Romanus 10:19 - BIBLIA - traduson antigu in Krioulo

¹⁹ N punta inda: Israel ka sibiba es? Moisés purmeru i fala: “N na pui bos na kumbosadia ku kilis ku ka sedu pobu. N na pui bos raiba ku un pobu ku ka ten ntindimentu.”

Romanus 10:19 ပူးပေါင်းရင်းမြစ်များ

Jeremias 10:14

Tudu jinti torna stupidu, e ka sibi nada. Tudu kilis ku ta tarbaja na uru e ta fika ku borgoña pa imaẑens ke kumpu, pabia e sedu mintida; i ka ten folgu nelis.

Jeremias 10:8

Ma elis tudu e stupidu, e tulu; Se nsinamentu bin di idulus di po ku ka bali.

Oseias 2:23

N na parantal pa mi na tera. N na ten amor pa Lo-Ruama; N na fala Lo-Ami: ‘Abo i ña pobu.’ El i na falan: ‘Abo i ña Deus!’ ”

Romanus 10:18

Ma N na punta: Nta e ka obi? Sertamenti e obi. “Se vos sai pa tudu tera; se palabra bai te na kau mas lunju di mundu.”

Romanus 11:11

Nta N punta: E mbaransa pa e pudi kai? Nau, i ka el. Pabia di se kaida salbason bin pa kilis ki ka judeu, pa lantanda judeus kumbosadia.

Romanus 11:14

pa N jubi si di kualker manera N pudi lantanda kumbosadia na jinti di ña rasa, pa utrus pudi salba.

Romanus 3:26

pa i pudi mostra si bondadi ne tempu, kuma el i justu, i ta pui kil ku fia na Jesus sedu justu.

1 Koríntius 1:12

kuma entri bos bo na purfia; un ta fala: “Ami i di Paulu;” utru: “Ami i di Apolu;” utru: “Ami i di Sefas;” utru inda ta fala: “Ami i di Kristu.”

1 Koríntius 10:19

Nta N na fala kuma idulu o kusa sakrifikadu pa el i un kusa di balur?

1 Koríntius 11:22

Nta bo ka tene bo kasas pa kume, pa bibi nel? O bo ta njuti igreẑa di Deus pa pui na borgoña kilis ku ka tene nada? Ke ku N pudi fala bos? Pa N ngaba bos? Nes li N ka pudi ngaba bos.

1 Koríntius 12:2

Bo sibi kuma, oca bo ka kunsiba inda Deus, bo ta rolantadu di manga di manera pa irans ku ka pudi fala nada.

1 Koríntius 15:50

Kusa ku N na fala bos, ermons, kuma karni ku sangi ka pudi ten parti na renu di Deus; nin kusa ku ta dana ka pudi ten parti na kusa ku ka ta dana.

1 Koríntius 7:29

Ke ku N misti fala bos, ermons, kuma tempu sta kurtu. Gosi, kil ku tene minjer, pa i sta suma i ka tene.

Ripitison di Lei 32:21

E lantanda ña siumi ku kil ku ka sedu Deus; ku se idulus e pun pa N paña raiba. Asin N na pui elis na kumbosadia ku kilis ku ka sedu pobu; N na pui elis raiba ku un nason ku ka ten ntindimentu.

Titu 3:3

Purmeru, asin ku no seduba: tulu, disobdienti, eradu, katibus pa tudu koldadi diseẑu mau, ku gozu di mundu. No ta yandaba na malisia ku nveẑa; no odiaduba, no ta odia utru jinti tambi,

1 Pedru 2:10

Purmeru ba bo ka sedu pobu, ma gosi bo sedu pobu di Deus. Purmeru ba bo ka kunsi miserikordia di Deus, ma gosi bo yangasal.