Oseias 11:11 - BIBLIA - traduson antigu in Krioulo

¹¹ E na bin dipresa; kilis di Ejitu na bin suma kacus; di Asiria e na bin suma pumba. N na pui elis mora na se kasas.” Asin ku SIÑOR fala.

Oseias 11:11 ပူးပေါင်းရင်းမြစ်များ

Isaias 11:11

Na ki dia SIÑOR na torna distindi si mon pa liberta restu di si pobu, kilis ku sobra na Asiria, Ejitu, Patros, Etiopia, Elan, Babilonia, Amat, ku na jius ku teras lungu di mar.

Isaias 60:8

Esis i kin ku na bua pa bin, suma nuvens, suma pumbas ku na riba pa se kau?

Jeremias 31:12

Asin e na bin, e na grita ku kontentamentu na monti di Sion. E na sta kontenti ku rikesas di SIÑOR: trigu, biñu nobu, azeiti, fijus di karnel ku baka. Elis e na sedu suma orta reguadu diritu; nunka mas e ka na yanda tristi.

Ezekiel 34:27

Arvuris di matu na padi se fruta; con na da si paja. Elis e na mora suguru na se tera; e na sibi kuma ami i SIÑOR ora ku N kebra ki korenti ke maradu ku el, N libra elis na mon di kilis ku teneba elis prezu.

Ezekiel 34:28

Nasons ka na furta elis mas, nin limarias brabu ka na kume elis. E na mora suguru; i ka na ten ningin ku na pantanda elis.

Ezekiel 37:21

bu fala elis: ‘Asin ku SIÑOR Deus fala: N na toma fijus di Israel na metadi di nasons nunde ke baiba, N na junta elis di tudu parti, N leba elis pa se propi tera.

Ezekiel 37:25

E na mora na tera ku N da ña servu Jakó, ku bo papes moraba nel. Elis ku se fijus ku fijus di se fijus e na mora nel pa sempri. Davi, ña servu, na sedu se rei pa sempri.

Oseias 3:5

Dipus fijus di Israel na buska SIÑOR se Deus, ku Davi, se rei. Na ultimu dias e na ten medu di SIÑOR, e bin buska si bondadi.

Oseias 7:11

“Efrain i suma pumba; i ka jiru, i ta lestu di nganadu. Si pobu ta coma Ejitu; e sai e bai pa Asiria.

Obadias 1:17

Ma monti Sion na sedu sagradu; i na ten libramentu la. Jorson di Jakó na tene tera di si yardansa.

Zakarias 10:10

N na ribanta elis di tera di Ejitu ku di Asiria, N junta elis, N tisi elis pa tera di Jilead ku Líbanu; kau na perta ku elis.

Zakarias 8:7

Asin ku SIÑOR ku ten tudu puder fala: “N na kaplinti ña pobu di teras di saida di sol ku si kaida,

Zakarias 8:8

N na ribanta elis pa e mora na Jerusalen; e na sedu ña pobu; ami N na sedu se Deus fiel i justu.”