Ripitison di Lei 1:2 - BIBLIA - traduson antigu in Krioulo

² I ta leba onzi dia di Oreb pa Kades-Barneia, na kamiñu di montañas di Seir.

Ripitison di Lei 1:2 ပူးပေါင်းရင်းမြစ်များ

Kumsada 32:3

Jakó manda jinti pa e bai dianti ku rekadu pa si ermon Esaú na tera di Seir, na reẑion di Edon,

Saida 17:6

Ami N na firma dianti di bo riba di ki pedra na Oreb. Bu na suta ki pedra; yagu na sai la pa pobu bibi.” Asin ku Moisés fasi, dianti di uju di garandis di Israel.

Saida 3:1

Oca ku Moisés na bakiaba karnel di pape di si minjer, ku sedu Jetru, saserdoti di Midian, i leba karnel na utru ladu di lala, i ciga na monti di Deus ku sedu Oreb.

Sirmonias 2:14

“Si bu pursenta pa SIÑOR oferta di kumida di purmeru kusas di kebur, bu ta tisi spigas nobu di miju maduru, masadu, yasadu na fugu.

Sirmonias 9:23

Moisés ku Aron yentra na tenda di juntamentu. Dipus e sai, e bensua pobu. Gloria di SIÑOR parsi dianti di tudu pobu,

Numerus 13:26

e ciga nunde Moisés ku Aron ku tudu kumunidadi di Israel na Kades na lala di Paran, e da elis relatoriu di se bias, e mostra elis ki fruta ke tisi di Kanaan.

Numerus 32:8

Asin ku bo papes fasi oca N manda elis di Kades-Barneia pa e bai jubi e tera.

Ripitison di Lei 1:19

SIÑOR no Deus mandanu pa no sai na Oreb. Asin no pega kamiñu, no yanda na tudu ki garandi lala meduñu ku bo oja na kamiñu pa montañas di amoreus, tok no kansa no ciga na Kades-Barneia.

Ripitison di Lei 1:44

Amoreus ku moraba na ki montaña e sai kontra bos, e serka bos suma bagera te na Orma, e ngaña bos na Seir.

Ripitison di Lei 2:1

No rabida no pega kamiñu di Mar Burmeju pa lala, suma ku SIÑOR falanba; no leba manga di tempu pa boltia montaña di Seir.

Ripitison di Lei 2:4

Da pobu e ordi, bu fala elis: ‘Bo na pasa na tera di bo ermons, fijus di Esaú, ku mora na Seir. E na sinti medu di bos, ma bo toma sintidu.

Ripitison di Lei 2:8

Asin no pasa tera di no ermons, fijus di Esaú ku mora na Seir, oca ku no staba na kamiñu di kobon ku ta bin di Elat ku Ezion-Jeber. No disvia di la, no pega kamiñu di lala di Moab.

Ripitison di Lei 9:23

Dipus, oca ku bo staba na Kades-Barneia, SIÑOR da ordi i fala bos: “Bo bai bo toma tera ku N da bos.” Ma bo nega obi ordi di SIÑOR bo Deus, bo ka fia nel, nin bo ka obdisil.

Josué 14:6

Un dia, omis di Judá ciga pa Josué na Jilgal. Kaleb, fiju di Jefoné, kenezeu, i falal: “Bu sibi palabra ku SIÑOR fala Moisés, omi di Deus, na Kades-Barneia, aserka di mi ku bo.