Ripitison di Lei 17:9 - BIBLIA - traduson antigu in Krioulo

⁹ nunde saserdotis levita, tambi nunde juis ku na julga na ki tempu; bu na pursenta kasu; elis e ta kontau kil ke disidi.

Ripitison di Lei 17:9 ပူးပေါင်းရင်းမြစ်များ

1 Kronikas 26:29

Kenanias ku si fijus e kujidu na metadi di izaritas, e pudu riba di Israel pa tarbaju fora di templu, pa sedu administraduris ku juisis.

Saida 18:16

Ora ku jinti ten un purblema e ta bin pa mi, pa N fasi elis justisa, pa N konta elis kal ki ordis ku leis di Deus.”

Saida 22:8

ma si ladron ka ojadu, dunu di kasa i ta lebadu dianti di juisis pa jubi si i ka pui mon na kusas di si visiñu.

Jeremias 18:18

E fala: “Bo bin no fasi no planu kontra Jeremias. Saserdoti na sta li pa nsinanu lei; jirus na danu konsiju; i ten anunsiaduris pa danu palabra. Bo bin no atakal ku no lingua; ka no sukuta nin un di si palabras.”

Ezekiel 44:24

“Ora ki ten keŝa na se metadi, saserdotis na mati pa julga kasu konformi ña leis. E ten ku guarda ña leis ku mandamentus aserka di tudu ña festivalis markadu; e na guarda ña dias di diskansu sagradu.

Aẑeu 2:11

“Asin ku SIÑOR ku ten tudu puder fala: Punta saserdotis aserka di lei, bu fala:

Zakarias 3:7

“Asin ku SIÑOR ku ten tudu puder fala: ‘Si bu yanda na ña kamiñus, bu guarda ña ordis, bu na diriẑi ña kasa ku tudu kintal na roda. N na dau liberdadi na metadi di kilis ku firma li.

Zakarias 7:3

E bai pa anunsiaduris ku saserdotis ku staba na kasa di SIÑOR ku ten tudu puder, e punta: “No dibi di cora na kintu mis, ku junjun, suma ku no tarda ta fasi na manga di anu ku pasa?”

Malakias 2:7

Saserdoti dibi di guarda kuñisimentu; omis dibi di buska nsinamentu di si boka, pabia i el ku ta konta rekadu di SIÑOR ku ten tudu puder.

Ripitison di Lei 16:18

Pui juisis ku funsionarius pa kada jorson na porton di tudu prasas ku SIÑOR bu Deus dau, pa e julga pobu ku justisa.

Ripitison di Lei 17:10

Dipus bu ten ku fasi konformi ki disison ke dau na kau ku SIÑOR na kuji; toma sintidu pa bu fasi tudu na manera ke nsinau.

Ripitison di Lei 21:5

Saserdotis di jorson di Levi na bin mati tambi, pabia SIÑOR bu Deus kuji elis pa e sirbil, pa e bensua na nomi di SIÑOR, tambi pa e julga tudu keŝas ku kasus di violensia, pa e toma disison.

Ripitison di Lei 25:1

Si dus omi tene keŝa na se metadi, e bai pa kau di fasi justisa pa kasu pudi julgadu, juisis na da roson pa kil ki justu, e na kondena kil ku ten kulpa.

Ripitison di Lei 33:10

E nsina bu regras ku bu leis pa Jakó, ku sedu Israel; e kema nsensu bu dianti, e kema oferta riba di bu altar.