Oseias 13:8 - BIBLIA - traduson antigu in Krioulo

⁸ Suma ursu femia ku robadu si fijus, N na ataka bos, N na findi bo pitu; N na kume bos la suma ku lion ta kume. Limarias di matu na padasa bos.

Oseias 13:8 ပူးပေါင်းရင်းမြစ်များ

2 Samuel 17:8

Bu kunsi bu pape diritu, kuma el ku si omis e sedu geriaduris; gosi e sta brabu suma ursu di matu ku tiradu si fijus. Fora des, bu pape tarda kunsi gera; i ka na durmi juntu ku tropas.

Salmus 50:22

“Abos ku ta diskisi di mi, Deus, bo pensa ne kusas, pa bo ka bin sapa-sapadu, sin algin pa libra bos.

Salmus 80:13

Purku di matu ta bin dana-danal; limarias di matu ta bin kumel.

Ditus 17:12

I minjor pa kontra ku onsa ku robadu si fijus te pa kontra ku tulu na si tulesa.

Isaias 5:29

Tropas na somna suma lion, suma fiju di lion ku na pupa ora ki paña limaria, i na lebal pa kau nunde ku ningin ka pudi kaplintil.

Isaias 56:9

Abos, tudu limarias di matu, ku tudu ki brabus di matu meduñu, bo bin kume.

Jeremias 12:9

Ña yardansa pa mi i un kacu di manga di kor; kacus brabu ta bin rodial pa ataka. Abos, tudu limarias di matu, bo junta, bo bin, bo kumel.

Jeremias 25:38

I bandona si morada suma fiju di lion ku sai na si koba. Si tera bida suma lala, pabia di spada di inimigu, ku forsa di raiba di SIÑOR.

Oseias 2:12

N na dana si pes di uva ku si figeras, ki ta fala kuma kilas i ke ku si amantis pagal. N na fasi elis un matu ficadu; limarias di matu na kume elis.

Oseias 5:14

N na sedu suma lion pa Efrain, suma fiju di lion pa pobu di Judá. Ami propi N na padasa elis, N bai; ora ku N na rasta elis, i ka na ten kin ku na libra elis.