Oseias 10:5 - BIBLIA - traduson antigu in Krioulo

⁵ Pobu ku mora na Samaria na ten medu pabia di ki bakasiñu di Bet-Aven; e na cora pa el; saserdotis ku ta sirbilba na cora tambi; e ta kontenti ba ku gloria di ki idulu, ma ki gloria pirdi.

Oseias 10:5 ပူးပေါင်းရင်းမြစ်များ

2 Reis 10:29

ma i ka para yanda na pekadu di Jeroboan, fiju di Nebat, ku puiba jinti di Israel pa e peka; i kontinua na adora ki bakasiñus di uru ku staba na Betel ku Dan.

2 Reis 17:16

E disa tudu mandamentus di SIÑOR se Deus, e kumpu imaẑens di dus bakasiñu di metal, e fasi un idulu di Aserá, e mborka dianti di tudu strelas di seu, e adora Baal.

2 Reis 23:5

I tira ki saserdotis na sirvis ku reis di Judá puiba pa e kema nsensu riba di kaus altu na prasas di Judá ku na roda di Jerusalen, suma tambi kilis ku ta kemaba nsensu pa Baal, pa sol, lua, utru planetas ku tudu strelas di seu.

2 Kronikas 11:15

i ranja si propi saserdotis pa kaus altu sagradu, pa kultus di dimonius ku di idulus di bakasiñus ki kumpu.

2 Kronikas 13:8

Gosi bo misti geria kontra renansa di SIÑOR ku sta na mon di jorson di Davi. Na bardadi bo sedu tropas ciu, bo tene la na bo metadi ki turusiñus di uru ku Jeroboan kumpu pa e sedu bo deusis.

Isaias 46:2

Ki idulus tudu juntu e mpina, e pirdi forsa; e ka pudi kaplinti se kabesa, ma elis propi na lebadu pa katiberasku.

Oseias 13:2

E na peka kada bias mas. E ta toma se prata, e kumpu imaẑens pa se kabesa; omis ku ten jitu ta kumpu ki idulus tudu bonitu. Jinti ta fala aserka delis: “Omis ku pursenta sakrifisius e ta beẑa idulus di baka.”

Oseias 4:15

“Abo, Israel, nin ku bu misti yanda na mau vida, ka bu pui Judá pa i sedu kulpadu; ka bo bin pa Jilgal, nin pa Bet-Aven, nin ka bo jurmenta pa vida di SIÑOR.

Oseias 5:8

Bo toka korneta na Jibeá; bo toka cifri na Ramá; bo grita pa coma tropas na Bet-Aven. Benjamin, bai dianti, no sta bu tras!

Oseias 9:1

Israel, ka bu kontenti tok bu jukuta, suma utru nasons, pabia bu bai suma minjer di mau vida, bu disa bu Deus. Bu ama pagamentu di bu mau vida na tudu kau di masa trigu.

Oseias 9:11

Gloria di Efrain na bua suma kacu; minjeris ka na preña, e ka na padi; fijus ka na ten.

Amos 3:14

Na dia ku N kastiga Israel pa si pekadus, N na kaba ku altaris di Betel tambi; pontas di altar na kortadu, e na kai na con.

Sofonias 1:4

“N na distindi ña mon kontra Judá, ku tudu kilis ku mora na Jerusalen. N na kaba ku tudu ku sobra di Baal ne kau, ku nomi di saserdotis ku kilis ku ta sakrifika pa idulus.

Atus 19:27

Pirigu sta li. I ka son no nogos ku na kuri risku di pirdi balur, ma tambi baloba propi di garandi deus Diana na pirdi rispitu. Diana propi, ku tudu Asia ku mundu ntidu ta adora, na pirdi si garandesa.”

Josué 7:2

Di Jerikó, Josué manda omis pa Ai, ku sta pertu di Bet-Aven, lungu di Betel na ladu di saida di sol, i fala elis: “Bo bai jubi tera.” Asin ki omis bai, e bai jubi Ai.

Ŝefis 18:24

Mika ruspundi elis: “Bo toma ña deusis ku N kumpu, tudu ku ña saserdoti, bo bai ku elis. Ke bu bo fikan ku el gora? Kuma ku bo na puntan ke ku N tene?”