Romanus 11:33 - BIBLIA - traduson antigu in Krioulo

³³ O fundura di rikesa di jiresa di Deus, ku si kuñisimentu! Kin ku pudi splika kusas ki disidi? Kin ku pudi ntindi si planu?

Romanus 11:33 ပူးပေါင်းရင်းမြစ်များ

Ester 2:22

Mardokeu bin sibi de kasu, i manda konta raiña Ester. Ester konta rei na nomi di Mardokeu.

Jo 10:13

“Ma bu teneba planu sukundidu na bu korson; gosi N sibi ke ku bu misti fasi.

Jo 15:8

Bu mati oca ku Deus na fasi planus na sigridu? I abo son ku ten jiresa?

Jo 23:14

I na bin fasi kil ki marka pa ña vida; i tene inda manga di utru planu na si sintidu.

Jo 26:14

Es i son ponta di si puder. Kil ku no obi del i suma vos pikininu na oreja. Kin ku pudi ntindi baruju di si puder?”

Jo 33:13

Ke ku manda bu na keŝa Deus kuma i ka ta da konta di nin un kusa ki na fasi?

Jo 37:19

“Jo, nsinanu ke ku no na fala Deus! No sta na sukuru; no ka pudi purpara no kasu.

Jo 37:23

Deus ku ten tudu puder, no ka pudi yangasal. El i garandi na puder; i ka ta kalka ningin na si justisa; i ta fasi tudu diritu.

Jo 5:9

El i ta fasi kusas garandi ku no ka pudi ntindi, ku milagris ciu ku no ka pudi konta.

Jo 9:10

I ta fasi garandi kusas ku ka pudi ntindidu, ku milagris ciu tok i pasa.

Salmus 139:6

E kuñisimentu i garandi dimas pa mi; manera ki altu dimas, N ka pudi ntindil.

Salmus 145:3

SIÑOR i garandi, i mersi ngabadu ciu; si garandesa ka pudi kunsidu.

Salmus 36:6

Bu retidon i suma garandi montañas; bu julgamentu i suma mar fundu. SIÑOR, bu ta guarda omis ku limarias.

Salmus 40:5

SIÑOR ña Deus, kusas garandi ku bu fasi pa nos i ciu dimas. I ka ten ningin suma bo! Tambi bu tene planus pa nos; N mistiba papia pa anunsia aserka delis, ma e ciu dimas pa konta.

Salmus 77:19

Bu pega kamiñu ku pasa na mar; bu yanda na metadi di yagu fundu, ma sinal di bu pe ka ojadu.

Salmus 92:5

SIÑOR, kusas ku bu fasi i garandi; bu pensamentus i fundu dimas.

Salmus 97:2

Nuvens ku sukuru na rodial; retidon ku justisa sedu alisersu di si renansa.

Ditus 25:2

Gloria di Deus i pa kubri kusas; gloria di reis i pa diskubri sigridu.

Ditus 25:3

Nunka no ka pudi kunsi pensamentu di rei; i altu suma seu, i fundu suma mar.

Eklesiastis 3:11

I fasi tudu kusa bonitu pa si tempu sertu; tambi i da omi sintidu di kil ku pasa ku kil ku na bin, ma omi ka pudi ntindi ke ku Deus fasi disna di kumsada te na kabantada.

Eklesiastis 7:24

Kualker kusa ku jiresa sedu, i sta lunju, i fundu dimas; kin ku na ojal?

Eklesiastis 8:17

Dipus N oja tudu ku Deus fasi. N oja kuma omi ka pudi ntindi ke ku ta fasidu ne mundu. Pa mas ku omi pui forsa pa diskubril, i ka na bin ntindil. Nin ku omi jiru fala kuma i sibi, i ka pudi sibi.

Isaias 28:29

Es i bin di SIÑOR ku ten tudu puder, ku ta fasi planus maravilyosu ku kusas garandi.

Isaias 40:28

Bu ka sibi? Bu ka obi kuma ki Deus ku ka ten kumsada nin kabantada, ku sedu SIÑOR, kil ku kumpu tudu parti di mundu, i ka ta kansa, nin si forsa ka ta kaba? Ningin ka pudi sibi ke ki na pensa.

Daniel 4:35

Tudu moraduris di mundu ojadu suma nada si dianti. I ta fasi konformi ki misti ku puderis di seu, ku moraduris di tera. I ka ten kin ku pudi paral si mon, ku fadi pa puntal: “Ke ku bu na fasi?”

Romanus 2:4

O bu ta njuti rikesa di si bondadi, kuma ki ta sufriu ku pasensa? Bu ka sibi kuma bondadi di Deus i pa lebau pa ripindimentu?

Romanus 9:23

I misti tambi mostra rikesa di si gloria na nos ki ten pena del, kilis ki purpara disna pa risibi e gloria.

1 Koríntius 2:10

Deus pui si Spiritu pa mostranu ki kusas, pabia Spiritu ta garbata tudu kusas, te na fundura di Deus.

Efésius 1:7

Pabia di si sangi no libertadu, no pekadu purdadu, konformi rikesa di fabur di Deus

Efésius 2:7

I fasi asin pa mostra, na tempus ku na bin, garandi rikesa di si fabur na bondadi ki ten pa nos na Kristu Jesus.

Efésius 3:10

pa ŝefis ku otridadis na mundu selestial, ora ke jubi pa igreẑa, e pudi rapara jiresa di Deus ku ten manga di forma.

Efésius 3:16

N pidil pa i tira di rikesa di si gloria pa da bos forsa ku puder dentru di bos, pa meiu di si Spiritu,

Efésius 3:18

pa abos ku tudu pobu di Deus pudi ntindi diritu kal ki largura, kumprimentu, altura ku fundura di amor di Kristu.

Efésius 3:8

Ami ki menus di tudu pobu di Deus, ma Deus dan e fabur di konta jintius Bon Noba di garandi rikesa di Kristu ku no ka pudi ntindi,

Kolosensis 1:27

Vontadi di Deus i pa si pobu sibi kuma e sigridu i riku, i gloriosu na metadi di jintius. Sigridu i es: Kristu na bos, speransa di gloria.