Oseias 5:9 - BIBLIA - traduson antigu in Krioulo

⁹ Na dia di kastigu Efrain na danadu. N diklara kil ki sertu na metadi di jorsons di Israel.

Oseias 5:9 ပူးပေါင်းရင်းမြစ်များ

Jo 12:14

Kil ki bati i ka na lantandadu; kil ki fica na kalabus i ka na largadu.

Isaias 37:3

pa e falal kuma asin ku Ezekias fala: “Aos i dia di kasabi; jinti na njutinu, e na kobanu mal. No sta suma minjer ku sta di partu, ma i ka ten forsa pa padi.

Isaias 46:10

Disna di tempu antigu N kontaba ja kusas ku ka kontisi inda. Na kumsada N ta jumna N konta kusas di kabantada. N ta fala kuma ña planu sta firmi; N na fasi tudu kil ku N misti.

Isaias 48:3

Disna di tempu antigu N kontaba ja ki purmeru kusas; sin, N pui pa jinti obil na ña boka propi. N lanta di repenti, N tarbaja; ki kusas bin sedu.

Isaias 48:5

E ku manda N kontauba ja e kusas disna, N pui pa bu obil antis di i sedu, pa ka bu bin fala: ‘I ña idulu ku fasi e kusas; ña boneka di po, o kil di feru, ku pui pa i sedu.’

Isaias 7:16

Na bardadi, antis di ki mininu sibi nega mal pa i kuji ben, tera di ki dus rei ku bu sinti medu delis i na fika sin jinti.

Oseias 5:12

N na sedu suma bagabaga pa Efrain; pa pobu di Judá N na sedu suma podrisa.

Oseias 5:14

N na sedu suma lion pa Efrain, suma fiju di lion pa pobu di Judá. Ami propi N na padasa elis, N bai; ora ku N na rasta elis, i ka na ten kin ku na libra elis.

Oseias 7:12

Ora ke na bai, N na bota ña ridia riba delis, N na rianta elis suma kacu, N na kastiga elis konformi ña avisu ke obi na se juntamentu.

Oseias 8:8

Israel ngulidu; gosi i sta na metadi di nasons suma puti ku kebra, ku ningin ka misti.

Oseias 9:7

Dia di kastigu ciga, dia pa kada kin risibi ke ki mersi. Si i ciga, Israel na sibi! Anunsiadur ta tratadu suma tulu; omi ku nspiradu i ta tratadu suma dudu. Bu pekadu ciu; e ku manda bu ten odiu garandi.

Amos 3:7

Ku sertesa SIÑOR Deus ka ta fasi nada sin i ka mostra si planu pa si servus, anunsiaduris.

Amos 7:17

Pabia di kila, SIÑOR fala asin: ‘Bu minjer na bin sedu minjer di mau fama na prasa, bu fijus macu ku femia na muri ku spada. Bu tera na rapatidu ku korda, bu na muri na un tera ku ka kunsi Deus. Israel, sin duvida, i na lebadu katibu fora di si tera.’ ”

Amos 7:9

Ma kaus altu di Isak na danadu; lugaris sagradu di Israel na kabadu ku el. N na lanta ku spada kontra familia di rei Jeroboan.”

Mikeias 6:13

Asin N na kumsa fraksiu, N na kastigau pabia di bu pekadus.

Zakarias 1:6

Nta ña palabras ku ña avisus ku N manda na boka di ña servus anunsiaduris ka yangasa bo papes? E ripindi, e fala: ‘SIÑOR ku ten tudu puder fasinu ke ku no mersi, suma ki puiba sintidu pa fasinu, konformi no manera di yanda, ku kusas ku no fasi.’ ”

Bon Noba di Jesus Kristu ku Jon 16:4

N konta bos e kusa pa, ora ku ki ora ciga, bo ta lembra kuma N falaba ja bos el. N ka konta bos el disna di kumsada, pabia N staba ku bos.