Romanus 11:25 - BIBLIA - traduson antigu in Krioulo

²⁵ Ermons, N misti pa bo sibi e sigridu, pa bo ka yalsa ombra, kuma ndurusimentu bin riba di Israel pa un tempu markadu, tok numeru di jintius ku na yentra kompleta.

Romanus 11:25 ပူးပေါင်းရင်းမြစ်များ

Salmus 107:43

Kin ki jiru, pa i para sintidu ne kusas, i pensa diritu na garandi bondadi di SIÑOR. Kantiga, salmu di Davi.

Salmus 127:1

Si SIÑOR ka kumpu kasa, pedrerus ta tarbaja amonton. Si SIÑOR ka guarda prasa, sintinela ta bisia amonton.

Salmus 22:27

Jinti di tudu parti di mundu na lembra, e na konverti pa SIÑOR. Tudu familias di nasons e na mpina si dianti, pa adoral,

Salmus 72:17

Si nomi pa i kontinua pa sempri; pa i pasantadu di papes pa fijus nkuantu sol na yardi. Jinti na bensuadu pabia del; tudu nasons na comal sortiadu.

Ditus 26:12

Bu ciga di oja un omi ku pensa kuma i jiru? Tulu mas ten speransa di ki el.

Ditus 26:16

Prigisosu i ta pensa kuma i mas jiru di ki seti omi ku sibi da bon rasposta.

Isaias 5:21

Ai di kilis ku sedu jiru na se propi uju, e oja kuma e sedu ntindidu!

Oseias 14:9

Kin ki jiru? I na sibi kuma e kusas i sertu. Kin ku ten ntindimentu? I na ntindi elis. Kamiñus di SIÑOR i retu; jinti justu na yanda nelis, ma kilis ku ta kebra lei e na kai na ki kamiñus.

Mateus 13:11

I ruspundi i fala elis: “Abos bo dadu kuñisimentu di sigridu di renu di seu, ma elis e ka dadu e kuñisimentu.

Lukas 21:24

E na matadu ku spada, e na lebadu prezu pa tudu nasons. Jintius na masa Jerusalen te ora ku se tempu kompleta.

Bon Noba di Jesus Kristu ku Jon 10:16

N tene inda utru karnel ku ka sedu de koral; tambi i pirsis pa N junta elis; e ta obi ña vos; i ta ten un rebañu son ku un bakiadur.

Romanus 1:13

Ermons, N misti pa bo sibi kuma manga di bias N pui pa N bai jubi bos, pa N pudi ten algun frutu na bo metadi, suma N tenba ja na utru jintius, ma te gosi N tujidu bai.

Romanus 11:12

Si kaida di judeus tisi rikesa pa mundu, tambi si se mingua tisi rikesa pa kilis ki ka judeu, ku fadi gora ora ke riba pa se forsa!

Romanus 11:24

Si bu kortadu na olivera brabu, bu njujadu na olivera puru kontra naturesa, ku fadi kil ku sedu olivera propi pa i torna njujadu na si propi olivera.

Romanus 12:16

Bo sedu unidu entri bos. Ka bo buska garandesa ma bo sedu amigu di jinti umildi. Ka bo oja na bo kabesa kuma bo sibi.

Romanus 16:25

Gloria pa Deus ku ten puder pa firmanta bos, konformi Bon Noba di Jesus Kristu ku N ta prega, suma no mostradu ja sigridu ku sukundidu antis di mundu formadu.

Romanus 9:18

Asin Deus ta ten pena di kil ki misti; si i misti i ta fasi algin korson duru.

1 Koríntius 10:1

Ña ermons, N misti pa bo ntindi kuma ku no garandis di antigu staba tudu guardadu bas di nuven, kuma ke pasa tudu na Mar Burmeju.

1 Koríntius 12:1

Gosi, ermons, N na ruspundi kil ku bo skirbi aserka di dons di Spiritu Santu, pabia N misti pa bo ntindil diritu.

1 Koríntius 2:7

No fala di jiresa di Deus ku sukundidu na si sigridu, ku Deus markaba pa no gloria antis di kumsada di mundu.

1 Koríntius 4:1

Jinti dibi di ojanu suma servus di Kristu, nkargadu di sigridus di Deus.

Efésius 1:9

I markaba ja, ku kontentamentu, fasinu kunsi si planu sukundidu ki mistiba fasi pa meiu di Kristu.

Efésius 3:9

tambi pa mostra tudu jinti kuma ku e planu sukundidu di Deus na pudu na pratika. Deus, ku kumpu tudu kusa, i sukundi e sigridu tudu tempu ku pasa,

Efésius 4:18

Se ntindimentu sta na sukuru. E sta separadu di vida ku Deus da, pabia di se falta di kuñisimentu, pa duresa di se korson.

2 Pedru 3:8

Ña kiridu ermons, es i un kusa ku bo ka dibi di diskisi, kuma un dia pa Siñor i suma mil anu; mil anu i suma un dia.

Apokalipsi 1:20

Es i sigridu sukundidu di ki seti strela ku bu oja na ña mon direita, ku seti kanderu di uru: Ki seti strela i anjus di ki seti igreẑa. Ki seti kanderu ku bu oja i ki seti igreẑa.

Apokalipsi 10:7

Ora ku dia ciga pa setimu anju toka si korneta, Deus ta fasi suma ki marka na si planu sukundidu, suma ki konta si servus anunsiadur.

Apokalipsi 11:15

Setimu anju toka si korneta. I obidu manga di vos forti na seu, ku fala: “Puder pa manda riba di mundu i pasa ja pa no Siñor ku si Kristu; i na rena pa tudu sempri.”

Apokalipsi 7:9

Dipus de kusas N jubi, N oja un garandi multidon di jinti ku ningin ka pudi konta, di tudu nason, tudu rasa, tudu pobu ku tudu lingua, ku staba sikidu dianti di tronu na pursensa di Karnel. E bisti ropa kumpridu branku, e pega ramu di palmera na mon.