Ripitison di Lei 5:9 - BIBLIA - traduson antigu in Krioulo

⁹ Ka bu mpina pa elis, nin ka bu adora elis, pabia ami, SIÑOR bu Deus, N sedu Deus ku ta ten siumi. Kilis ku odian, N ta kastiga se maldadi riba di se fijus ku netus ku bisnetus.

Ripitison di Lei 5:9 ပူးပေါင်းရင်းမြစ်များ

2 Reis 17:35

Oca ku SIÑOR fasiba kontratu ku pobu di Israel, i da elis ordi, i fala: “Ka bo adora utru deusis, nin ka bo mpina se dianti; ka bo sirbi elis nin ka bo sakrifika pa elis,

Saida 34:14

Ka bo adora utru deus, pabia nomi di SIÑOR i Siumi; na bardadi el i Deus di siumi.

Saida 34:7

ku ta kontinua mostra si amor pa milyaris di jinti, ku ta purda maldadi ku rebelion ku pekadu, ma i ka ta trata kulpadu suma kin ku ka ten kulpa. I ta kastiga fijus, ku se fijus ku netus, pabia di pekadu di se papes.”

Jeremias 32:18

Bu ta fasi bondadi pa milyaris di jinti, ma bu ta pui maldadi di papes pa i kai riba di fijus. Abo i Deus garandi, puderosu, ku ten nomi di SIÑOR ku ten tudu puder.

Numerus 14:18

‘SIÑOR ten garandi pasensa ku amor, i ta purda pekadu ku rebelion, ma i ka ta diskulpa kil ki kulpadu; i ta kastiga fijus ku netus te na terseru ku kuartu jorson, pabia di pekadu di papes.’

Ripitison di Lei 4:16

pa bo ka kai na kurupson tok bo bin labra un imaẑen na forma di omi o di minjer,

Ripitison di Lei 4:24

pabia SIÑOR bo Deus i un fugu ku ta kaba ku tudu, un Deus ku ta ten siumi.

Ripitison di Lei 6:15

pa raiba di SIÑOR bu Deus ka bin yardi kontra bo, tok i kaba ku bo, pabia SIÑOR bu Deus ku sta na bo metadi i ta ten siumi.

Ripitison di Lei 7:10

ma kilis ku odial, i ka na tarda pa da elis se pagamentu, i na kaba ku elis.