Oseias 14:7 - BIBLIA - traduson antigu in Krioulo

⁷ Jinti na torna bin sinta bas di si sombra. E na tene nobu vida suma trigu, e tene manga di flor suma pe di uva. Se fama na sedu suma kil di biñu di Líbanu.

Oseias 14:7 ပူးပေါင်းရင်းမြစ်များ

Salmus 138:7

Si N yanda na metadi di sufrimentu, bu ta arnoba ña vida; bu ta distindi mon kontra raiba di ña inimigus; bu mon direita ta salban.

Salmus 85:6

Nta bu ka na torna danu vida, pa bu pobu pudi kontenti na bo?

Salmus 91:1

Kil ku mora na kau suguru di Deus ku sta riba di tudu, i ta diskansa na sombra di kil ku ten tudu puder.

Kantiga di Salomon 2:3

Suma pe di masan na metadi di arvuris di matu, asin ki ña amadu na metadi di jovens. N gosta ciu di sinta bas di si sombra; si fruta i sabi na ña boka.

Kantiga di Salomon 4:11

Ña noiva, bu bis mela suma bagus di mel; mel ku liti sta bas di bu lingua. Ceru di bu bistidu i suma ceru di Líbanu.

Kantiga di Salomon 6:11

N bai pa orta di nogera, pa oja fruta nobu na kobon, pa N jubi si pe di uva flora, si pe di roman padi ja.

Isaias 61:11

Suma ku con ta pruduzi paja nobu, suma ku orta ta pui si simentera pa i nasi, asin ku SIÑOR Deus na pui retidon ku lovor pa e nasi pa tudu nasons.

Ezekiel 17:23

ki monti mas altu di Israel. I na larga si ramus, i na padi fruta; i na sedu sedru bonitu dimas. Tudu tipu di kacus na pui se niñu la na sombra di si ramus.

Oseias 14:5

Ami N na sedu suma serenu pa Israel; i na da floris suma liriu, i manda si raisis pa fundu suma sedru di Líbanu.

Oseias 2:21

“Na ki dia ami, SIÑOR, N na ruspundi Jizreel, N na papia ku seu, i na ruspundi, i manda cuba na tera; tera na ruspundi, i pruduzi trigu, uvas ku azeitonas.

Oseias 6:2

Dipus di dus dia i na danu vida; na terseru dia i na tornanu suma ku no staba, pa no pudi vivi si dianti.

Zakarias 8:12

“Simentera na rindi ciu, pe di uva na padi si fruta, con na da si prudutus, seu na manda si serenu; N na da tudu e kusas suma yardansa pa e pobu ku sobra.

Bon Noba di Jesus Kristu ku Jon 11:25

Jesus falal: “Ami i resureison, ami i vida. Kin ku setan, inda ki muri, i ta sta bibu.

Bon Noba di Jesus Kristu ku Jon 12:24

N na konta bos bardadi kuma, si garan di arus ka kai na con, i ka muri, i ta fika el son, ma si i muri i ta padi ciu.