Ripitison di Lei 15:5 - BIBLIA - traduson antigu in Krioulo

⁵ si bu pui sintidu pa obdisi palabra di SIÑOR bu Deus, bu pratika ku mpeñu tudu e mandamentus ku N na dau aos.

Ripitison di Lei 15:5 ပူးပေါင်းရင်းမြစ်များ

Salmus 19:11

E ta da avisu pa mi, bu servu; kil ku ta obdisi elis i ten garandi purbitu.

Ripitison di Lei 15:4

I ka dibi di ten koitadi na bo metadi, pabia SIÑOR bu Deus na bensuau ciu na tera ki na dau pa bu tenel suma yardansa,

Ripitison di Lei 15:6

SIÑOR bu Deus na bensuau suma ki fala; asin bu na pista pa manga di nason, ma abo bu ka na pista di ningin. Bu na manda riba di manga di nason, ma elis e ka na manda riba di bo.

Ripitison di Lei 26:14

N ka kume nada di ki dizimu sagradu oca ku N staba na cur, nin N ka tiral na kasa oca ku N staba impuru, nin N ka pul na cur. SIÑOR ña Deus, N obdisi bu vos, N fasi tudu konformi bu mandan.

Ripitison di Lei 4:9

Toma sintidu ku bu kabesa, bu guarda bu vida diritu, pa ka bu diskisi di ki kusas ku bu oja ku bu uju, pa ka e pirdi na bu korson nkuantu bu sta di vida. Bu na kontal pa bu fijus ku fijus di bu fijus.

Ripitison di Lei 6:2

Rispita SIÑOR bu Deus nkuantu bu sta di vida, bu obdisi tudu si leis ku mandamentus ku N dau, abo, bu fiju, ku fiju di bu fiju; asin bu ta tene vida mas kumpridu.

Filipensis 1:27

Kusa importanti i pa bo manera di vivi sedu dignu di Bon Noba di Kristu, pa nin si N bai jubi bos o nau, N pudi obi kuma bo sta firmi na un sintidu son, bo na geria juntu pa fe di Bon Noba, ku un pensamentu son.

Josué 1:7

Son pa bu sedu forti, bu sedu koraẑosu; pui sintidu pa fasi konformi tudu lei ku ña servu Moisés dau. Ka bu disvia del, nin pa direita nin pa skerda, pa tudu pudi kuriu diritu na kualker kau ku bu na bai.