Oseias 6:6 - BIBLIA - traduson antigu in Krioulo

⁶ Kusa ku N mas misti i miserikordia, i ka sakrifisiu. N mas misti pa bo kunsin te pa bo kema ofertas pa mi.

Oseias 6:6 ပူးပေါင်းရင်းမြစ်များ

1 Kronikas 28:9

“Abo Salomon, ña fiju, rikuñisi Deus di bu papes, bu sirbil ku tudu bu korson, ku pruntidon di spiritu, pabia SIÑOR ta rabista tudu korson, i ta kunsi tudu motivu ku sta tras di kada pensamentu. Si bu buskal bu na ojal, ma si bu disal, i na negau pa sempri.

Salmus 50:8

N ka na raprindiu pabia di bu sakrifisius nin bu ofertas kemadu ku sta sempri ña dianti.

Ditus 21:3

Si bu fasi kusa bon, bu julga diritu, i ta mas pui SIÑOR kontenti di ki sakrifisiu.

Eklesiastis 5:1

Toma sintidu ora ku bu na yentra na kasa di Deus. Pui sintidu mas pa obi di ki pursenta sakrifisius suma tulus, ku ka sibi si e na fasi mal.

Isaias 1:11

SIÑOR fala: “Kil bo manga di sakrifisiu, ke ke ta balin? N sta ja fartu di ofertas kemadu di karnel macu, ku gurdura di limarias gurdu; N ka ta kontenti ku sangi di turus, nin di fijus di karnel, nin di kabras macu.

Isaias 58:6

“Es i junjun ku N kuji: pa bu dismanca kilis ku maradu ku korenti di injustisa, bu sapa kordas di katibus, bu larga kilis ku kalkadu, bu padasa tudu korentis.

Jeremias 22:16

I ta difindiba koitadi ku forontadu; e ku manda tudu kuril diritu. Ami, SIÑOR, N na puntau: Es i ka mostra kuma i kunsin?

Jeremias 7:22

Na dia ku N tira bo papes di tera di Ejitu, nada N ka fala elis aserka di oferta kemadu nin sakrifisiu,

Daniel 4:27

Asin, Ñu Rei, seta ña konsiju, bu disa bu pekadu, bu fasi kil ki diritu; bu disa ki kusas mau ku bu ta fasi, bu mostra bondadi pa koitadis. Talves bu pas ta kontinua.”

Oseias 14:2

Bo toma palabras, bo riba pa SIÑOR, bo falal: “Tira tudu no pekadu, bu risibinu ku bondadi. Asin no na pursenta no orason suma turu di sakrifisiu.

Oseias 2:20

N na guarda ña purmesa pa bo pa bu sedu di mi; bu na rikuñisin suma SIÑOR.

Oseias 4:1

Abos, fijus di Israel, bo obi palabra di SIÑOR, pabia SIÑOR tene un kusa kontra bos ku mora ne tera. I fala: “I ka ten bardadi nin amor ne tera, nin jinti ku ta rikuñisi Deus.

Oseias 8:13

Ki sakrifisius ke ta patin, e ta mata elis, e kume karni, ma ami, SIÑOR, N ka na seta elis. N na lembra di se maldadi, N na kastiga se pekadus. E na riba pa Ejitu.

Amos 5:21

“N nuju bo festivalis, N njuti elis. Bo juntamentus ka ta dan nada di kontentamentu.

Mikeias 6:6

Ke ku N na leba ora ku N bai dianti di SIÑOR pa mpina pa adora Deus ku sta riba di tudu? Nos N na bai si dianti ku ofertas kemadu, o ku bakasiñu di un anu?

Mikeias 6:8

O omi, el i kontau ke ki bon. Kusa ku SIÑOR na pidiu i son pa bu fasi kil ki justu, pa bu mostra sempri bondadi, tambi pa bu yanda umildi ku bu Deus.

Mateus 12:7

Si bo ntindiba ke ki signifika ki palabra ku Deus fala na Skritura: ‘Ke ku N misti i miserikordia, i ka sakrifisiu,’ bo ka ta kondena jinti ku ka ten kulpa.

Mateus 5:7

“Sortiadu i kilis ku ta trata utrus ku miserikordia, pabia e na bin oja miserikordia tambi.

Mateus 9:13

Bo bai nsina ke ku signifika ki kusa ku Deus fala na Skritura: ‘Kusa ku N misti i miserikordia, i ka sakrifisiu.’ N ka bin coma jinti justu, ma N bin coma kilis ku ta fasi pekadu.”

Markus 12:33

Pa amal ku tudu no korson, tudu no ntindimentu ku tudu no forsa, pa ama tambi no kumpañer suma nos propi, i mas di ki tudu limarias ku no ta kema pa sakrifisiu.”

Josué 5:5

Tudu jinti ku sai e sirkunsidadu, ma nin un di kilis ku padidu na lala na kamiñu, dipus de sai na Ejitu, i ka sirkunsidadu.

1 Jon 2:3

Si no obdisi mandamentu di Deus, no ta sibi kuma no kunsil.

1 Jon 3:6

Tudu algin ku sta nel i ka ta peka, ma tudu kil ku na peka i ka ojal, nin i ka kunsil.

1 Samuel 15:22

Samuel ruspundi i puntal: “Kal ku SIÑOR mas gosta del: ofertas kemadu ku sakrifisius o pa algin obdisi si palabra? Obdisi i minjor di ki sakrifisiu; para sintidu i minjor di ki gurdura di karnel.