Obadias 1:4 - BIBLIA - traduson antigu in Krioulo

⁴ Nin ku bu bua riba suma agia, bu bai pui bu niñu na metadi di strelas, di la N na batiu na con.

Obadias 1:4 ပူးပေါင်းရင်းမြစ်များ

Isaias 10:14

Suma ku algin ta bai pa niñu, i miti mon, i junta ovus ku bandonadu, asin ku ña mon toma rikesas di nasons, N junta tudu teras. I ka ten kin ku yalsa si asa, o ku yabri si boka i papia.’ ”

Jeremias 49:16

Ki medu ku bu ta pui na jinti, ku orgulyu di bu korson, i nganau. Abo ku mora na kobas di pedra garandi, ku ta mora riba di montis, nin si bu pui bu niñu la riba suma agia, di la N na batiu. I ami, SIÑOR, ku fala.

Jeremias 51:53

Mesmu ku Babilonia pudi subi na seu, i kumpu kau forti la riba, ami, SIÑOR, N na manda jinti pa e bai danal.

Amos 9:2

Nin si e koba tok e ciga na mundu di mortu, ña mon na tira elis la. Si e subi pa seu, N na rianta elis la.

Abakuk 2:9

“Ai di kil ku junta na si kasa rikesa ki ngaña na un manera mau, pa pui si niñu na kau altu, pa libra di puder di mal!