Romanus 11:8 - BIBLIA - traduson antigu in Krioulo

⁸ Suma ki sta skritu: “Deus da elis spiritu kingitidu, ujus pa ka oja, orejas pa ka obi, te aos.”

Romanus 11:8 ပူးပေါင်းရင်းမြစ်များ

2 Reis 17:34

Te aos e ta fasi konformi se kustumus antigu. E ka ta rispita SIÑOR, manera ke ka ta fasi konformi kustumus, ordis, leis ku mandamentus ku SIÑOR da fijus di Jakó, ku dadu nomi di Israel.

2 Reis 17:41

Asin ki jinti ta adoraba SIÑOR, ma e ta adoraba se idulus tambi; se fijus ku netus kontinua fasi mesmu kusas te aos.

Isaias 29:10

SIÑOR darma spiritu di sonu fundu riba di bos, i tapa bo ujus abos anunsiaduris; i kubri bo kabesa, abos videntis.

Isaias 6:9

I falan: “Bai, bu konta ki jinti: ‘Na bardadi bo ta obi, ma bo ka ta ntindi; bo ta oja, ma bo ka ta rapara.’

Jeremias 5:21

Abos, pobu tulu ku ka ten ntindimentu, ku tene uju ma bo ka na oja, ku tene oreja ma bo ka ta obi, bo sukuta e kusa.”

Ezekiel 12:2

“Fiju di omi, bu mora na metadi di un pobu disobdienti, ku tene uju pa jubi, ma e ka ta oja, e tene oreja pa obi, ma e ka ta obi, pabia e sedu un pobu disobdienti.

Ezekiel 20:26

N disa elis pa e kontamina ku se propi ofertas, ku sedu kuma, e sakrifika se purmeru fijus na fugu. N fasi asin pa miti elis medu, pa e ntindi kuma ami N sedu SIÑOR.’

Lukas 8:10

I fala elis: “Deus da bos kuñisimentu di sigridu di si renu, ma utru jinti ta obi son pa komparason, pa e jubi sin oja, pa e obi sin ntindi.

Atus 28:26

“‘Bai pa e pobu li, bu fala elis: “Ora ku bo obi, bo na sukuta, ma bo ka na ntindi; bo na jubi-jubi, ma bo ka na oja nada.”

Ripitison di Lei 29:4

ma te gosi SIÑOR ka da bos inda menti di ntindi, nin uju ku ta rapara, nin oreja ku ta obi.