Romanus 1:1 - BIBLIA - traduson antigu in Krioulo

¹ Ami Paulu, servu di Kristu Jesus, comadu pa sedu apostolu, separadu pa prega Bon Noba di Deus, N na skirbi pa bos na Roma.

Romanus 1:1 ပူးပေါင်းရင်းမြစ်များ

1 Kronikas 23:13

Anran padi Aron ku Moisés. Aron i separadu, el ku si jorson pa sempri, pa purifika kusas mas sagradu, pa kema nsensu dianti di SIÑOR, pa sirbil, pa bensua na si nomi pa sempri.

Isaias 49:1

Jinti di jius, bo sukutan; nasons di lunju, bo para sintidu. SIÑOR coman ocan na bariga di ña mame; i coma ña nomi oca ku N padidu.

Jeremias 1:5

“Antis di N kumpou na bariga, N kunsiu; antis di bu padidu, N kujiu pa bu sedu anunsiadur pa nasons.”

Markus 1:14

Jon pudu na kalabus. Dipus, Jesus riba pa Galileia, i konta Bon Noba di Deus, i fala:

Bon Noba di Jesus Kristu ku Jon 12:26

Kin ku na sirbin pa i sigin. Nunde ku N sta nel, ña servu na sta la tambi. Si algin sirbin, ña Pape na onral.

Bon Noba di Jesus Kristu ku Jon 15:15

N ka na coma bos mas di servus, pabia servu ka ta sibi ke ku si Siñor ta fasi; ma N na coma bos amigus, pabia N konta bos tudu ku N obi di ña Pape.

Bon Noba di Jesus Kristu ku Jon 15:20

Bo lembra de palabra ku N fala bos kuma, servu i ka mas garandi di ki si patron. Si e pirsigin, e na pirsigi bos tambi; si e obdisi ña palabra, tambi e na obdisi di bos.

Atus 13:9

Saulu, ku tambi comadu Paulu, incidu di Spiritu Santu, i finkal uju, i falal:

Atus 20:24

ma ami, N ka da ña vida nin un balur; N misti son kompleta ña kurida ku alegria, pa kabanta tarbaju ku Siñor Jesus dan pa N fasi, pa N konta palabra di Bon Noba di grasa di Deus.

Atus 21:40

Oca i dadu lisensa, Paulu sikidu na skada, i fasi sinal ku mon pa pobu. Dipus de kala, i papia ku elis na lingua di judeus, i fala:

Atus 22:21

Siñor falan: ‘Bai, pabia N na mandau lunju pa jinti ku ka sedu judeu.’ ”

Atus 22:7

N kai na con, N obi un vos ku na puntan: ‘Saulu, Saulu, ke ku manda bu na pirsigin?’

Atus 26:1

Agripa fala Paulu: “N dau lisensa pa bu papia pa bu difindi.” Paulu distindi mon na ki ora, i kumsa difindi, i fala:

Atus 26:14

No kai na con, anos tudu; N obi vos ku falan na lingua di judeus: ‘Saulu, Saulu, ke ku manda bu na pirsigin? I kusa kansadu pa bu rafila ku mantampa.’

Atus 27:23

E di noti li un anju di ña Deus ku N sedu del, ku N ta adora, i staba lungu di mi,

Atus 9:15

Siñor falal: “Bai, pabia e omi li i un servu ku N kuji pa i leba ña nomi dianti di jintius, ku reis, ku pobu di Israel.

Romanus 1:16

N ka ta sinti borgoña di Bon Noba di Kristu, pabia i puder di Deus pa salba tudu kil ku fia nel, purmeru judeus, ku kilis ki ka judeus tambi.

Romanus 1:5

Pabia del no risibi fabur di sedu apostolus pa amor del, pa leba jinti di tudu rasa pa e obdisil, e fia nel.

