Oseias 14:9 - BIBLIA - traduson antigu in Krioulo

⁹ Kin ki jiru? I na sibi kuma e kusas i sertu. Kin ku ten ntindimentu? I na ntindi elis. Kamiñus di SIÑOR i retu; jinti justu na yanda nelis, ma kilis ku ta kebra lei e na kai na ki kamiñus.

Oseias 14:9 ပူးပေါင်းရင်းမြစ်များ

Kumsada 18:25

I ka pudi sedu pa bu fasi kusa suma es, bu mata justus juntu ku jinti mau! Nta algin justu i ta tratadu suma algin mau? I ka pudi sedu! Nta Juis di tudu mundu i ka ta fasi kusa diritu?”

Jo 17:9

Omi justu na yanda na si kamiñu, i ka na largal; kil ku tene mon puru i na kirsi kada bias mas na forsa.

Salmus 107:43

Kin ki jiru, pa i para sintidu ne kusas, i pensa diritu na garandi bondadi di SIÑOR. Kantiga, salmu di Davi.

Salmus 119:128

E ku manda N sibi kuma tudu bu ordis i retu; tambi N nuju tudu kamiñu falsu.

Salmus 119:75

O SIÑOR, N sibi diritu kuma bu leis i justu. bu kastigan pabia bu sedu fiel.

Salmus 84:5

Sortiadu i kilis ku se forsa sta na bo, ku ta pui sintidu pa pega na kamiñu pa monti di Sion.

Salmus 84:7

E ta fika e na ngaña forsa pa bai, tok kada kin bai ciga dianti di Deus na Sion.

Ditus 10:29

Kamiñu di SIÑOR i kau suguru pa kilis ki retu, ma kastigu na bin pa kilis ku ta fasi mal.

Ditus 16:21

Kil ku jiru di korson i ta kunsidu suma algin ntindidu. Palabra sabi i ta buri nsinu.

Ditus 4:18

Kamiñu di justus i suma purmeru lus di mandrugada, ku ta kumsa na aumenta klaridadi tok sol kaba mansi,

Isaias 1:28

ma jinti ku ta fasi mal, e yanda na pekadu, elis juntu e na kabadu ku el. Kilis ku bandona SIÑOR e na pirdi.

Isaias 17:8

I ka na jubi pa altaris ki kumpu ku si mon, nin i ka na pui sintidu na idulus di Aserá nin na altaris di nsensu ku el propi i kumpu.

Isaias 26:7

Kamiñu di justu i filadu. Abo ku sedu justu, bu ta filanta kamiñu di justu.

Jeremias 29:12

Dipus bo na coman, bo na ba ta papia ku mi; N ta obi bos.

Jeremias 9:12

Ke ku manda tera danadu, i kemadu suma lala, tok ningin ka pudi pasa nel? Kal omi ku sedu jiru pa ntindi es? Kin ku SIÑOR nsina tok i pudi splika roson?

Ezekiel 11:18

“E na riba pa la, e na tira na tera tudu se idulus ku kusas nujenti.

Ezekiel 18:25

“Bo na fala kuma kamiñu di SIÑOR i ka bon. Bo sukuta, abos pobu di Israel. Nta ña kamiñu i ka sedu bon? I ka bo kamiñu ku sedu tortu?

Ezekiel 36:25

N na waga yagu puru riba di bos, bo na purifikadu. N na purifika bos di tudu susidadi ku tudu bo idulus.

Daniel 12:10

Manga di jinti na purifikadu, e na bida sin manca, e na probadu, ma disobdientis na kontinua sedu disobdienti; nin un delis ka na ntindi, ma jirus na ntindi.

Sofonias 3:5

Ma SIÑOR ku sta dentru del i justu, i ka ta fasi pekadu. Kada parmaña i ta fasi si justisa na lus, i ka ta maina, ma jinti tortu ka ten borgoña.

Zakarias 10:6

N na fortifika pobu di Judá, N na salba jorson di José. N na ribanta elis pa se tera, pabia N na sinti pena delis. E na sedu suma N ka negaba elis, pabia ami N sedu SIÑOR se Deus, N ta obi elis.

Mateus 11:19

Fiju di omi bin, i ta kume, i bibi; e fala: ‘Es i ta kume dimas, kaba i bibidur, amigu di kobraduris di mpustu ku jinti di mau nomi.’ Ma jiresa di Deus ta mostradu kuma i sertu pabia di si rusultadu.”

Lukas 2:34

Simeon bensua elis, i fala Maria, mame di Jesus: “E mininu i distinadu pa i pui manga di jinti na Israel pa e kai, tambi pa lantanda manga delis. I na sedu sinal ku jinti na fala kontra el,

Lukas 7:23

Sortiadu i kil ku ka pirdi fe na mi.”

Bon Noba di Jesus Kristu ku Jon 15:24

Si N ka fasiba e kusas na se metadi ku nunka ningin ka fasi, e ta tenba diskulpa na se pekadu, ma gosi e oja kil ku N fasi, e nfastian, ami ku ña Pape.

Bon Noba di Jesus Kristu ku Jon 18:37

Pilatus puntal: “Nta abo i rei?” Jesus ruspundil: “Añu ku fala kuma ami i rei. Pa el ku N bin mundu; N padidu pa N da tustumuñu aserka di bardadi. Tudu kil ku misti bardadi i ta seta ña palabra.”

Bon Noba di Jesus Kristu ku Jon 8:47

Kin ki di Deus i ta sukuta palabra di Deus. Ke ku manda bo ka ta sukutal i pabia abos i ka di Deus.”

Bon Noba di Jesus Kristu ku Jon 9:39

Jesus fala: “Ami N bin e mundu pa julga, pa kilis ku ka ta oja pa e oja; kilis ku ta oja pa e bida segu.”

Atus 13:10

“Abo, fiju di diabu, incidu di tudu nganu ku tudu maldadi, inimigu di tudu ki bon, kal tempu ku bu na para dana kamiñu retu di Siñor?

Romanus 7:12

Lei i puru; mandamentu tambi i puru, i justu, i bon.

Ripitison di Lei 32:4

El i Roca; kusas ki fasi i pirfitu; tudu si kamiñus sedu justu. Deus i bardadi; injustisa ka sta nel; el i justu, i retu.

Apokalipsi 15:3

E na kantaba kantiga di Moisés, servu di Deus, ku kantiga di Karnel, e fala: “O Siñor Deus ku ten tudu puder, kusas ku bu fasi i garandi, i di dimira! O Rei di nasons, bu kamiñus i justu, i di bardadi.