Ripitison di Lei 11:2 - BIBLIA - traduson antigu in Krioulo

² Bo pensa na kil ku SIÑOR nsina bos. N ka na papia ku bo fijus ku ka sibi nin e ka oja kil ku bo pasa, ma abos bo oja si garandesa, si mon forti ki distindi,

Ripitison di Lei 11:2 ပူးပေါင်းရင်းမြစ်များ

Salmus 136:12

ku mon forti ku brasu distindidu. Si bondadi i pa sempri.

Saida 6:6

“Asin, konta fijus di Israel kuma ami N sedu SIÑOR. N na bin tira bos bas di kastigu di ejipsius. N na libra bos di sedu se katibus; N na kaplinti bos ku ña mon forti, ku garandi kastigus.

Ditus 22:19

N misti dau nsinamentu aos propi, pa bu fiansa pudi sta na SIÑOR.

Isaias 53:5

Ma i fura-furadu pabia di no kulpas, i molostadu pabia di no pekadus. Kastigu ku tisinu pas staba riba del; no tene saudi pabia di si pustema.

Atus 26:22

ma Deus judan sempri; e ku manda te gosi N sta bibu, N na da tustumuñu pa jinti garandi tudu ku koitadis. N ka na fala nada, son ke ku anunsiaduris ku Moisés fala kuma i ten ku sedu,

Ripitison di Lei 29:10

Aos abos tudu, bo garandis, kabesas di bo jorsons, bo gubernaduris ku tudu omis di Israel, bo sta dianti di SIÑOR bo Deus,

Ripitison di Lei 3:24

“SIÑOR Deus, bu kumsa ja mostra bu servu bu garandesa ku bu mon forti, pabia i ka ten utru deus na seu nin na tera ku pudi fasi kusas garandi suma ku bu ta fasi ku bu forsa.

Ripitison di Lei 4:34

O i ten un Deus ku bai toma un pobu na metadi di utru nason pa i sedu di sil, suma ku SIÑOR bo Deus fasi pa bos na Ejitu? Dianti di bo uju i distindi si mon forti, i manda praga ku gera, i fasi garandi milagris ku kusas meduñu.

Ripitison di Lei 5:24

e fala: “SIÑOR no Deus i fasinu pa no oja si gloria ku si garandesa; no obi si vos ku na papia na metadi di fugu. Aos no oja kuma un omi pudi kontinua bibu mesmu ku Deus papia ku el.

Ripitison di Lei 7:19

Bu oja ki garandi kastigu ku bu uju, ku milagris ku kusas garandi ku SIÑOR fasi, manera ki distindi si mon forti i tirau. Asin ku SIÑOR bu Deus na fasi tudu ki rasas ku bu na sinti medu delis.

Ripitison di Lei 8:19

Si bu diskisi di SIÑOR bu Deus, bu yanda tras di utru deusis, bu mpina se dianti pa adora elis, N na avisa bos di kuma i ka na maina, bo na kabadu ku el.

Ripitison di Lei 9:26

N ora SIÑOR, N falal: “SIÑOR Deus, ka bu kaba ku bu pobu ku sedu bu yardansa, ku bu kaplinti ku bu garandi puder, bu tira di Ejitu ku bu mon forti.

Josué 24:31

Israel sirbi SIÑOR duranti tudu vida di Josué, ku tudu vida di garandis ku kontinua vivi dipus di Josué, ku sibi tudu ke ku SIÑOR fasiba pa Israel.