Oseias 13:13 - BIBLIA - traduson antigu in Krioulo

¹³ Dur di partu bin pa si mame, ma el i un mininu sin juisu, pabia tempu ciga, ma el i ka sta na kau ki dibi di sta nel pa i pudi padidu.

Oseias 13:13 ပူးပေါင်းရင်းမြစ်များ

2 Reis 19:3

pa e bai kontal e rekadu: “Aos i dia di kasabi; jinti na kobanu, e na njutinu. No sta suma minjer ku sta di partu, ma i ka ten forsa pa padi fiju.

Salmus 48:6

E kumsa na tirmi ku forsa, e sinti dur suma minjer na partu.

Ditus 22:3

Algin ku ta pensa diritu i ta oja pirigu, i bai sukundi, ma kil ku ka ta pensa diritu i ta yentra na pirigu, i ta bai sufri.

Isaias 13:8

E na panta dimas; dur ku foronta na toma konta delis. E na tursi kurpu suma minjer na partu, e na jubi ŋutru ku medu; se rostus na kema ku borgoña.

Isaias 21:3

Ña kurpu na tursi ku dur. Dur toma konta di mi suma dur di minjer ku sta na partu. N foronta tok N ka pudi obi; N dismaja tok N ka pudi oja.

Isaias 26:17

Suma minjer preñada, ora ki pertu padi, i ta grita na si dur di partu, asin ku no staba bu dianti, o SIÑOR.

Isaias 37:3

pa e falal kuma asin ku Ezekias fala: “Aos i dia di kasabi; jinti na njutinu, e na kobanu mal. No sta suma minjer ku sta di partu, ma i ka ten forsa pa padi.

Isaias 66:9

Nta ami N ta tisi algin te na ora di padi, N ka judal tene fiju? O N ta fica bariga ora ku algin na padi?” Asin ku SIÑOR bu Deus na punta.

Jeremias 13:21

Ke ku bu na fala ora ku Deus pui riba di bo kilis ku bu pegaba amisadi ku elis? Nta bu ka na bin sufri dur suma minjer ku sta di partu?

Jeremias 22:23

Abo ku mora sabi na palasiu di sedru, ku tisidu di tera di Líbanu, bu na jimi ku forsa ora ku dur bin pa bo, ku foronta suma minjer na partu.”

Jeremias 30:6

Punta, bu jubi si un omi pudi tene dur di partu. Ke ku manda N na oja kada omi ku mons riba di si bariga suma minjer ku na padi? Kuma ku se rostus bida brankasenti?

Jeremias 4:31

N obi gritu, suma di minjer ku sta di partu; N obi jimidu, suma di kin ku na padi si purmeru fiju. I seduba vos di prasa di Sion ku ka pudiba da folgu diritu, ku distindi si mon, i fala: “O! Ai di mi gosi! N na dismaja dianti di mataduris!”

Jeremias 49:24

Damasku bida fraku, i da kosta pa kuri. Medu toma konta del, foronta ku dur pañal suma minjer na partu.

Oseias 5:4

Kusas ke na fasi tuji elis riba pa se Deus, pabia spiritu di mau vida sta na se korson; e ka ta rikuñisi SIÑOR.

Bon Noba di Jesus Kristu ku Jon 16:21

Ora ku un minjer sta pa padi, i ta sinti kasabi, pabia si ora ciga, ma dipus di padi mininu, i ka ta lembra ja di kansera ki pasa, pabia di kontentamentu di padi un fiju.

Bon Noba di Jesus Kristu ku Jon 5:4

pabia un anju ta dati i ria na pisina, i ta bulbuli yagu; purmeru duenti ku riaba la dipus di yagu bulbulidu i ta fika kuradu di kualker duensa ki tene.]

Atus 24:25

Oca i kumsa na fala kusa di yanda diritu, ku guberna no vontadi, ku juisu ku na bin, Féliŝ fika ku medu, i falal: “Gosi i justa; bu pudi bai. Ora ku N ten tempu N ta torna comau.”

2 Koríntius 6:2

Deus fala: “Oca tempu ciga pa N mostra bos fabur, N obi bos. Na dia di salbason N sakura bos.” Agora, dia di fabur ciga ja. Aos i dia pa sedu salbu.

Ripitison di Lei 32:6

O pobu tulu, sin jiresa, asin ku bu ta paga SIÑOR? Nta el i ka bu Pape ku kumprau, i kumpou, i firmantau?

1 Tesalonisensis 5:3

Ora ku jinti fala kuma tudu sta susegadu, suguru, i ta oja garandi danu ciga riba delis di repenti, suma ku dur di partu ta ciga na minjer preñada. Di nin un manera e ka na kapli.