Ripitison di Lei 11:1 - BIBLIA - traduson antigu in Krioulo

¹ Ama SIÑOR bu Deus, bu obdisi si ordis, leis, regras ku mandamentus, tudu dias di bu vida.

Ripitison di Lei 11:1 ပူးပေါင်းရင်းမြစ်များ

Salmus 105:45

I da elis ki tera pa e pudi obdisi si ordis ku si leis. Bo ngaba SIÑOR!

Salmus 116:1

N ama SIÑOR, pabia i obi ña vos oca ku N rogal.

Ezekiel 20:19

Ami i SIÑOR bo Deus. Bo yanda na ña mandamentus, bo pui sintidu pa obdisi ña leis.

Sirmonias 18:30

Bo sigi ña mandamentus; ka bo fasi nin un di ki kustumus nujenti ke fasiba antis di bo bin; ka bo kontamina ku elis. Ami i SIÑOR bo Deus.”

Sirmonias 22:9

“Saserdotis na guarda ña regras pa e ka bin ojadu kulpadu, e muri pabia e nega fasi kasu delis. Ami i SIÑOR ku ta fasi elis sagradu.

Sirmonias 8:35

Bo na fika na entrada di tenda di juntamentu seti dia, di dia ku di noti; bo na obdisi tudu ordi di SIÑOR, pa ka bo muri, pabia asin ku N mandadu.”

Zakarias 3:7

“Asin ku SIÑOR ku ten tudu puder fala: ‘Si bu yanda na ña kamiñus, bu guarda ña ordis, bu na diriẑi ña kasa ku tudu kintal na roda. N na dau liberdadi na metadi di kilis ku firma li.

Ripitison di Lei 10:12

Gosi ja, o Israel, kusa ku SIÑOR bu Deus na pidiu i pa bu rispita SIÑOR bu Deus, bu yanda na tudu si kamiñus, bu amal, bu sirbil ku tudu bu korson ku tudu bu alma,

Ripitison di Lei 11:13

Si bu pui sintidu, bu obdisi mandamentus ku N na dau aos, pa ama SIÑOR bu Deus, bu sirbil ku tudu bu korson ku tudu bu alma,

Ripitison di Lei 11:22

Si bo pui sintidu na obdisi tudu e mandamentus ku N da bos pa bo guarda, bo ama SIÑOR bo Deus, bo yanda na tudu si kamiñus, bo ciga pertu del,

Ripitison di Lei 13:4

Son tras di SIÑOR bo Deus ku bo na yanda; i el ku bo na rispita, i si mandamentus ku bo na obdisi, si palabra ku bo na obi, i el son ku bo na ciga pertu del pa sirbi.

Ripitison di Lei 27:10

Asin, bu ten ku obdisi palabra di SIÑOR bu Deus, bu pratika si mandamentus ku si leis ku N na dau aos.”

Ripitison di Lei 30:6

SIÑOR bu Deus na tira maldadi di bu korson, ku korson di bu fijus, pa bu pudi ama SIÑOR bu Deus di tudu bu korson ku bu alma, pa bu pudi tene vida.

Ripitison di Lei 4:1

O pobu di Israel, bo sukuta regras ku leis ku N na nsina bos gosi, pa bo pratika elis, pa bo pudi vivi, bo yentra pa yarda tera ku SIÑOR Deus di bo papes na da bos.

Ripitison di Lei 4:40

Obdisi si leis ku si mandamentus ku N na dau aos, pa kusas pudi kuriu diritu, ku bu fijus dipus di bo, pa bu pudi tarda na tera ku SIÑOR bu Deus na dau pa sempri.

Ripitison di Lei 4:5

Ami N nsina bos regras ku leis, suma ku SIÑOR ña Deus mandan, pa bo pudi pui elis na pratika na tera ku bo na bai yarda.

Ripitison di Lei 5:1

Moisés coma tudu israelitas i fala elis: O pobu di Israel, bo sukuta leis ku regras ku N na konta bos aos. Bo pui sintidu pa sibi elis, bo obdisi elis.

Ripitison di Lei 5:29

I ta bon ba pa e tene sempri se korson asin, pruntu pa rispitan, pa obdisi tudu ña mandamentus! Asin, kusas ta kuri elis diritu, ku se fijus pa sempri.

Ripitison di Lei 6:1

Esis i mandamentus, regras ku leis ku SIÑOR bo Deus mandan pa N nsina bos, pa bo pudi pui elis na pratika na tera ku bo na kamba Jordon pa yarda.

Ripitison di Lei 6:5

Ama SIÑOR bu Deus ku tudu bu korson, tudu bu alma, ku tudu bu forsa.