13 “Oca ku Efrain oja si duensa, Judá oja si caga tambi. Efrain bai pa Asiria pa pidi ajuda di rei Jareb, ma el i ka pudi kura elis, nin i ka pudi pui pa se caga san.
Na tempu di Peka, rei di Israel, Tiglat-Pileser, rei di Asiria, bin, i toma Ijon, Abel-Bet-Maaka, Janoa, Kedes, Azor, Jilead, Galileia ku tudu tera di Naftali; i leba jinti di ki lugaris pa Asiria.
Akaz manda jinti pa Tiglat-Pileser, rei di Asiria, pa falal: “Ami i bu servu, bu fiju tambi. Bin, bu libran na mon di rei di Siria ku rei di Israel, manera ke lanta kontra mi.”
Efrain ta buri danu ku mintida; i fasi kontratu ku Asiria, i ta leba azeiti pa Ejitu. I suma i ta kume bentu; tudu dia i ta yanda tras di bentu di lesti.
Asiria ka pudi salbanu; no ka na monta kabalus di gera; no ka na torna fala un kusa ku no kumpu ku no mon: ‘Abo i no Deus’, pabia i na bo ku orfan ta oja miserikordia.”
I na kuri tras di si amantis, ma i ka na paña elis; i na buska elis ma i ka na oja elis. Dipus i na fala: “N na riba pa ña purmeru omi, pabia na ki tempu N staba diritu mas di ki gosi.”