Oseias 2:2 - BIBLIA - traduson antigu in Krioulo

² Bo pidi bo mame; el i ka sedu ja ña minjer, nin ami N ka sedu si omi, ma bo pidil pa i lunjusi si mau vida di si rostu, i tira si amantis na metadi di si pitu.

Oseias 2:2 ပူးပေါင်းရင်းမြစ်များ

Isaias 11:12

I na lantanda un bandera na metadi di nasons, i na junta jinti di Israel ku Judá ku pajigaduba fora di se tera, i na rukuji elis desdi kuatru kantu di mundu.

Isaias 50:1

Asin ku SIÑOR punta: “Nta i ten karta di kaba kasamenti ku N dispidi bu mame ku el? O i ten algin ku N dibi diñeru pa N bin ntregal bos suma katibus pa paga dibida? Nau! I pabia di bo maldadi ku manda bo bindidu; bo mame serkadu pabia di malis ku bo fasi.

Isaias 58:1

“Grita, ka bu rakadal; yalsa fála suma trombeta, bu mostra ña pobu manera ke kebra lei, bu mostra tambi familia di Jakó se pekadus.

Jeremias 19:3

bu fala: ‘Abos reis di Judá ku pobu di Jerusalen, bo obi palabra di SIÑOR. Asin ku SIÑOR ku ten tudu puder, Deus di Israel, fala: Jubi, N na tisi un garandi mal riba de kau, ku tudu algin ku obil, si oreja na pupa.

Jeremias 2:2

pa N bai, N anunsia pa jinti di Jerusalen, N fala elis kuma SIÑOR fala: “N lembra di bo ocau nobu, manera ku bu seduba fiel. Bu amanba oca bu seduba noiva; bu yanda ku mi na lala, na con ku ka sumiadu.

Jeremias 3:1

SIÑOR fala: “Si un omi dispidi si minjer, kila sai na si mon, i bai kasa ku utru omi, ki purmeru omi ka pudi torna risibil. Si i fasi es, i na kontamina tudu tera. Ma abo, Israel, ku na yanda na mau vida ku manga di amanti, bu misti riba pa mi?

Jeremias 3:13

I fala mas: “I son pa bu rapara bu pekadu, bu seta kuma bu peka kontra SIÑOR bu Deus, kuma bas di tudu arvuri verdi bu bindi bu kurpu pa utru deusis. Konfesa kuma bu ka obdisi ke ku N falau.”

Jeremias 3:18

Na ki dias Israel na yanda ku Judá, e na bin juntu di tera di norti pa tera ku N da bo papes suma yardansa.

Ezekiel 16:20

“‘Fora des, bu toma bu fijus macu ku femia ku bu padi ku mi, bu sakrifika elis pa ki imaẑens, pa e sedu se kumida. Nta bu pekadu seksual i ka justaba?

Ezekiel 16:25

Na kada kantu di kamiñu bu kumpu bu kau altu, bu kontamina bu bonitasku. Bu pursenta bu kurpu pa kada kin ku na pasa; bu buri bu pekadu di mau vida kada bias mas.

Ezekiel 20:4

“Fiju di omi, bu sta pruntu pa julga elis? Bu ten ku julga elis. Pui elis pa e rapara kusas nujenti di se papes;

Ezekiel 23:43

N fala aserka di ki minjer ku tardaba na vida susu: ‘E pudi tenel suma minjer di mau vida!’

Ezekiel 23:45

Omis justu na julga elis, e na akusa elis di kai cai ku darma sangi, pabia e sedu minjeris infiel; sangi sta na se mon.

Oseias 1:2

Oca ku SIÑOR kumsa papia na boka di Oseias, i falal: “Bai bu kasa ku minjer di mau vida; fijus ku bu na padi ku el e na sedu suma el. Asin ku pobu de tera sedu infiel, e disvia di SIÑOR.”

Oseias 2:1

Bo fala bo ermons: “Abos i ña pobu;” bo fala bo irmas: “Abos i amadu.”

Oseias 2:5

Se mame bindi si kurpu pa utru omis, ku padi elis; i fika i na yandaba na borgoña. I fala: “N na bai tras di ña amantis, ku ta dan ña pon ku yagu, ña lan ku liñu, ña azeiti ku bibidas.”

Oseias 4:5

Bu ta da tapada di dia ku di noti; anunsiadur ta da tapada juntu ku bo. N na kaba ku bu mame, Israel.

Mikeias 2:13

Kil ku na yabri kamiñu na bai se dianti; e na romba porton, e sai. Se rei na bai se dianti; SIÑOR na bai dianti pa gia elis.”

2 Koríntius 5:16

Gosi no ka ta jubi jinti suma ku jinti di mundu ta jubi. Kontudu no ta jubiba Kristu suma ku jinti di mundu ta jubi, ma gosi no ka na jubil asin.