Oseias 4:18 - BIBLIA - traduson antigu in Krioulo

¹⁸ Ora ke kaba bibi, e ta pega na mau vida. Se ŝefis gosta di borgoña.

Oseias 4:18 ပူးပေါင်းရင်းမြစ်များ

Kumsada 38:24

Dipus di kuas tris mis, algin bin konta Judá: “Ala Tamar, minjer di bu fiju, i fasi suma minjer di mau vida. Gosi i preña.” Judá fala: “Bo tiral fora pa i kemadu.”

Salmus 47:9

Ŝefis di nasons e junta pa sedu pobu di Deus di Abraon, pabia reis di mundu e sedu di Deus; el i sta na kau altu, riba di tudu.

Saida 23:8

“Ka bu toma suku di bas, pabia suku di bas ta fica uju di kilis ku na oja, i ta tursi palabras di jinti justu.

Jeremias 2:21

I ami propi ku parantau, suma bon rasa di pe di uva, ku nasi di simentera puru. Kuma ku bu torna pa mi un po brabu, un planta ku pirdi si koldadi?

Ezekiel 16:15

“‘Bu fia na bu bonitasku, bu usa bu fama pa sedu minjer di mau vida. Bu ta da bu kurpu pa kualker algin ku pasa, pa i fasil di sil.

Oseias 4:10

E na kume ma e ka na farta; e na miti na pekadu seksual ma e ka na padi, pabia e bandona SIÑOR, e bai tras di utru deusis.

Oseias 4:2

Kusa ku ten nel i son kebra juramentu, konta mintida, mata, furta, pekadu seksual ku violensia. E na darma sangi tudu dia.

Oseias 9:10

Deus fala: “Purmeru dia ku N oja Israel, i suma ora ku algin oja uvas na lala; N oja bo papes, N kontenti ku elis, suma ora ku algin oja purmeru figu kusidu, ma e bai pa Baal-Peor, e dedika pa ki kusa di borgoña; e bida nujenti suma ki kusa ke ama.

Amos 5:12

N sibi kuma bo kebra lei manga di bias; bo pekadus i garandi dimas. Bo ta kastiga jinti justu, bo ta toma suku di bas; bo nega da koitadis se diritu na kau di justisa.

Mikeias 3:11

Se ŝefis ta julga pa suku di bas; se saserdotis ta nsina pa pagamentu; se anunsiaduris ta diviña pa diñeru; ma e ta ngosta na SIÑOR, e fala: “SIÑOR sta na no metadi; nin un mal ka na bin riba di nos.”

Mikeias 7:3

Tudu se mon ten jitu pa fasi mal. Ŝef ta pidi pursentis, juis ta janti pa kudi kil ku dal suku di bas; omi di puder ta iziẑi kil ki misti; elis tudu e ta junta pa mal.

Ripitison di Lei 16:19

Ka bu tursi justisa, ka bu fasi skuju di jinti, nin ka bu seta suku di bas, pabia suku di bas ta sega uju di jinti jiru, i ta tursi palabra di justus.

1 Samuel 8:3

ma elis e ka na yandaba na kamiñu di se pape; e puiba sintidu son pa ngaña diñeru, e ta tomaba suku di bas, e ta tursi justisa.