Romanus 1:16 - BIBLIA - traduson antigu in Krioulo

¹⁶ N ka ta sinti borgoña di Bon Noba di Kristu, pabia i puder di Deus pa salba tudu kil ku fia nel, purmeru judeus, ku kilis ki ka judeus tambi.

Romanus 1:16 ပူးပေါင်းရင်းမြစ်များ

Salmus 110:2

Di Sion, SIÑOR na pui puder di bu renansa pa i aumenta pa utru teras; i fala: “Domina na metadi di bu inimigus.”

Salmus 119:46

N na papia di bu nsinamentus dianti di reis; N ka na burguñu.

Isaias 53:1

Kin ku fia na no rekadu? O kin ku SIÑOR mostra forsa di si mon?

Jeremias 23:29

I torna punta mas: “Nta ña palabra i ka sedu suma fugu, o suma martel ku ta kebra-kebra pedra garandi?”

Markus 8:38

Kin ku ten borgoña di mi ku ña palabra, na metadi di jinti mau i infiel ne mundu di aos, Fiju di omi tambi na ten borgoña del, ora ki bin na gloria di si Pape, ku si santu anjus.”

Lukas 9:26

Si algin ten borgoña di mi ku di ña palabra, Fiju di omi na sinti borgoña del ora ki bin na si gloria, ku di si Pape, ku santu anjus.

Bon Noba di Jesus Kristu ku Jon 7:35

Ŝefis di judeu punta entri elis: “Nunde ki na bai nel ku no ka na pudi ojal? I na bai pa judeus ku spaja na metadi di gregus pa bai nsina ki gregus?

Atus 3:26

Deus lantanda si servu, i mandal pa bos purmeru, pa i bensua bos, pa i pui kada un di bos rabida di si mau kamiñu.”

Romanus 10:17

Asin, obi rekadu ta danu fe. Rekadu bin di palabra di Kristu.

Romanus 15:29

N sibi kuma, ora ku N bai visita bos, N na ciga incidu di benson di Kristu.

Romanus 2:9

Sufrimentu ku dur na bin riba di tudu jinti ku na fasi mal, purmeru pa judeus, tambi ku jintius,

Romanus 4:11

I risibi sirkunsison suma sinal di kuma i sedu justu pabia di si fe antis di i sirkunsidadu, pa i pudi sedu pape di tudu kilis ku fia ku ka sirkunsidadu, pa elis tambi pudi ojadu justu;

1 Koríntius 15:2

kil tambi ku tisi bos salbason, si bo rakadal suma ku N konta bos el. Si i ka asin, bo konverti pa nada.

1 Koríntius 2:2

pabia nada N ka buska sibi na bo metadi, son Jesus Kristu, ku si mortu na krus.

1 Koríntius 2:4

Ña manera di fala ku kusa ku N ta konta ka seduba palabra di ngoda na jiresa di jinti, ma ku proba firmi di puder di Spiritu,

1 Koríntius 9:12

Si utrus ten diritu di pera e kusa di bos, anos tambi no ka ten mas diritu? Ma anos, nunka no ka purbita de diritu. Pa kontrariu, no nguenta tudu pa ka no pui mpidimentu na Bon Noba di Kristu.

1 Koríntius 9:18

Agora kal ki ña pagamentu? I kontentamentu ku N ten pa konta Bon Noba sin kobra ningin, sin purbita ki diritu ku N ten suma kil ku ta konta Bon Noba.

2 Koríntius 2:12

Oca ku N ciga Troas pa konta Bon Noba di Kristu, N oja kuma Siñor yabriba kamiñu pa N tarbaja la.

2 Koríntius 4:4

Deus de mundu i sega ntindimentu di kilis ku ka ta fia, pa tuji elis oja lus ku na lampra riba delis, ki lus ku bin di Bon Noba di gloria di Kristu, kil ku, na bardadi, i parsensa di Deus.

2 Koríntius 9:13

E tarbaju ta proba kuma, na bardadi, bo ta obdisi Bon Noba di Kristu; i ka son setal ku boka. Pabia di kila, e ta glorifika Deus; e ta glorifikal tambi pa ki garandi oferta ku bo manda pa elis ku tudu jinti.

Gálatas 1:7

Na bardadi i ka ten utru bon noba, ma i ten jinti ku na kunfundi bos; e misti tursi Bon Noba di Kristu,

1 Tesalonisensis 2:13

E ku manda sempri no ta fala Deus obrigadu, pabia, oca ku no leba bos rekadu di Deus, bo risibil; bo ka risibil suma palabra di omi, ma suma palabra di Deus, ku na bardadi i sedu. I e palabra ku na tarbaja na bos ku fia nel.

1 Timótiu 1:11

ku sta na Bon Noba di Deus gloriosu ku mersi ngabadu, ki Bon Noba ki dan pa N konta.

2 Timótiu 1:12

E ku manda N na sufri e kusas, ma N ka na burguñu del, pabia N sibi na kin ku N fia nel; N sta sertu kuma i ten puder pa guarda kil ku N ntregal te na ki dia.

2 Timótiu 1:16

N ta pidi pa Siñor mostra miserikordia pa familia di Onesíforu, pabia manga di bias i animan. I ka burguñu suma N sta na kalabus,

2 Timótiu 1:8

Asin, ka bu sinti borgoña di testifika di no Siñor, nin di mi ku sta prezu pa amor del, ma toma parti na sufrimentu pabia di Bon Noba konformi Deus danu forsa.

Ebreus 4:12

Palabra di Deus i bibu, i forti. I ta mas korta di ki spada di dus boka; i ta yentra te dentru di algin nunde ku alma ku spiritu ta rapati, te na metadi di juntamentu di os. I kapas di julga vontadi ku pensamentu di korson.

1 Pedru 4:16

ma si bo sufri pabia bo sedu Kriston, ka bo burguñu; bo ngaba Deus pabia de nomi.