Oseias 4:9 - BIBLIA - traduson antigu in Krioulo

⁹ Pabia di kila, saserdoti na kastigadu suma pobu. N na kastigal konformi si kamiñus, N pagal pa kusas ki fasi.

Oseias 4:9 ပူးပေါင်းရင်းမြစ်များ

Ditus 11:31

Si algin justu risibi ke ki mersi li na mundu, ku fadi omi mau ku ta fasi pekadu.

Ditus 12:14

Di palabra di si boka un omi ta farta di bon kusas; tambi i ta pagadu pa kusas ki fasi ku si mon.

Ditus 5:22

Pekadus di omi mau i si armadilia; i ta pañadu ku kordas di si propi pekadu.

Isaias 24:2

Kil ku pasa ku pobu na pasa ku saserdoti; servu na sedu suma si patron, bajuda suma si mestra, kumpradur suma kil ku ta bindi, kil ku pista suma algin ku pistadu, kil ku kobra juru suma kil ku pagal.

Isaias 3:10

Bo fala jinti justu kuma kusas na kuri elis diritu; e na kume frutu di ben ke fasi.

Jeremias 5:31

Anunsiaduris na anunsia mintida, saserdotis na manda ku forsa di anunsiaduris. I kila propi ku ña pobu misti, ma ke ku bo na fasi ora ku e kusas ciga na kabantada?

Ezekiel 44:10

“Ki levitas ku bai lunju di mi oca ku Israel disvia, ku bai yanda tras di se idulus, e na leba kastigu di se pekadu.

Ezekiel 44:12

Manera ke sirbi elis dianti di se idulus, e pui pobu di Israel pa e kai na pekadu, ami, SIÑOR Deus, N yalsa mon, N jurmenta kuma e na leba kastigu di se pekadu.

Oseias 1:4

SIÑOR fala Oseias: “Coma mininu Jizreel, pabia i ka na tarda, N na kastiga familia di Jeu pabia di matansa ki fasi na Jizreel. Tambi N na kaba ku renu di Israel.

Oseias 10:10

Ora ku N misti, N na kastiga Israel. Utru nasons na juntadu kontra elis, pa prindi elis pabia di se pekadu.

Oseias 12:2

SIÑOR tene keŝa kontra Judá tambi. I na kastiga Jakó konformi si manera di yanda; i na pagal konformi kusas ki fasi.

Oseias 12:3

Ocal ba na bariga di si mame, i pega kalkañada di si ermon. Dipus di sedu omi, i luta ku Deus.

Oseias 7:2

I ka ta yentra na se sintidu kuma, ami N ta lembra di tudu se maldadi, ma se pekadus sta na se roda; N ka pudi ka oja elis.

Oseias 8:13

Ki sakrifisius ke ta patin, e ta mata elis, e kume karni, ma ami, SIÑOR, N ka na seta elis. N na lembra di se maldadi, N na kastiga se pekadus. E na riba pa Ejitu.

Oseias 9:15

Deus fala: “Se maldadi kumsa na Jilgal; la ku N kumsa ten odiu delis. Pabia di kusas mau ke fasi, N na tira elis fora di ña kasa. N ka na ama elis mas; tudu se ŝefis sedu rebeldi.

Oseias 9:9

E murguja na kurupson, suma na dias di Jibeá. Deus na lembra di se maldadi, i na kastiga se pekadus.

Zakarias 1:6

Nta ña palabras ku ña avisus ku N manda na boka di ña servus anunsiaduris ka yangasa bo papes? E ripindi, e fala: ‘SIÑOR ku ten tudu puder fasinu ke ku no mersi, suma ki puiba sintidu pa fasinu, konformi no manera di yanda, ku kusas ku no fasi.’ ”

Mateus 15:14

Bo disa elis; e sedu gias segu. Ora ku un segu gia utru segu, tudu dus ta kai na koba.”