Oseias 13:4 - BIBLIA - traduson antigu in Krioulo

⁴ Deus fala: “Ami i SIÑOR bu Deus ku tirau na tera di Ejitu. Ka bu rikuñisi utru deus fora di mi, pabia i ami son ku sedu Salbadur; i ka ten utru.

Oseias 13:4 ပူးပေါင်းရင်းမြစ်များ

2 Reis 18:35

Na tudu deusis di teras, kal ku pudiba libra se tera na ña mon? Nta kuma ku SIÑOR na libra Jerusalen na ña mon?’ ”

Isaias 43:3

Ami i SIÑOR, bu Deus; N sedu Deus Santu di Israel, bu Salbadur. N da Ejitu, Etiopia ku Seba, suma pres pa kaplintiu.

Oseias 11:1

SIÑOR fala: “Oca ku Israel seduba mininu, N amal; N coma ña fiju na Ejitu.

Oseias 12:10

“N papia ku anunsiaduris, N da elis manga di vison, N papia na komparason ku se boka.

Oseias 12:9

Ami, SIÑOR bu Deus, ku tirau na Ejitu, N na fasiu pa bu torna mora na tendas, suma na dias di festival markadu.

Oseias 2:15

N na tornal si ortas di uva; N na fasi kobon di Akor porta di speransa. I na kanta la, suma na dias di si nobresa, suma tambi na ki dia ki sai na tera di Ejitu.

Oseias 2:20

N na guarda ña purmesa pa bo pa bu sedu di mi; bu na rikuñisin suma SIÑOR.

Jonas 2:10

SIÑOR da ordi pa pis; kila vomita Jonas na ntera.

Atus 4:12

I ka ten nin utru algin ku pudi salba, pabia ne mundu li, Deus ka da jinti nin utru nomi ku pudi salbanu.”