Oseias 8:14 - BIBLIA - traduson antigu in Krioulo

¹⁴ Israel diskisi di si Kriadur, i kumpu palasius; Judá kumpu manga di prasa fortifikadu, ma N na manda fugu riba di se prasas ku na kaba ku se palasius.”

Oseias 8:14 ပူးပေါင်းရင်းမြစ်များ

1 Reis 12:31

Jeroboan kumpu tambi lugaris sagradu na montis, i kuji kualker jinti pa e sedu saserdotis, nin ke ka seduba di jorson di Levi.

1 Reis 16:31

Pa yanda na pekadus di Jeroboan, fiju di Nebat, i suma nada pa el. I bai dianti, i kasa ku Jezabel, fiju di Etbaal, rei di Sidon, i kumsa na adora Baal, i mpina si dianti.

2 Reis 18:13

Na anu 14 di renansa di Ezekias, Senakerib, rei di Asiria, ataka tudu prasas fortifikadu di Judá, i toma elis.

2 Kronikas 26:10

I kumpu tambi toris na lala, i koba manga di fonti, pabia i teneba manga di limaria la na kobons ku utru kampadas di bakia. I teneba labraduris ku tarbajaduris di orta di uva, na montis, ku utru terenu ku ta pruduzi ciu, pabia el i seduba amigu di labur.

2 Kronikas 27:4

I kumpu tambi prasas na montañas di Judá, i kumpu kuartelis ku toris na matu garandi.

Salmus 106:21

E diskisi di Deus se Salbadur, ku fasiba garandi kusas na Ejitu,

Salmus 95:6

Bo bin, no mpina no adoral; no finka juju dianti di SIÑOR ku kumpunu,

Isaias 17:10

Bu diskisi di Deus ku salbau; bu ka lembra di ki pedra garandi ku sedu bu kau forti. Asin bu pudi paranta plantas bonitu, bu paranta tambi pes di uva di utru tera.

Isaias 29:23

Ora ke oja se fijus na se metadi, ku sedu tarbaju di ña mon, e na guarda ña nomi sagradu, e na rikuñisi puresa di Deus Santu di Jakó, e medi Deus di Israel.

Isaias 42:13

SIÑOR na sai pa gera suma omi forti, suma soldadu ku tene briu. I na grita pa coma jinti pa e ataka; i na ngaña si inimigus.

Isaias 42:25

E ku manda i darma forsa di si raiba riba delis, ku sedu gera forti. I peganda fugu na roda delis, ma nin ku ’sin e ka para sintidu; i kema elis, ma kila ka findi elis korson.

Isaias 43:21

ku sedu e pobu ku N forma pa e pudi ngaban.

Isaias 9:10

“Kasa di dubi kai, ma no na torna kumpul ku pedra risu. Pes di figu kortadu, ma no na paranta sedrus na se lugar.”

Isaias 9:9

Tudu pobu di Efrain ku moraduris di Samaria e na sibil. Elis, ku orgulyu ku ronku, e ta fala:

Jeremias 17:27

“‘Ma si bo ka obdisin, pa tene dia di diskansu suma dia sagradu, pa ka karga kusas pa yentranda elis na portons di Jerusalen na dia di diskansu, nta N na sindi fugu na bo portons ku na kaba ku palasius di Jerusalen; ki fugu ka na pagadu.’ ”

Jeremias 2:32

Nta un bajuda ta diskisi di si fajamentu? O noiva ta diskisi di si veu? Ma ña pobu diskisi di mi pa manga di dia.

Jeremias 23:27

E pensa kuma e na pui ña pobu diskisi di ña nomi pabia di suñus ku kada kin ta konta si kumpañer, suma ku se papes diskisi di ña nomi pabia di Baal.

Jeremias 3:21

Na kaus altu i obidu un vos, ku sedu di fijus di Israel ku na cora, e na roga, pabia e yanda mal dimas, e diskisi di SIÑOR se Deus.

Jeremias 5:17

E na kume bu kebur ku bu kumida; e na nguli tudu bu fijus femia ku macu; e na kume bu karnel ku bu bakas, bu uvas ku bu figus. Ku spada e na bati tudu bu prasas forti ku bu fiansaba nel.”

Ezekiel 23:35

“E ku manda ami, SIÑOR Deus, N fala: Suma ku bu diskisi di mi, bu botan tras di bu kosta, bu na karga bu kurupson ku susidadi.”

Oseias 13:6

N da bos di kume na bon tera, bo farta; dipus di bo farta, bo korson bida orgulyosu; e ku manda bo diskisi di mi.

Oseias 2:13

N na kastigal pabia di ki dias ki kema nsensu pa Baal; i faja si kurpu ku brinkus ku fius di garganti, i bai tras di si amantis, i diskisi di mi. Asin ku SIÑOR fala.

Oseias 4:6

Ña pobu kabadu ku el pa falta di kuñisimentu. Suma ku bu nega kuñisimentu, ami tambi N negau pa bu ka sedu saserdoti ña dianti. “Suma ku bu diskisi di lei di bu Deus, ami tambi N na diskisi di bu fijus.

Amos 1:10

Pabia di kila, N na pui fugu na mura di Tiru ku na kaba ku se kuartelis.”

Amos 1:12

Pabia di kila, N na pui fugu na prasa di Teman ku na kaba ku kuartelis di Bozra.”

Amos 1:14

Pabia di kila, N na pui fugu na mura di prasa di Rabá ku na kaba ku se kuartelis. Tropas na grita na dia di gera, na metadi di bentu forti na dia di turbada.

Amos 1:4

Pabia di kila, N na pui fugu na kasa di rei Azael, ku na kaba ku kuartelis di rei Ben-Adad.

Amos 2:5

Pabia di kila, N na pui fugu na Judá, ku na kaba ku palasius di Jerusalen.”

Efésius 2:10

I Deus ku fasinu kil ku no sedu; i krianu na union ku Kristu Jesus pa vida di bon tarbaju ki purpara pa no fasi.

Ripitison di Lei 32:18

Bu diskisi di Roca ku padiu, bu ka mporta ku Deus ku formau.