Oseias 5:14 - BIBLIA - traduson antigu in Krioulo

¹⁴ N na sedu suma lion pa Efrain, suma fiju di lion pa pobu di Judá. Ami propi N na padasa elis, N bai; ora ku N na rasta elis, i ka na ten kin ku na libra elis.

Oseias 5:14 ပူးပေါင်းရင်းမြစ်များ

Jo 10:16

Si N yalsa ña kabesa, bu ta montian suma lion brabu, bu torna fasi milagris kontra mi.

Jo 10:7

Bu sibi kuma N ka ten kulpa, ma i ka ten kin ku na libran na bu mon.

Salmus 50:22

“Abos ku ta diskisi di mi, Deus, bo pensa ne kusas, pa bo ka bin sapa-sapadu, sin algin pa libra bos.

Salmus 7:2

pa ka e bin rabatan, suma lion, e sapa-sapan, sin N ka tene kin ku na libran.

Isaias 5:29

Tropas na somna suma lion, suma fiju di lion ku na pupa ora ki paña limaria, i na lebal pa kau nunde ku ningin ka pudi kaplintil.

Jeremias 25:38

I bandona si morada suma fiju di lion ku sai na si koba. Si tera bida suma lala, pabia di spada di inimigu, ku forsa di raiba di SIÑOR.

Miskiñu di Jeremias 3:10

I na peran suma ursu ku na montia, suma lion na si kau di sukundi.

Oseias 13:6

N da bos di kume na bon tera, bo farta; dipus di bo farta, bo korson bida orgulyosu; e ku manda bo diskisi di mi.

Oseias 2:12

N na dana si pes di uva ku si figeras, ki ta fala kuma kilas i ke ku si amantis pagal. N na fasi elis un matu ficadu; limarias di matu na kume elis.

Oseias 6:1

Jinti fala: “Bo bin, no riba pa SIÑOR, pabia i padasanu, ma i na kuranu; i molostanu ma i na mara no caga.

Amos 2:14

Kil ku kuri rapidu i ka na kapli; omi forti ka na pudi junta si forsa, nin omi di koraẑen ka na salba si vida.

Mikeias 5:8

Kilis ku sobra di Jakó na sta na metadi di manga di nason, suma lion na metadi di limarias di matu, suma lion nobu na metadi di koral di karnel. Ora ki pasa i ta masa elis, i sapa-sapa elis sin algin pa libra elis.

Ripitison di Lei 28:31

Bu turu na matadu bu dianti, ma bu ka na kume nin un padas di si karni; bu buru na furtadu bu dianti, i ka na tornadu pa bo; bu karnel na dadu pa bu inimigus; i ka na ten kin ku na libral.

Ripitison di Lei 32:39

“Bo oja kuma i ami, ami propi ku sedu Deus. I ka ten utru deus fora di mi. N ta mata, N ta da vida; N ta laña, N ta kura; i ka ten algin ku pudi kapli di ña mon.