Oseias 7:16 - BIBLIA - traduson antigu in Krioulo

¹⁶ Elis e ta volta, ma e ka ta volta pa Deus ku sta riba di tudu. E sta suma mansasa ku ka tesantadu diritu. Se ŝefis na matadu ku spada pabia di palabras di orgulyu na se boka. Jinti di Ejitu na ri elis.”

Oseias 7:16 ပူးပေါင်းရင်းမြစ်များ

Salmus 12:3

I ta bonba pa SIÑOR korta tudu boka ku ta papia palabras bonitu ku finjimentu, ku lingua ku ta njata,

Salmus 12:4

i fala: “No na ngana ku no lingua; boka i di nos; kin ku ta manda riba di nos?”

Salmus 12:5

SIÑOR fala: “N na lanta gosi, pabia frakus na kalkadu, koitadis na jimi. N na da elis ki suguransa ke dija.”

Salmus 17:10

E ta fica se korson risu; se boka ta papia ku orgulyu.

Salmus 52:2

Bu ta fasi planus pa dana; bu lingua i suma faka ku moladu. Abo i fonti di nganu;

Salmus 57:4

N sta na metadi di omis ku sta suma lions ku sta pruntu pa kume jinti. Se dintis i suma kañakus ku fleŝas; se lingua i suma spada ku moladu.

Salmus 73:9

E ta papia mal kontra Deus; se lingua ta toka na tudu mundu.

Salmus 78:37

pabia se korson ka seduba retu pa el, nin e ka seduba fiel pa si kontratu.

Salmus 78:57

E riba tras suma ku se papes fasiba; e ka sedu fiel; e bida suma mansasa ku tene difeitu, ku ka sedu di fiansa.

Isaias 3:8

Jerusalen na balansa; Judá kai ja, pabia tudu ke na papia, ku kusas ke na fasi, sta kontra SIÑOR, pa disafia si parsensa gloriosu.

Jeremias 18:18

E fala: “Bo bin no fasi no planu kontra Jeremias. Saserdoti na sta li pa nsinanu lei; jirus na danu konsiju; i ten anunsiaduris pa danu palabra. Bo bin no atakal ku no lingua; ka no sukuta nin un di si palabras.”

Jeremias 3:10

Ku tudu es, Judá, si irma infiel, i ka riba pa mi ku korson di bardadi, ma ku finjimentu.” Asin ku SIÑOR fala.

Jeremias 42:18

Asin ku SIÑOR ku ten tudu puder, Deus di Israel, fala: ‘Suma ku forsa di ña raiba i darmadu riba di moraduris di Jerusalen, asin ku ña raiba na darmadu riba di bos ora ku bo yentra na Ejitu. Jinti na panta pabia di bos, e na njuti bos, e fasi bos trosa, e maldisua bos. Bo ka na oja mas e kau.’

Ezekiel 23:32

Asin ku SIÑOR Deus fala: “Bu na bibi na kopu di bu irma, un kopu fundu i largu. Jinti na fasiu trosa, e na ri, pabia manga di kusa kibi na ki kopu.

Ezekiel 36:20

Kualker kau ke bai na metadi di nasons, e dana ña nomi sagradu, pabia jinti ta fala delis: ‘Esis e sedu pobu di SIÑOR, ma e tenba ku sai na si tera.’

Daniel 7:25

I na papia palabra mau kontra Deus ku sta riba di tudu, i na kansa pobu di Deus, i na tenta muda lei ku tempus sagradu. Pobu di Deus na ntregadu na si mon tris anu i meiu.

Oseias 11:5

“E ka na riba pa tera di Ejitu, ma i Asiria ku na sedu se rei, pabia e nega riba pa mi.

Oseias 11:7

Ña pobu lestu pa disvia di mi. Nin si e coma kil ku sta riba di tudu, i ka na yalsa elis.

Oseias 6:4

SIÑOR punta: “Ke ku N na fasi ku bo, Efrain? Judá, ke ku N na fasi ku bo? Bo amor i suma nuven di parmaña, i suma serenu di mandrugada ku ta pasa sedu.

Oseias 7:13

Ai delis! E na kabadu ku el, pabia e yanda lunju di mi, e ravolta kontra mi. N misti liberta elis, ma e konta mintidas kontra mi.

Oseias 9:3

E ka na fika na tera di SIÑOR, ma Efrain na riba pa Ejitu, i na kume kumida impuru na Asiria.

Oseias 9:4

E ka na darma oferta di biñu pa SIÑOR, nin e ka na lebal sakrifisius ku ta kontental. Se kumida na sedu suma pon di cur pa elis; tudu algin ku kumel i na fika impuru. Se kumida na sedu son pa mata fomi; i ka na lebadu pa kasa di SIÑOR.

Oseias 9:6

Jinti na kuri pa kapli ku se vida; Ejitu na risibi elis — son pa ntera elis na Memfis! Se rikesas di prata ku se moradias, pe di fidida ku paja brabu na toma konta delis.

Malakias 3:13

SIÑOR fala: “Bo fala kusas forti kontra mi, ma bo ta punta: ‘Ke ku no fala kontra bo?’

Malakias 3:14

“Bo fala asin: ‘Pa sirbi Deus i ka ten purbitu. Nta ke ku no ngaña suma no fasi forsa, no kumpri si ordis, pa yanda suma jinti di cur dianti di SIÑOR ku ten tudu puder?

Mateus 12:36

N na konta bos kuma, tudu palabra ku jinti papia amonton, e na da konta del na dia di julgamentu.

Lukas 8:13

Kilis ku sta riba di pedra tambi i kilis ku obi palabra, e risibil ku alegria, ma e ka tene rais. E ka ta tarda na vida di krenti; na tempu di tentason e ta disvia.

Tiagu 3:5

I suma lingua tambi; i un kusa pikininu, ma i ta njata kusas garandi. Bo oja kuma un matu garandi, fugusiñu pudi kemal.

2 Pedru 2:8

Ki omi bon moraba na se metadi, i na oja, i na obi tudu dia ki kusas mau ke na fasi; si bon korson ta fika fadigadu.

Apokalipsi 13:5

I disadu papia palabras di njatamentu ku palabra mau kontra Deus. I dadu puder pa manda korenta i dus mis.