi e noba, no ka para ora pa bos; no pidi Deus pa i inci bos di kuñisimentu di si vontadi, ku tudu jiresa ku ntindimentu ku Spiritu ta da,

Kolosensis 3:10

bo bisti ja naturesa nobu ku na arnobadu sempri na parsensa di kil ku kumpul; bo na lebadu pa kunsi Deus diritu.

Kolosensis 4:12

Manteña di Epafras, utru membru di bo grupu, ki servu di Kristu, ku sempri i ta luta pa bos na orason, pa bo pudi fika firmi, bo sedu maduru na fe, bo fasi sempri tudu ku Deus misti.

1 Tesalonisensis 4:3

Kusa ku Deus misti i pa bo sedu puru, pa bo sta libri di pekadu seksual.

Titu 3:5

i salbanu; i ka pabia di kualker kusa bon ku no fasi, ma i pabia di si miserikordia ki labanu, i danu nobu nasimentu, un vida nobu di Spiritu Santu.

Tiagu 1:27

Koldadi riliẑion ku ka ten kulpa nin manca dianti di Deus no Pape i es: pa bai juda orfans ku viuvas na se kansera, tambi pa libra di podrisa de mundu.

Tiagu 4:4

Abos jinti ku ka fiel pa Deus, bo ka sibi kuma amisadi ku mundu i inimisadi ku Deus? Asin, kil ku misti sedu amigu di mundu i ta bida inimigu di Deus.

1 Pedru 1:14

Suma fijus obdienti, ka bo forma bo vida konformi diseẑus mau ku bo tenba oca ku bo ka sibiba nada inda,

1 Pedru 1:18

Bo sibi kuma i ka kusa ku ta dana, suma prata o uru, ku pagadu pa liberta bos di bo manera di yanda ku ka bali, ku bo yarda di bo papes di antigu,

1 Pedru 2:3

Gosi ja bo proba kuma Siñor i bon.

1 Pedru 4:2

Gosi, dias ku sobra bos na vida, bo ka dibi di sigi mau diseẑu di omis di mundu, ma bo dibi di yanda suma ku Deus misti.

2 Pedru 1:4

Pabia de gloria ku garandesa ku manda i fala i na danu garandi kusas di balur, ku pui pa bo pudi kapli di podrisa ku sta na mundu pabia di diseẑus mau, pa bo pudi toma parti na naturesa di Deus.

2 Pedru 2:20

Si jinti, dipus de kapli di podrisa di mundu pabia di kuñisimentu di Siñor i Salbadur Jesus Kristu, e torna fika rodiadu, tok ki kusas bin vensi elis mas, se stadu di kabantada ta sedu pior di ki di purmeru.

1 Jon 3:13

Ña ermons, ka bo dimira si jinti di mundu nfastia bos.

1 Jon 5:19

No sibi kuma no sedu di Deus, ma tudu mundu sta bas di puder di ki malvadu.

Apokalipsi 12:9

Ki garandi dragon fercadu, ku sedu antigu serpenti ku comadu diabu ku Satanas, ku ta ngana tudu mundu. I fercadu na tera, tudu ku si anjus.

Apokalipsi 13:8

Tudu jinti ku sta na tera adoral, menus kilis ku se nomi sta skritu disna di kumsada di mundu na libru di Karnel ku matadu, ki libru ku tene nomi di jinti ku tene vida.