Ripitison di Lei 10:8 - BIBLIA - traduson antigu in Krioulo

⁸ Na ki tempu SIÑOR separa jorson di Levi pa e leba arka di kontratu di SIÑOR, pa e firma si dianti pa sirbil suma saserdotis, pa bensua jinti na si nomi. E ta fasi kila te aos.

Ripitison di Lei 10:8 ပူးပေါင်းရင်းမြစ်များ

1 Reis 8:6

Dipus, saserdotis leba arka di kontratu di SIÑOR pa si lugar, na kuartu mas pa dentru, ku sedu kau mas sagradu, e pul bas di asas di kirubins.

1 Kronikas 15:2

I rabida i fala: “Ningin ka pudi karga arka di Deus si i ka son levitas, pabia SIÑOR kuji elis pa e ba ta karga arka, tambi pa sirbi Deus pa sempri.”

1 Kronikas 15:26

Manera ku Deus juda ki levitas ku na lebaba arka di kontratu di SIÑOR, e mata seti turu nobu ku seti karnel macu suma sakrifisiu.

1 Kronikas 23:13

Anran padi Aron ku Moisés. Aron i separadu, el ku si jorson pa sempri, pa purifika kusas mas sagradu, pa kema nsensu dianti di SIÑOR, pa sirbil, pa bensua na si nomi pa sempri.

1 Kronikas 23:26

Asin levitas ka na pirsisa di torna karga tenda nin kualker di kusas ku ta usadu na sirvis la.”

2 Kronikas 29:11

Ña fijus, ka bo pirdi tempu, pabia SIÑOR kuji bos pa bo sta si dianti pa sirbil, pa bo sedu si tarbajaduris, bo kema nsensu.”

2 Kronikas 30:27

Saserdotis ku levitas lanta, e bensua pobu. Deus obi elis, pabia se orason ciga te na seu, kau sagradu nunde ki mora.

Salmus 134:1

Bo bin, bo fala ben di SIÑOR, abos tudu, si servus, ku ta sirbi kada noti na kasa di SIÑOR.

Salmus 134:2

Bo yalsa mon na kau sagradu, bo fala ben di SIÑOR.

Salmus 135:2

ku ta sirbi na kasa di SIÑOR, na kintal di kasa di no Deus.

Jeremias 15:19

SIÑOR falan: “Si bu riba, N na setau suma ña servu. Si bu papia bon palabra te pa bu papia mal, bu ta sedu ña anunsiadur. Disa elis e riba pa bo, ma ka bu bai pa se ladu.

Ezekiel 44:11

E pudi sirbi na templu, e pudi ten konta di porton di templu, e sirbi la. E na mata limarias pa oferta kemadu o sakrifisiu pa pobu; e na sta dianti di pobu pa sirbi elis.

Ezekiel 44:15

“Ma saserdotis, fijus di Levi, di jorson di Zadok, ku seduba fiel na ña kau sagradu oca ku fijus di Israel yanda lunju di mi, elis e na ciga pertu di mi pa sirbin; e na firma ña dianti pa pursentan gurdura ku sangi. Asin ku ami, SIÑOR Deus, N fala.

Sirmonias 8:9

I pul ŝapeu na kabesa; na parti di dianti i pui lamina di uru, suma sinal di kuma i separadu pa Deus, konformi ordi ku SIÑOR da Moisés.

Sirmonias 9:22

Dipus Aron yalsa si dus mon pa pobu, i bensua elis. Dipus di sakrifika oferta pa pekadu, oferta kemadu ku oferta di pas, i ria bas.

Numerus 3:31

Se kargu seduba pa toma konta di arka, mesa, kanderu, altaris, ku vasus ku ta usadu pa sirvis di santuariu, ku kurtina di kau mas sagradu, ku tudu sirvis ligadu ku ki kusas.

Numerus 3:6

“Ciganta jorson di Levi, bu pursenta elis dianti di saserdoti Aron, pa e pudi sirbil.

Numerus 4:15

“Na ora di munda di kampamentu, fijus di Koat na bin pa leba kusas di santuariu, ma son dipus di Aron ku si fijus kaba kubri tudu ekipamentu sagradu. E ka dibi di toka na kusas sagradu; si e toka nelis, e na muri. Fijus di Koat ten ku karga ki kusas di tenda di juntamentu.

Bon Noba di Jesus Kristu ku Jon 15:16

Abos bo ka kujin, ma i ami ku kuji bos, N coma bos pa bo bai, bo padi frutu, pa bo frutu fika ntidu, pa Pape pudi da bos tudu ku bo pidil na ña nomi.

Atus 13:2

Oca ke na adora Deus, e na junjuŋa, Spiritu Santu fala: “Bo separan Barnabé ku Saulu pa tarbaju ku N coma elis pa el.”

Romanus 1:1

Ami Paulu, servu di Kristu Jesus, comadu pa sedu apostolu, separadu pa prega Bon Noba di Deus, N na skirbi pa bos na Roma.

Romanus 12:7

Si i di tarbaju pratiku, i ta tarbaja. Si i di nsina, pa i ten vontadi di nsina.

2 Koríntius 6:17

E ku manda Siñor fala: “Bo sai na se metadi; bo separa delis. Ka bo toka nada impuru; ami N ta risibi bos,

Gálatas 1:15

Deus kujin antis di N padidu, i coman pa si fabur.

Ripitison di Lei 17:12

Kualker omi ku yalsa si ombra, i ka seta obi juis, nin saserdoti ku sta la pa sirbi SIÑOR bu Deus, ki omi ten ku matadu. Asin bu ta tira ki mal di Israel,

Ripitison di Lei 18:5

pabia SIÑOR bu Deus kuji jorson di Levi na metadi di tudu bu jorsons pa i firma i sirbi sempri na nomi di SIÑOR.

Ripitison di Lei 21:3

Garandis di prasa ku fika mas pertu di ki difuntu e na toma un baka nobu ku nunka ka pudu kanga riba del pa i tarbaja,

Ripitison di Lei 21:5

Saserdotis di jorson di Levi na bin mati tambi, pabia SIÑOR bu Deus kuji elis pa e sirbil, pa e bensua na nomi di SIÑOR, tambi pa e julga tudu keŝas ku kasus di violensia, pa e toma disison.

Ripitison di Lei 31:9

Moisés skirbi e lei, i ntregal na mon di tudu garandis di Israel ku saserdotis, fijus di Levi, ku ta lebaba arka di kontratu di SIÑOR.