Romanus 1:9

Deus i ña tustumuña, ku N ta sirbi ku tudu ña korson, manera ku N ta konta Bon Noba di si Fiju. I sibi kuma N ta lembra di bos sempri

Romanus 11:13

I abos ki ka judeu ku N na papia ku el. Suma ku N sedu apostolu di kilis ki ka judeu, N ten garandesa na ña tarbaju,

Romanus 15:16

pa N sedu servu di Jesus Kristu pa leba si palabra pa jintius, pa N tarbaja na anunsiu di Bon Noba di Deus, pa jintius pudi setadu suma oferta ku Spiritu Santu santifika.

Romanus 15:29

N sibi kuma, ora ku N bai visita bos, N na ciga incidu di benson di Kristu.

Romanus 16:18

pabia kilis ku ta fasi asin e ka na sirbi Kristu no Siñor, ma e na sirbi se propi vontadi. E ta ngana menti di jinti inosenti ku se boka sabi ku ngodu.

Romanus 16:25

Gloria pa Deus ku ten puder pa firmanta bos, konformi Bon Noba di Jesus Kristu ku N ta prega, suma no mostradu ja sigridu ku sukundidu antis di mundu formadu.

1 Koríntius 1:1

Ami Paulu, comadu pa vontadi di Deus pa sedu apostolu di Jesus Kristu, juntu ku ermon Sóstenis,

1 Koríntius 9:1

N na punta bos: Ami i ka algin libri? Ami i ka apostolu? N ka oja Jesus no Siñor? Abos bo ka sedu rusultadu di tarbaju ku N fasi pa Siñor?

2 Koríntius 1:1

Ami Paulu, apostolu di Kristu Jesus pa vontadi di Deus, ku no ermon Timótiu, no na skirbi pa igreẑa di Deus ku sta na Korintu, ku tudu pobu di Deus ku sta na tudu Akaia.

2 Koríntius 11:5

N oja kuma ki bo garandi apostolus e ka mas mi na nada.

2 Koríntius 11:7

Nta es i seduba ña kulpa suma ku N ka kobra bos pa konta Bon Noba di Deus, ma N baŝa ña kabesa pa N pudi lantanda bos?

2 Koríntius 12:11

N fasi suma tulu manera ku N ngaba ña kabesa, ma abos ku obrigan pa N fasi asin. Abos ku dibi di ngabanba. Nin ku N ka sedu nada, ma N ka sta mas bas di ki ki bo garandi apostolus!

2 Koríntius 2:12

Oca ku N ciga Troas pa konta Bon Noba di Kristu, N oja kuma Siñor yabriba kamiñu pa N tarbaja la.

2 Koríntius 4:5

No ka ta konta aserka di no kabesa, ma di Kristu Jesus suma Siñor; anos suma bo servus pa amor di Jesus.

Gálatas 1:1

E karta i di mi, Paulu, apostolu. I ka omi ku coman pa N sedu apostolu, nin e comada ka bin pabia di omi, ma i Jesus Kristu ku coman, ku Deus Pape ku lantandal di mortu.

Efésius 1:1

Ami Paulu, apostolu di Kristu Jesus pa vontadi di Deus, N na skirbi pa pobu di Deus ku sta na Éfesu, ku sedu fiel na se union ku Kristu Jesus.

Efésius 1:13

Abos tambi ku obi palabra di bardadi, ku sedu Bon Noba ku tisi bos salbason, bo seta Kristu, bo yentra na union ku el; Deus marka bos ku Spiritu Santu ki falaba i na da.

Efésius 4:11

I el propi ku da es: utru jinti pa e sedu apostolus, utrus pa e sedu anunsiaduris, utrus pa e sedu ivanjelistas, utrus pa e sedu pastoris ku pursoris.

Ripitison di Lei 10:8

Na ki tempu SIÑOR separa jorson di Levi pa e leba arka di kontratu di SIÑOR, pa e firma si dianti pa sirbil suma saserdotis, pa bensua jinti na si nomi. E ta fasi kila te aos.

Filipensis 1:1

Anos, Paulu ku Timótiu, servus di Kristu Jesus, no na skirbi pa tudu pobu di Deus na Fílipus ku sta ligadu ku Kristu Jesus, tudu ku se garandis ku diákunus.

