Ripitison di Lei 7:7 - BIBLIA - traduson antigu in Krioulo

⁷ I ka pabia bo seduba mas ciu di ki tudu utru rasas ku manda SIÑOR pui sintidu na bos, i kuji bos, ma bo seduba nason mas pikininu di tudu.

Ripitison di Lei 7:7 ပူးပေါင်းရင်းမြစ်များ

1 Kronikas 16:19

Bo seduba inda puku na numeru, puku omis, ospris na tera.

Salmus 105:12

Bo seduba inda puku na numeru, puku omis, ospris na tera.

Salmus 115:1

I ka pa nos, SIÑOR, i ka pa nos, ma pa bu nomi ku gloria na dadu, pabia abo i bon i fiel.

Salmus 44:3

E ka ngaña tera ku se spada, nin i ka forsa di se mon ku da elis vitoria; ma i bu mon direita ku bu forsa, ku lus di bu rostu, pabia bu kontenti ku elis.

Isaias 51:2

Bo pensa na Abraon, bo pape, ku Sara ku padi bos, pabia, oca ku N comal, i staba el son, ma N bin bensual, N pui si jorson pa i ciu.

Isaias 63:9

Na tudu se sufrimentu el i sufri; anju, ku sedu el propi, i salba elis. Ku si amor ku si miserikordia i libra elis, i toma elis, i gia elis tudu dias di tempu antigu,

Ezekiel 20:5

bu fala elis: ‘Asin ku SIÑOR Deus fala: Na dia ku N kuji Israel, N yalsa mon pa jorson di Jakó, N fasi elis pa e kunsin na tera di Ejitu. N yalsa mon, N jurmenta pa elis, N fala: “Ami i SIÑOR bo Deus.”

Ezekiel 36:22

“Pabia di kila, fala pobu di Israel kuma, asin ku SIÑOR Deus fala: ‘Pobu di Israel, i ka pa amor di bos ku N na fasi es, ma i pabia di ña nomi sagradu ku bo dana na metadi di nasons nunde ku bo bai nel.

Mateus 7:14

ma porton i pikininu, kamiñu i pertadu ku ta bai pa vida; i puku jinti ku ta ojal.

Lukas 12:32

“Ña karnelsiñus, ka bo medi, pabia bo Pape misti da bos renu.

Romanus 11:6

Si i pa fabur, i ka pabia di kusas ke fasi. Si i ka asin, fabur ka ta sedu fabur.

Romanus 9:18

Asin Deus ta ten pena di kil ki misti; si i misti i ta fasi algin korson duru.

Romanus 9:21

O kumpudur di puti ka ten diritu pa toma un bokadu di lama pa i fasi un puti di mas balur, i fasi utru tambi ku menus balur?

Ripitison di Lei 1:10

SIÑOR bo Deus aumenta ja bo numeru; aos bo ciu suma strelas na seu.

Ripitison di Lei 10:22

Oca ku bu papes baiba pa Ejitu e seduba setenta jinti, ma gosi SIÑOR bu Deus fasi bos bo ciu suma strelas na seu.

Ripitison di Lei 14:2

Abos i pobu sagradu pa SIÑOR bo Deus. SIÑOR kuji bos di tudu rasas na mundu pa bo sedu si pobu spesial.

Ripitison di Lei 4:37

Manera ki ama bu papes, i kuji se jorson, e ku manda el propi i tirau di Ejitu ku si garandi forsa,

1 Jon 3:1

Bo oja garandi amor ku no Pape mostranu, pa no comadu fijus di Deus. Asin ku no sedu na bardadi. E ku manda jinti di mundu ka kunsinu, pabia e ka kunsil.

1 Jon 4:10

Es i amor; i ka kuma no ama Deus, ma i el ku amanu, i manda si Fiju pa no pekadu pudi tiradu pabia del.