Oseias 7:7 - BIBLIA - traduson antigu in Krioulo

⁷ Elis tudu e kinti suma furnu; e mata se juisis; tudu se reis kai un tras di utru; i ka ten nin un delis ku ta coman.

Oseias 7:7 ပူးပေါင်းရင်းမြစ်များ

1 Reis 15:28

Baasa matal na terseru anu di renansa di Asa, rei di Judá, i kumsa rena na si lugar.

1 Reis 16:18

Zinri oja kuma prasa tomadu, i yentra na un kuartu forti dentru di palasiu, i pui fugu na kasa, i muri la dentru.

1 Reis 16:22

Partidu di Onri bin sedu mas forti; Tibni muri, Onri toma renu.

2 Reis 10:14

Jeu fala: “Bo paña elis bibu.” E paña elis, e bai mata lungu di fonti di Bet-Eked. Elis tudu e seduba korenta i dus omi; nin un son ka kapli.

2 Reis 10:7

Oca ku karta ciga nunde elis, e toma ki setenta rapas, e mata elis tudu, e pui se kabesas na balais, e manda elis pa Jizreel.

2 Reis 15:10

Salun, fiju di Jabes, lanta kontra el, i atakal dianti di pobu, i matal, i rena na si lugar.

2 Reis 15:14

Menaen, fiju di Gad, bai di Tirza pa Samaria, i ataka Salun, fiju di Jabes, i matal, i rena na si lugar.

2 Reis 15:25

Si kapiton, Peka, fiju di Remalias, lanta kontra el. I leba sinkuenta omi di Jilead, i bai ataka rei na Samaria, na kuartu forti dentru di kasa di rei, i matal, juntu ku Argob ku Arié; i rena na si lugar.

2 Reis 15:30

Oseias, fiju di Elá, lanta kontra Peka, fiju di Remalias, i atakal, i matal, i rena na si lugar, na anu 20 di renansa di Jotan, fiju di Uzias.

2 Reis 9:24

Ma Jeu tesanta si mansasa ku tudu si forsa, i paña Joran na metadi di si ombras; fleŝa pasa na si korson; i kai mortu na si karu.

2 Reis 9:33

I fala elis: “Bo botal li bas.” E botal bas; paredi ku kabalus susadu ku si sangi; Jeu pasa riba del ku karu,

Jo 36:13

“Ma finjidus di korson na guarda se raiba; mesmu ora ku Deus mara elis, e ka ta pupa pa sakur.

Salmus 14:4

Nta kilis ku ta fasi pekadu e ka ntindi? E ta kume ña pobu suma jinti ta kume pon; e ka ta coma nomi di SIÑOR.

Isaias 43:22

“Ma abo, Jakó, bu ka coman, nin bu ka kansa bu kabesa pa sirbin, abo Israel.

Isaias 64:4

Disna di tempu antigu i ka obidu, nin i ka ntindidu ku sintidu, nin i ka ojadu ku uju, kualker Deus fora di bo ku ta tarbaja pa kilis ku ten speransa nel.

Isaias 64:6

Anos tudu no sedu suma algin impuru; tudu kusas justu ku no fasi i suma rataju susu dimas. Anos tudu no na lati suma paja; no kulpas na rabatanu suma bentu.

Isaias 64:7

I ka ten ningin ku ta coma bu nomi, ku ta disperta pa pañau, pabia bu sukundi bu rostu di nos, bu pui pa no ribi, pabia di no pekadus.

Isaias 9:13

Pobu di Israel ka riba pa kil ku na kastiga elis, ku sedu SIÑOR ku ten tudu puder, nin e ka buskal.

Ezekiel 22:30

“N buska na se metadi un omi ku pudi kumpu mura, pa i pudi firma na buraku ña dianti pa difindi e tera, pa N ka bin kaba ku el, ma N ka oja ningin.

Daniel 9:13

Tudu ki mal bin riba di nos, suma ki sta skritu na lei di Moisés. Mesmu asin, no ka pidi fabur di SIÑOR no Deus; no ka konverti di no pekadus, nin no ka pui sintidu pa yanda na bu bardadi.

Oseias 13:10

Nunde ku bu rei sta nel gosi, pa i pudi salbau? Nunde ki juisis na tudu bu prasas? I elis ku bu pidi oca ku bu fala: ‘Dan un rei ku ŝefis.’

Oseias 5:15

N na riba pa ña lugar, te dia ke rikuñisi se kulpa, e buskan. Na se foronta e na lanta mandrugada pa buskan.”

Oseias 7:10

Orgulyu di Israel na testifika kontra el, ma i ka na riba pa SIÑOR si Deus, nin i ka na buskal na tudu e kusas.

Oseias 7:14

E ka ta coman di korson, ma e ta da gritus na se kama. E ta junta pa trigu ku biñu, ma e ravolta kontra mi.

Oseias 8:4

Elis e pui reis riba delis, ma i ka ami ku da elis ordi; e kuji ŝefis, e ka kontan. E fasi idulus pa se kabesa ku se prata ku uru; pabia di kila e na kabadu ku el.

Mikeias 2:1

Ai di kilis ku dita na se kamas, e pensa na mal, e fasi planus malvadu; ora ku sol mansi e ta pul na pratika, pabia forsa sta na se mon.