Oseias 5:6 - BIBLIA - traduson antigu in Krioulo

⁶ E na bai ku se karnel ku se bakas pa buska SIÑOR, ma e ka na ojal. El i bai i fika elis.

Oseias 5:6 ပူးပေါင်းရင်းမြစ်များ

Saida 10:9

Moisés fala: “No dibi di bai ku no mininus, no bejus, no fijus macu ku femia, no karnel ku no bakas, pabia no tene un festival pa SIÑOR.”

Ditus 1:28

“Na ki dia e na coman, ma N ka na kudi; e na buskan ma e ka na ojan.

Ditus 15:8

Sakrifisiu di jinti mau i nujenti pa SIÑOR, ma orason di jinti retu i si kontentamentu.

Ditus 21:27

Sakrifisiu di omi mau i nujenti pa SIÑOR; i mas nujenti inda si i pursental ku motivu mau.

Kantiga di Salomon 5:6

N yabri pa ña kiridu, ma i ka staba la; i baiba ja. N buskal ma N ka ojal; N comal; i ka kudin.

Isaias 66:3

Kil ku mata turu i suma kil ku mata algin; kil ku sakrifika fiju di karnel i suma kil ku kebra garganti di kacur; kil ku pursenta oferta di kumida i suma kin ku pursenta sangi di purku; kil ku kema nsensu i suma kil ku adora un idulu. Esis e kuji se propi kamiñu, e ta fika kontenti ku se kusas nujenti.

Jeremias 11:11

Pabia di kila, ami, SIÑOR Deus, N fala kuma, N na tisi un mal riba delis ke ka na pudi kapli. E na coman, ma N ka na obi elis.

Jeremias 11:14

“Jeremias, ka bu ora pa e pobu, nin ka bu yalsa fála pa fasi pididu pa elis, pabia N ka na obi elis ora ke na coman pabia di se mal.

Jeremias 14:12

Ora ke junjuŋa, N ka na obi se fála; ora ke tisi oferta kemadu ku oferta di kumida, N ka na kontenti ku elis. N na kaba ku elis ku spada, fomi ku duensa.”

Jeremias 7:4

Ka bo fia na ki palabras di mintida ku bo ta fala: ‘Es i kasa di SIÑOR, es i kasa di SIÑOR, es i kasa di SIÑOR!’

Miskiñu di Jeremias 3:44

Bu sukundi tras di nuvens, pa ka no orason ciga bu dianti.

Ezekiel 8:18

Asin N na trata elis ku raiba. N ka na sinti pena delis; N ka na purda elis. Nin ke grita risu na ña oreja, N ka na obi elis.”

Ezekiel 8:6

I puntan: “Fiju di omi, bu oja ke ke na fasi? Bu oja e garandi kusas nujenti ku pobu di Israel na fasi li, pa lunjusin di ña kau sagradu? Bu na oja kusas inda mas nujenti.”

Oseias 8:13

Ki sakrifisius ke ta patin, e ta mata elis, e kume karni, ma ami, SIÑOR, N ka na seta elis. N na lembra di se maldadi, N na kastiga se pekadus. E na riba pa Ejitu.

Amos 8:12

Jinti na yanda-yanda di saida di sol te na si kaida, di norti pa sul, e na kuri pa tudu parti pa buska palabra di SIÑOR, ma e ka na ojal.

Mikeias 3:4

Bo na bin coma SIÑOR ma i ka na obi bos; i na sukundi si rostu di bos na ki tempu, manera ku bo fasi manga di kusa mau.”

Malakias 1:10

SIÑOR ku ten tudu puder fala: “I ta bon ba pa un algin na bo metadi fica portas di templu pa tuji bos peganda fugu na ña altar amonton! N ka sta kontenti ku bos, nin N ka na seta oferta di bo mon.

Lukas 5:16

ma el i ta buskaba sempri un lugar dingidu pa bai ora.

Bon Noba di Jesus Kristu ku Jon 7:34

Bo na buskan, ma bo ka na ojan. Nunde ku N na sta, bo ka pudi bai la.”