Ripitison di Lei 15:9 - BIBLIA - traduson antigu in Krioulo

⁹ Toma sintidu pa ka da lugar pa un pensamentu malvadu, pa bu fala: “Setimu anu, ku sedu anu di purda dibida, i sta ja pertu;” asin bu jubi bu ermon koitadi ku mau rostu, bu ka dal nada. Si i coma pa SIÑOR kontra bo, bu na ojadu kulpadu di pekadu.

Ripitison di Lei 15:9 ပူးပေါင်းရင်းမြစ်များ

Ripitison di Lei 24:15

Si i tarbaja pa bo, bu ta pagal na ki mesmu dia, antis di sol noti, pabia el i koitadi, i na pera risibi si diñeru. Si i ka ojal, i pudi coma pa SIÑOR kontra bo; bu ta ojadu ku pekadu.

Mateus 20:15

Nta N ka ten diritu di fasi ke ku N misti ku kil ki di mi? Pabia di ke ku bu na oja mal na bon kusa ku N fasi?’

Tiagu 5:9

Ka bo keŝa kontra ŋutru, ermons, pa ka bo bin julgadu. Bo oja juis na porta ja.

Jeremias 17:10

“Ami, SIÑOR, N ta rabista korson, N ta spurmenta pensamentus; N ta paga kada algin konformi si manera di yanda, ku kusas ki fasi.”

Saida 22:23

Si bo na maltrata elis, e bin coman, ami N na obi se gritus.

Tiagu 5:4

Diñeru ku bo ka paga tarbajaduris ku kebra na bo lugar i na grita. Gritus di kebraduris ciga na oreja di Siñor ku ten tudu puder.

Mateus 15:19

I di korson ku pensamentus mau ta sai nel, ku mata, kai cai, fasi pekadu seksual, furta, konta mintida pa algin, papia mal kontra jinti.

Ditus 28:22

Algin nveẑosu i ta kuri tras di rikesa, ma i ka sibi kuma koitadesa na peral.

Ditus 23:6

Ka bu kume na kau di algin ku ta miskiña, nin ka bu kubisa si kumida sabi,

Jo 34:28

Elis e puiba koitadis grita pa Deus; Deus obi manera ke na grita na se foronta.

Saida 3:7

SIÑOR falal: “N jubi diritu pa sufrimentu di ña pobu ku sta na Ejitu; N obi se gritu pabia di kapatasis ku na kastiga elis, N pui sintidu pa se dur.

1 Pedru 4:9

Bo risibi ŋutru na bo kasa, sin miskiña.

Tiagu 4:17

Kil ku sibi fasi ben, i ka fasil, i na fasi pekadu.

Tiagu 4:5

Bo kuda kuma Skritura fala amonton kuma, spiritu ku Deus pui na nos i kumboseru?

Ditus 24:9

Planus di tulu i sempri pa mal. Jinti ta nuju algin ku ta fasi trosa.

Ditus 21:13

Kil ku tapa oreja ora ku koitadi na comal, el tambi i na coma, i ka na obidu.

Ditus 4:23

Riba di tudu, guarda bu korson, pabia el i fonti di vida.

Salmus 9:12

Kil ku ta vinga darmamentu di sangi i ta lembra, i ka ta diskisi di gritu di kilis ku foronta.

Ripitison di Lei 15:1

Na kabantada di kada seti anu bu ta purda dibidas.

Salmus 12:5

SIÑOR fala: “N na lanta gosi, pabia frakus na kalkadu, koitadis na jimi. N na da elis ki suguransa ke dija.”

Salmus 101:3

N ka na pui kualker kusa nujenti dianti di ña uju. N ka ta kontenti ku manera di kilis ku disvia; N ka na pega nada di ki kusas ke ta fasi.

Saida 22:22

“Ka bo maltrata viuva nin orfan.

Ripitison di Lei 31:10

Moisés da elis ordi, i fala: “Na fin di kada seti anu, na anu ku markadu pa purda dibidas, na festival di barakas,

Ditus 14:21

Kil ku njuti si kumpañer i na peka, ma kil ku mostra bondadi pa koitadis i na sortiadu.

Jeremias 34:14

‘Kada seti anu kada un di bos ten ku larga si ermon israelita ku bindi si kurpu pa i sedu bu katibu. Si i tarbaja pa bo seis anu, bu ten ku largal.’ Ma bo papes ka obdisin, nin e ka para sintidu.