Romanus 12:12 - BIBLIA - traduson antigu in Krioulo

¹² Bo kontenti na speransa ku bo ten, bo ten pasensa na foronta, bo pega tesu na orason.

Romanus 12:12 ပူးပေါင်းရင်းမြစ်များ

Salmus 109:4

N ama elis, ma e sta kontra mi. Ami N ta ora.

Salmus 37:7

Diskansa na SIÑOR, bu peral. Ka bu fadiga pabia di ki algin ku kusas ta kuri diritu ku el, nin pabia di omi ku ta pui si planus mau na pratika.

Salmus 40:1

N pera ku pasensa na SIÑOR; i para oreja pa mi, i obin oca ku N na comal.

Salmus 62:8

Ña pobu, bo fiansa nel sempri, bo kontal tudu ku sta na bo korson. Deus i no kau di suguransa. Sela.

Ditus 10:28

Speransa di jinti justu i kontentamentu, ma speransa di jinti mau ka na da rusultadu.

Ditus 14:32

Omi mau, si propi maldadi na batil, ma justu i ten speransa, mesmu na si mortu.

Mateus 5:12

Bo kontenti, bo jukuta di alegria, pabia garandi pagamentu na pera bos na seu; asin tambi ku anunsiaduris trataduba antis di bos.

Lukas 10:20

Kontudu ka bo kontenti manera ku spiritus na obdisi bos, ma bo kontenti suma bo nomis sta skritu na seu.”

Lukas 21:19

Bo fika firmi, bo na sedu salbu.

Lukas 8:15

Ma kil ku kai na bon terenu i mostra kilis ku obi palabra, e guardal na bardadi ku bon korson, e pega tesu, e ta da frutu.

Atus 1:14

E kontinua tudu juntadu na orason, ku minjeris, ku Maria, mame di Jesus, ku ermons di Jesus.

Atus 12:5

Asin Pedru staba guardadu na kalabus, ma igreẑa ka para pidi Deus pa el.

Atus 2:42

E kontinua sempri na risibi nsinamentu di apostolus; e ta tenba sempri kumuñon ku ŋutru; e ta rapati pon juntu, e fasi orason.

Atus 6:4

ma anos no ta pega tesu na orason ku tarbaju di konta palabra.”

Romanus 15:13

Asin Deus, ku ta da speransa, ta inci bos di kontentamentu ku pas pabia di bo fe, pa bo pudi ten garandi speransa na puder di Spiritu Santu.

Romanus 15:4

Tudu ku skirbiduba purmeru na palabra di Deus i skirbidu pa nsinanu, pa danu pasensa ku koraẑen, pa no pudi ten speransa.

Romanus 2:7

I na da vida ku ka ta kaba pa kilis ku kontinua na fasi ben, e buska gloria ku rispitu, ku vida ku ka na dana,

Romanus 8:25

Ma si no na pera kil ku no ka oja, no ta peral ku pasensa.

1 Koríntius 13:13

Gosi inda no na fika ku e tris kusa: fe, speransa ku amor, ma mas garandi di tudu i amor.

2 Koríntius 12:8

Tris bias N ora Siñor aserka del, pa i tiran el,

Filipensis 3:1

Pa kabanta, ña ermons, bo kontenti na Siñor. Pa ripiti kil ku N skirbiba ja i ka kansadu pa mi; tambi i suguransa pa bos.

Filipensis 4:4

N pidi bos, bo kontenti sempri na Siñor. Utru bias N na ripiti: Bo kontenti.

Kolosensis 1:11

No pidil pa i fortifika bos ku forsa ku bin di si puder gloriosu, pa bo pudi nguenta tudu ku bin, ku pasensa, ku kontentamentu,

Kolosensis 1:27

Vontadi di Deus i pa si pobu sibi kuma e sigridu i riku, i gloriosu na metadi di jintius. Sigridu i es: Kristu na bos, speransa di gloria.

Kolosensis 4:12

Manteña di Epafras, utru membru di bo grupu, ki servu di Kristu, ku sempri i ta luta pa bos na orason, pa bo pudi fika firmi, bo sedu maduru na fe, bo fasi sempri tudu ku Deus misti.

