Oseias 7:13 - BIBLIA - traduson antigu in Krioulo

¹³ Ai delis! E na kabadu ku el, pabia e yanda lunju di mi, e ravolta kontra mi. N misti liberta elis, ma e konta mintidas kontra mi.

Oseias 7:13 ပူးပေါင်းရင်းမြစ်များ

Neemias 1:10

“Esis i bu servus, bu pobu ku bu liberta ku bu garandi puder ku bu mon forti.

Jo 22:17

E ta falaba Deus: ‘Disanu!’ E ta punta: ‘Ke ku Deus ku ten tudu puder pudi fasinu?’

Salmus 106:10

I salba elis na mon di kilis ku tenba odiu delis; i libra elis di puder di inimigu.

Isaias 30:1

SIÑOR fala: “Koitadi fijus rebeldi, ku ta forma planus ku ka sedu di mi; e ta fasi kontratu, ma i ka di ña vontadi; e buri pekadu riba di pekadu.

Isaias 30:2

E ta pega kamiñu pa Ejitu pa buska suguransa na forsa di Faraó, ku fiansa na sombra di Ejitu, sin puntan nada,

Isaias 31:1

Koitadi di kilis ku ta bai buska ajuda na Ejitu, e fiansa na kabalus ku se manga di karu, ku se kabalerus manera ke sedu forti dimas, ma e ka na jubi pa Deus Santu di Israel, nin e ka na buska SIÑOR.

Isaias 41:14

Abo, Jakó, bicusiñu, pobu pikininu di Israel, ka bu medi, pabia N na judau.” Asin ku SIÑOR, Deus Santu di Israel ku libertau, i fala.

Isaias 43:1

Gosi ja, pobu di Israel, jorson di Jakó, SIÑOR ku kumpou, ku formau, i fala: “Ka bu medi, pabia N libertau; N comau ku bu nomi propi; abo i di mi.

Isaias 59:13

No ta nega SIÑOR, no konta mintida kontra el, no vira kosta pa no Deus, no pui jinti pa e kalka utrus, e ravolta; no korson forma mintida ku sai na no boka.

Isaias 63:8

SIÑOR fala: “Sin duvida elis e sedu ña pobu, fijus ku ka na konta mintida.” Asin i bin sedu se Salbadur.

Jeremias 14:10

Asin ku SIÑOR fala aserka de pobu: “E gosta di yanda lunju di mi, e ka ta mara se pe. E ku manda SIÑOR ka kontenti ku elis, ma i na lembra di se maldadi, i na kastiga se pekadu.”

Jeremias 42:20

Bo na ngana bo kabesa. Bo mandan pa SIÑOR bo Deus, bo falan: ‘Roga SIÑOR no Deus pa nos. Bu na kontanu tudu ku SIÑOR no Deus fala; no na fasil.’

Jeremias 51:9

Stranjerus ku moraba la e fala: ‘No tenta kura Babilonia, ma i ka san. Bo disal; kada kin ta bai si tera, pabia si julgamentu bai te na seu, i subi te na nuvens mas altu.’ ”

Jeremias 7:15

N na tira bos ña dianti, suma ku N tira bo ermons, tudu jorson di Efrain.”

Miskiñu di Jeremias 5:16

Koroa sai na no kabesa, i kai. Ai di nos pabia no peka!

Ezekiel 16:23

“‘SIÑOR Deus fala: Ai! Ai di bo! Riba di tudu ki maldadi ku bu fasi,

Ezekiel 18:2

“Ke ku bo misti fala ora ku bo ripiti ki ditu aserka di tera di Israel? Bo ta fala kuma: ‘Papes kume uvas verdi; dintis di fijus kaiambra.’

Ezekiel 18:25

“Bo na fala kuma kamiñu di SIÑOR i ka bon. Bo sukuta, abos pobu di Israel. Nta ña kamiñu i ka sedu bon? I ka bo kamiñu ku sedu tortu?

Ezekiel 34:6

Asin ña karnel yanda-yanda pa tudu montañas ku montis, e yanda pajigadu pa tudu teras; i ka ten kin ku na buska elis pa tisi.

Oseias 11:12

Efrain rodian ku mintida; pobu di Israel rodian ku nganu. Judá ka misti fika bas di Deus puru i fiel.

Oseias 11:2

Ma mas ku N coma elis, mas lunju ke bai di mi. E sakrifika pa Baalis, e kema nsensu pa imaẑens labradu.

Oseias 5:7

E ka sedu fiel pa SIÑOR, pabia e padi se fijus fora di kasamenti. Na tempu di festival di lua nobu e na kabadu ku el, juntu ku se tera.

Oseias 7:1

“Ora ku N misti tira ña pobu di katiberasku, N kura Israel, pekadu di Efrain ta sai na lus, suma tambi maldadis di Samaria, pabia elis e sedu nganaduris; ladrons ta yentra na kasas; bandidus ta roba la fora na rua.

Oseias 7:3

E ta pui rei kontenti ku se maldadi; tambi ŝefis ta kontenti ku se mintidas.

Oseias 9:12

Mesmu ke ciga di kria se fijus, N na roba elis, pa ka i fika nin un son. Ai delis ora ku N bandona elis!

Oseias 9:17

Ña Deus na nega elis pabia e ka obdisil. E na yanda-yanda na metadi di nasons.

Jonas 1:10

Dipus i konta elis kuma i na kuri pa kapli di SIÑOR. Ki omis panta, e puntal: “Ke ku manda bu fasi asin?”

Jonas 1:3

Jonas lanta pa kuri pa Tarsis, pa kapli di SIÑOR. I bai pa Jope, i oja un barku ku na bai pa Tarsis. I paga si pasaju, i mbarka pa bai ku elis pa Tarsis, pa i pudi kapli di SIÑOR.

Mikeias 6:12

Jinti riku di prasa e inci violensia; moraduris ta konta mintida; palabra di se boka i di nganu.

Mikeias 6:4

N tisiu di tera di Ejitu, N librau di katiberasku, N manda Moisés, Aron ku Mirian pa e gia bos.

Mateus 23:37

“Ai Jerusalen, Jerusalen, ku ta mata anunsiaduris, bu ta da ku pedras jinti ku Deus mandau! Kantu bias ku N misti junta bu fijus suma galiña ta junta si fijus bas di si asas, ma bu ka seta!

Ripitison di Lei 15:15

Lembra kuma bu seduba katibu na tera di Ejitu, ma SIÑOR bu Deus libertau di la. E ku manda N na dau e ordi aos.

1 Jon 1:10

ma si no fala kuma no ka fasi pekadu, no na comal munturus. Si palabra ka sta na nos.

Apokalipsi 8:13

N jubi, N obi un agia ku na bua riba, i na falaba ku garandi vos: “Ai, ai, ai di kilis ku mora na mundu ora ki obidu son di utru kornetas ku ki tris anju na bin toka!”