Romanus 1:29 - BIBLIA - traduson antigu in Krioulo

²⁹ E inci ku tudu koldadi pekadu, maldadi, malisia ku kubisa; e inci tambi ku nveẑa, matansa, gera, nganu ku ruñesa;

Romanus 1:29 ပူးပေါင်းရင်းမြစ်များ

Salmus 41:7

Tudu jinti ku ka gosta di mi e na ŋuniŋuni kontra mi; e na kuda kusa mas pior, e fala:

Ditus 16:28

Omi tortu ta lantanda jus; kil ku ta disfama jinti i ta rapati garandi amigus.

Ditus 26:20

Sin leña, fugu ta paga; sin algin ku ta papia mal, jus na para.

Mateus 5:32

Ma N na konta bos: tudu omi ku kaba ku si minjer, si i ka pabia i pañal cai, i na pul pa i fasi adulteriu. Kil ku kasa ku minjer ku dispididu, i na fasi adulteriu.

Romanus 3:10

suma ki sta skritu: “I ka ten nin un justu, nin un son.

2 Koríntius 12:20

N ten medu pa, ora ku N ciga, N ka bai oja bos suma ku N misti; pa ka abos tambi bo ojan na manera ku bo ka misti; pa ka i ten jus na bo metadi, ku nveẑa, raiba, junda-junda, rui, sibi di vida di utru jinti, garandesa ku jumbulumani.

1 Timótiu 3:11

Minjeris tambi e dibi di sedu retu, ku ka ta papia mal di utru, seriu, fiel na tudu kusa.

Titu 3:3

Purmeru, asin ku no seduba: tulu, disobdienti, eradu, katibus pa tudu koldadi diseẑu mau, ku gozu di mundu. No ta yandaba na malisia ku nveẑa; no odiaduba, no ta odia utru jinti tambi,