Oseias 13:9 - BIBLIA - traduson antigu in Krioulo

⁹ “O Israel, N na kaba ku bo, pabia bu sta kontra mi, bu Judadur.

Oseias 13:9 ပူးပေါင်းရင်းမြစ်များ

2 Kronikas 28:23

Suma ku tropas di Siria ngañal na gera, i sakrifika limarias pa deusis di Damasku, i fala: “Manera ku deusis di reis di Siria juda elis, N na ronia elis pa e pudi judan tambi.” Pabia delis i bin kai, el ku tudu Israel.

Salmus 146:5

Sortiadu i kil ku tene Deus di Jakó suma si Judadur, ku si speransa sta na SIÑOR si Deus,

Salmus 33:20

No pui no speransa na SIÑOR; el i no ajuda, i no tajadera.

Salmus 46:1

Deus i no kau di suguransa, i no forsa, sakur pruntu sempri na ora di foronta.

Ditus 6:32

Kil ku dita ku minjer di utru omi i ka tene kabesa; i dana si propi vida.

Ditus 8:36

Kil ku peka kontra mi i dana si propi vida; tudu kilis ku aburisin e misti mortu.”

Isaias 3:11

Ai di omi mau! Kusas na kuril mal, pabia i na dadu pagamentu di kusas ki fasi ku si mon propi.

Isaias 3:9

Se rostu ta mostra se kulpa; elis e ta peka dianti di jinti suma jinti di Sodoma ta pekaba; e ka ta sukundi. Ai delis! E ta fasi mal pa se kabesa.

Jeremias 2:17

Nta tudu e kusas ku kontisi ku bo i ka pabia bu disa SIÑOR bu Deus, oca ki na giauba na kamiñu?

Jeremias 2:19

I bu maldadi ku na kastigau; bu disviu ku na raprindiu. Pensa diritu, bu jubi kuma ki sedu un kusa mau i malgos pa bu disa SIÑOR bu Deus, bu ka ten rispitu pa el.” Asin ku SIÑOR Deus ku ten tudu puder fala.

Jeremias 4:18

Bu manera di yanda ku kusas ku bu fasi i pui e kusas bin riba di bo. Es i bu kastigu; i malgos tok i ciga na bu korson.

Jeremias 5:25

Bo maldadi disvia bos e kusas; bo pekadus tuji bos e kusas bon.

Oseias 13:4

Deus fala: “Ami i SIÑOR bu Deus ku tirau na tera di Ejitu. Ka bu rikuñisi utru deus fora di mi, pabia i ami son ku sedu Salbadur; i ka ten utru.

Oseias 14:1

O Israel, riba pa SIÑOR bu Deus. Bu pekadus pou pa bu kai.

Oseias 7:14

E ka ta coman di korson, ma e ta da gritus na se kama. E ta junta pa trigu ku biñu, ma e ravolta kontra mi.

Oseias 7:15

N nsina elis, N fortifika se mon, ma e filanta mal kontra mi.

Malakias 1:12

“Ma abos, bo ta kontamina ña nomi ora ku bo fala: ‘Mesa di SIÑOR i impuru.’ Ki kumida di oferta ku sta nel, bo ta fala kuma i son pa njutidu!

Malakias 1:13

Bo ta fala tambi: ‘E kansera!’ Bo ta yalsa naris ku disprezu. Bo ta pursenta limaria ku furtadu, o manku o duenti; asin ku bo ta da oferta. Nta ami N na setal na bo mon?” Asin ku SIÑOR ku ten tudu puder punta.

Malakias 1:9

Bo bai pidi Deus fabur pa i pudi ten pena di nos. Ma ku ki koldadi oferta na bo mon, i na seta bos me?

Ripitison di Lei 33:26

“O Jesurun, i ka ten utru algin suma Deus! I ta yanda montadu riba di seu pa judau; na si gloria i ta yanda suma rei riba di nuvens mas altu.

Ripitison di Lei 33:29

O Israel, abo i sortiadu! Kin ku sedu suma bo, un pobu ku SIÑOR salba? El i bu tajadera ku ta sakurau, tambi i bu spada gloriosu. Pa kila bu inimigus na fika bas di bo; bu na masa elis.”