Kolosensis 4:2

Bo pega tesu na orason; bo yabri sintidu nel pa bisia; bo fala Deus obrigadu.

1 Tesalonisensis 1:3

No ta lembra sempri dianti di no Pape, ku sedu Deus, kuma ku bo fe ta mostra na kusas ku bo na fasi; bo amor i pui bo tarbaja ciu, bo speransa na no Siñor Jesus Kristu i firmi.

1 Tesalonisensis 5:8

ma anos, suma ku no sedu di dia, no dibi di sedu seriu; no pui fe ku amor suma armadura di pitu. No ten speransa di salbason suma kapasiti.

2 Tesalonisensis 1:4

E ku manda anos propi no ta ngaba bos na igreẑas di Deus, pabia di bo firmesa ku fe na tudu pirsigison ku sufrimentu ku bo ta nguenta.

2 Tesalonisensis 3:5

N pidi pa Siñor diriẑi bo korson na amor di Deus, ku firmesa ku Kristu ta da.

1 Timótiu 6:11

Abo, omi di Deus, libra de kusas, bu sigi justisa, un vida suma ku Deus misti, ku fe, amor, firmesa, ku mansesa.

2 Timótiu 3:10

Ma abo, bu rapara sempri ña nsinamentu, manera di yanda, sintidu ku N ten, fe, pasensa, amor, firmesa,

Titu 2:13

kontra no na pera ki dia alegri ku no pui no speransa nel, ku gloria di no garandi Deus Salbadur, Jesus Kristu, na parsi.

Titu 3:7

pa no pudi ojadu justu dianti di Deus pabia di si fabur, pa no bin tene vida ku ka ta kaba, konformi speransa ku no ten.

Ebreus 10:32

Bo lembra di dias ku pasa. Na ki tempu, dipus ku bo risibi lus, bo fika firmi na garandi luta di kansera.

Ebreus 10:36

Bo pirsisa di firmesa pa bo fasi vontadi di Deus, pa bo pudi yangasa kil ki fala i na da.

Ebreus 12:1

Anos tambi, ku tudu e tustumuñas ku rodianu suma nuven, no sakudi tudu kusa ku ta mbaransanu, ku pekadu ku ta lestu ku maranu; no kuri ku tudu mpeñu na kurida ku sta no dianti.

Ebreus 3:6

ma Kristu, suma Fiju, i fiel na si propi kasa. I anos ku sedu ki kasa, si no rakada no fiansa ku no speransa gloriosu firmi te na fin.

Ebreus 5:7

Oca i na vivi na mundu, i yalsa vos ku larma na orason, i pidi Deus, kil ku pudiba libral di mortu. I obidu pabia el i rispitadur di Deus.

Ebreus 6:12

No ka misti pa bo bin sedu prigisosu, ma pa bo remenda kilis ku na risibi kil ku Deus purmiti, pabia di se fe ku pasensa.

Ebreus 6:15

Abraon pera ku pasensa, i yangasa kil ku Deus fala i na da.

Tiagu 5:7

Asin ermons, bo ten pasensa te ora ku Siñor na bin. Bo oja kuma ku labradur ta pera pa si con da bon frutu. I ta pera ku pasensa tok i risibi purmeru cuba ku kil di kabantada.

1 Pedru 4:13

ma bo kontenti suma ku bo toma parti na sufrimentu di Kristu, pa, ora ku si gloria mostradu, bo ta fika kontenti ku alegria.

1 Pedru 4:7

Fin di tudu kusa sta ja pertu; asin bo ten ku sedu seriu, bo ba ta bisia na orason.

2 Pedru 1:6

Riba di kuñisimentu bo buri puder di manda riba di bo kurpu; riba di manda na bo kurpu bo buri pasensa; riba di pasensa bo buri rispitu pa Deus;

Apokalipsi 13:10

Kin ku markadu pa bai katiberasku, i ten ku bai. Kin ku markadu pa muri ku spada, i ten ku muri ku spada. Pa es i pirsis pa pobu di Deus ten koraẑen ku fe.