Filipensis 2:11

Kada boka ten ku konta klaru kuma Jesus Kristu i Siñor pa gloria di Deus no Pape.”

Kolosensis 1:1

Ami Paulu, apostolu di Kristu Jesus na vontadi di Deus, ku ermon Timótiu,

Kolosensis 1:25

Deus fasin servu di igreẑa, manera ki dan e tarbaju pa N fasi pa ben di bos, ku sedu tarbaju di konta tudu si palabra,

1 Tesalonisensis 2:2

Bo sibi kuma, antis di no bin pa bos, no sufri ciu, no mal-tratadu na Fílipus. Kontudu no tenba garandi luta, no Deus danu koraẑen pa konta bos si Bon Noba.

1 Tesalonisensis 2:8

Manera ku no ama bos, no tenba garandi vontadi, i ka son pa rapati Bon Noba ku bos, ma no propi vida, suma ku no ama bos ciu.

1 Tesalonisensis 2:9

Ermons, N ten sertesa kuma bo lembra di no tarbaju ku fadiga. Oca ku no na konta bos Bon Noba di Deus, no ta tarbajaba di noti ku di dia pa ka no sedu kargu pisadu pa nin un di bos.

1 Timótiu 1:1

Ami Paulu, apostolu di Jesus Kristu konformi mandadu di Deus no Salbadur, ku Kristu Jesus no speransa, N na skirbi pa Timótiu, ku sedu na bardadi ña fiju na fe.

1 Timótiu 2:7

E ku manda N fasidu mestre ku apostolu, pa N nsina jintius aserka di fe di bardadi. (N na konta bardadi; N ka na konta mintida.)

2 Timótiu 1:11

Deus distinan pa N sedu apostolu ku pursor pa konta e Bon Noba.

Titu 1:1

E karta i di mi, Paulu, servu di Deus, apostolu di Jesus Kristu, ku mandadu pa juda na fe di kilis ku Deus kuji, pa leba elis pa kunsi bardadi konformi no fe,

Ebreus 5:4

Ningin ka ta toma e lugar di rispitu pa si kabesa, ma i Deus ku ta comal, suma ki coma Aron.

Ebreus 7:26

No pirsisaba di un Ŝef di Saserdoti suma es, puru, sin pekadu, sin manca, lunjusidu di jinti ku ta peka, yalsadu pa un lugar mas altu na seu,

Tiagu 1:1

Ami Tiagu, servu di Deus ku Siñor Jesus Kristu, N na manda manteña pa dozi jorson di Israel ku spaja na mundu.

1 Pedru 4:17

I ciga ja tempu pa julgamentu kumsa na pobu di Deus. Si i kumsa na nos, kal ku na sedu fin di kilis ku nega obi Bon Noba di Deus?

2 Pedru 1:1

Ami Simon Pedru, servu ku apostolu di Jesus Kristu, N na skirbi pa kilis ku yangasa fe di garandi balur suma di nos, pabia di bondadi di no Deus i Salbadur, Jesus Kristu.

Judas 1:1

Ami Judas, servu di Jesus Kristu, ermon di Tiagu, N na skirbi pa kilis ku Deus coma, ku vivi na amor di Deus no Pape, ku Jesus Kristu ta guarda suguru.

Apokalipsi 1:1

E libru i kusas aserka di Jesus Kristu, ku Deus dal pa i pudi mostra si servus kusas ku ka na tarda pa sedu. I manda si anju pa i konta si servu Jon.

Apokalipsi 22:6

Anju falan mas: “E palabra i bardadi, i mersi fia nel. Siñor, Deus ku da si Spiritu pa anunsiaduris, i manda si anju pa i mostra si servus kusas ku ka na tarda pa kontisi.”

Apokalipsi 22:9

ma i falan: “Jubi, ka bu fasi asin, pabia ami N sta na tarbaju di Deus suma bo, ku bu ermons anunsiaduris, ku kilis ku guarda palabras de libru. Adora Deus.”