Ripitison di Lei 4:4 - BIBLIA - traduson antigu in Krioulo

⁴ Ma abos tudu ku fikaba fiel pa SIÑOR bo Deus, bo sta bibu te aos.

Ripitison di Lei 4:4 ပူးပေါင်းရင်းမြစ်များ

Salmus 63:8

N ta pega na bo; bu mon direita ta nguentan.

Isaias 26:20

Ña pobu, bo bai, bo yentra na bo kuartus, bo fica porta, bo sukundi un bokadu tok raiba di Deus pasa.

Ezekiel 9:4

i falal: “Pasa na metadi di prasa di Jerusalen, bu pui sinal na rostu di kilis ku sta tristi, e na cora pabia di kusas nujenti ku na fasidu la.”

Atus 11:23

Oca i ciga, i oja kuma Deus na tarbaja la, i fika kontenti, i konsija elis pa e pega tesu na Siñor ku tudu se korson.

Romanus 12:9

Ka bo ten amor finjidu. Bo nega mal; bo pega na kil ki bon.

Ripitison di Lei 10:20

Rispita SIÑOR bu Deus; el son ku bu na ciga pa el, bu sirbil; son na si nomi ku bu na jurmenta.

Ripitison di Lei 13:4

Son tras di SIÑOR bo Deus ku bo na yanda; i el ku bo na rispita, i si mandamentus ku bo na obdisi, si palabra ku bo na obi, i el son ku bo na ciga pertu del pa sirbi.

Ripitison di Lei 30:20

Ama SIÑOR bu Deus, bu para sintidu pa si palabra, bu ciga pertu del, pabia el i bu vida; i na pou pa bu vivi manga di anu na tera ku SIÑOR purmiti ku juramentu pa bu papes, Abraon, Isak ku Jakó, kuma i na da elis el.

Ripitison di Lei 4:3

Bo oja ku bo uju ke ku SIÑOR fasi pabia di Baal-Peor. SIÑOR kaba ku tudu omi na bo metadi ku bai tras di Baal di Peor.

Ripitison di Lei 4:5

Ami N nsina bos regras ku leis, suma ku SIÑOR ña Deus mandan, pa bo pudi pui elis na pratika na tera ku bo na bai yarda.

Josué 22:5

Bo pui sintidu pa obdisi mandamentus ku lei ku Moisés, servu di SIÑOR, manda bos, pa bo ama SIÑOR bo Deus, bo yanda na tudu si kamiñus, bo kumpri si ordis, bo pegal diritu, bo sirbil ku tudu korson ku alma.”

Josué 23:8

ma bo pega SIÑOR bo Deus, suma ku bo fasi te aos.

Apokalipsi 14:4

Esis i kilis ku ka susa se vida ku minjeris, pabia e sedu virẑen. I elis ku ta yanda tras di Karnel pa tudu ladu ki na bai. I sedu kilis ku kumpradu na metadi di jintif pa e sedu purmeru oferta pa Deus ku Karnel.

Apokalipsi 20:4

Dipus, N oja tronus, ku kilis ku sinta nelis; e dadu puder pa julga. N oja almas di kilis ku dogoladu pabia e testifika di Jesus, ku palabra di Deus, e ka adora besta, nin si imaẑen, e nega risibi sinal na testa o na mon. E torna bibu, e rena ku Kristu mil anu,