Romanus 1:5 - BIBLIA - traduson antigu in Krioulo

⁵ Pabia del no risibi fabur di sedu apostolus pa amor del, pa leba jinti di tudu rasa pa e obdisil, e fia nel.

Romanus 1:5 ပူးပေါင်းရင်းမြစ်များ

Malakias 1:11

Ña nomi na sedu garandi na metadi di nasons desdi saida di sol te na si kaida; na tudu lugar nsensu ku ofertas puru na pursentadu na ña nomi, pabia ami N na sedu garandi na metadi di nasons.” Asin ku SIÑOR ku ten tudu puder fala.

Malakias 1:14

“Pa i sedu maldisuadu ki nganadur ku tene un bon karnel na si koral, i fala i na dal pa SIÑOR, ma i bai pursenta un kusa ku tene difeitu. Ami i garandi Rei; ña nomi i meduñu na metadi di nasons.” Asin ku SIÑOR ku ten tudu puder fala.

Bon Noba di Jesus Kristu ku Jon 1:16

Anos tudu no risibi di si rikesa; i danu benson ripitidu.

Atus 1:25

pa i toma lugar ne tarbaju suma apostolu, ku Judas bandona pa bai pa lugar ki pertensi.”

Atus 15:14

Simon konta kuma, purmeru, Deus visita jintius pa tira na se metadi un pobu pa el, Deus.

Atus 6:7

Asin palabra di Deus na spajaba kada bias mas. Numeru di krentis na buri ciu na Jerusalen. Manga di saserdoti seta fe di Jesus.

Atus 9:15

Siñor falal: “Bai, pabia e omi li i un servu ku N kuji pa i leba ña nomi dianti di jintius, ku reis, ku pobu di Israel.

Romanus 12:3

Pabia di tarbaju ku Deus dan, N ta konta kada un di bos pa ka i pui si kabesa na lugar ki ka yangasa, ma kada kin ta pensa pa si kabesa pensamentu justu, suma midida di fe ku Deus dal.

Romanus 16:26

Gosi, pa ordi di Deus iternu, e sigridu sai na klaridadi, pabia di kartas ku anunsiaduris skirbi. I kontadu pa tudu nasons pa e pudi fia, e obdisi.

Romanus 3:29

Nta Deus i son di judeus? I ka Deus di jintius tambi? Sertu i delis tambi,

1 Koríntius 15:10

ma fabur di Deus fasin kil ku N sedu. Deus ka dan e fabur sin purbitu, pabia N tarbaja mas di ki elis tudu. Ma i ka ami; i fabur di Deus ku na tarbaja ku mi.

1 Koríntius 9:2

Nin ku N ka sedu apostolu pa utru jinti, sertamenti N sedu pa bos, pabia i abos ku sedu proba kuma ami i apostolu, suma bo sedu di Siñor.

Efésius 1:12

pa si gloria pudi ngabadu pabia di nos ku sedu purmeru ku pui no speransa na Kristu.

Efésius 1:6

No ngaba Deus pa si oferta gloriosu ki danu di grasa na si Fiju amadu.

Ebreus 5:9

Oca i fasidu pirfitu, i bin sedu fonti di salbason ku ka ta kaba pa tudu kilis ku obdisil.