Oseias 6:2 - BIBLIA - traduson antigu in Krioulo

² Dipus di dus dia i na danu vida; na terseru dia i na tornanu suma ku no staba, pa no pudi vivi si dianti.

Oseias 6:2 ပူးပေါင်းရင်းမြစ်များ

Kumsada 17:18

Abraon fala Deus: “N misti son pa bu pui uju riba di Ismael.”

2 Reis 20:5

“Riba, bu fala Ezekias, ŝef di ña pobu, kuma SIÑOR, Deus di si pape Davi, i falal: ‘N obi bu orason, N oja bu larmas. N na kurau; na terseru dia bu na bai pa kasa di SIÑOR.

Salmus 61:7

O Deus, disal pa i sta bu dianti pa sempri, bu sedu fiel pa guardal ku bu bondadi.

Salmus 71:20

Bu pun pa N oja manga di kasabi ku mal, ma bu na torna dan vida, bu na tiran na koba di mortu.

Eklesiastis 3:3

tempu di mata, tempu di kura; tempu di durba, tempu di kumpu;

Isaias 26:19

Bu mortus na bibu, se kurpus na lanta. Abos ku mora na reia, bo disperta, bo grita ku kontentamentu, pabia bu serenu na sedu suma serenu ku ta arnoba paja. Con na da vida pa ki difuntus ku sta nel.

Isaias 30:26

Na ki dia ku SIÑOR na liga kebradura di si pobu, i kura se firidas ki pui nelis, lua na lampra suma sol; lus di sol na lampra seti bias mas, suma lus di seti dia.

Oseias 13:14

“N na liberta elis di puder di mundu di mortus; N na libra elis di mortu. Mortu, nunde ku bu kastigu sta? Mundu di mortus, nunde bu pirdison? “N ka na muda ña ideia pa N sinti pena.

Oseias 7:2

I ka ta yentra na se sintidu kuma, ami N ta lembra di tudu se maldadi, ma se pekadus sta na se roda; N ka pudi ka oja elis.

Bon Noba di Jesus Kristu ku Jon 14:19

Mas un bokadu, jinti di mundu ka na ojan, ma abos bo na ojan. Suma ami N sta bibu, abos tambi bo na bibu.

Romanus 14:8

Si no vivi, no vivi pa Siñor. Si no muri tambi, no muri pa Siñor. De manera, si no vivi o no muri, no sedu di Siñor.

1 Koríntius 15:4

I nteradu; na terseru dia i lantandadu di mortu, suma ku Skritura fala.