Oseias 7:5 - BIBLIA - traduson antigu in Krioulo

⁵ Na dia di festa di no rei, kabesa di ŝefis kumsa na yardi pabia di forsa di biñu; rei junta mon ku kilis ku na fasi trosa.

Oseias 7:5 ပူးပေါင်းရင်းမြစ်များ

Kumsada 40:20

Na terseru dia, ku Faraó fasi anus, i fasi un festa pa tudu si ŝefis. I tira ŝef di koperus fora, ku ŝef di paderus, dianti di se kumpañeris.

1 Reis 13:4

Oca ku rei Jeroboan obi ki palabra ku omi di Deus fala kontra altar di Betel, i distindi mon pa culi ki omi, i fala: “Bo pegal.” Ma ki mon ki distindi kontra el fika paralisadu, i ka pudi ribantal mas pa si kurpu.

Salmus 1:1

Sortiadu ki omi ku ka ta yanda konformi konsiju di jinti mau, nin i ka ta firma na kamiñu di jinti ku ta fasi pekadu, nin i ka ta sinta pertu di jinti ku ta fasi trosa,

Salmus 69:12

Kilis ku ta sinta na porton di prasa e ta papia kontra mi; N sedu kantiga pa camiduris.

Ditus 13:20

Si bu yanda ku jiru bu na sedu jiru, ma kumpañer di tulus i na sufri danu.

Ditus 20:1

Biñu i trosadur; bibida forti i ta tisi baruju. Kin ku sta nganadu pa biñu, nunka i ka na jiru.

Isaias 28:1

Koitadi di renu di Efrain! Si gloria na kaba suma floris di ki koroas ku sta na kabesa di se ŝefis camidu. E ta unta se kabesa orgulyosu ku purfumu, ma e foga ku biñu na rua.

Isaias 28:14

Abos omis diskarnos ku na manda riba de pobu ku sta na Jerusalen, bo sukuta palabra di SIÑOR.

Daniel 5:23

Bu lanta kontra SIÑOR di seu, bu manda tisi kopus di si kasa; abo ku bu fidalgus, bu minjeris ku kumadris, bo bibi biñu nelis. Fora di kila, bo ngaba deusis di prata, uru, kobri, feru, madera ku pedra, ku ka ta oja, nin e ka ta obi, nin e ka ta ntindi, ma bu ka da gloria pa Deus ku tene bu vida ku tudu bu kamiñus na si mon.

Oseias 7:3

E ta pui rei kontenti ku se maldadi; tambi ŝefis ta kontenti ku se mintidas.

Mateus 14:6

Na dia di festa di anus di Erodis, fiju femia di Erodias i baja dianti di kumbidadus. Erodis fika kontenti ku el.

Markus 6:21

Na fin, Erodias bin oja manera. Oca Erodis fasi anu, i fasi festa pa si garandis, ku ŝefis di tropa, ku regulus di Galileia.

Efésius 5:18

Ka bo cami biñu ku ta dana vida, ma bo inci ku Spiritu Santu.